نئی دلّی ، 07 اپریل / آئی این ایس  سرویکشن ، جو آبی سروے  کا ایک جہاز ہے ،  ماریشس  کے بحری جہازوں کے ساتھ  مشترکہ  آبی  جائزوں کے لئے ماریشس میں تعینات  کیا گیا ہے ۔ اس تعیناتی کے دوران  ماریشس  کے اہلکاروں کو بحری تحقیق  سے متعلق  جدید آلات  اور طریقۂ کار  کے بارے میں تربیت دی جائے گی ۔ جہاز ماریشس کے پورٹ  لوئی پہنچا ہے اور اس نے پورٹ  لوئی کے گہرے سمندری علاقے میں بحری  سروے کا کام شروع کر دیا ہے ۔

          آئی این ایس سرویکشن  میں ، جو خاص طور پر  سروے کرنے والا جہاز ہے ،  جدید ترین آلات نصب ہیں ، جیسے گہرے  سمندر کے لئے ملٹی بیم ایکو ساؤنڈر ،  سائڈ اسکین سونار  اور  پوری طرح  خود کار ڈجیٹل سروے  اور پروسیسنگ  نظام وغیرہ ۔ اس کے علاوہ ، اس جہاز  پر ایک چیتک ہیلی کاپٹر بھی ہے ، جسے سروے کے دوران  کافی  استعمال میں لایا  جاتا ہے ۔

          آئی این ایس  سرویکشن  نے پچھلے چند برسوں کے دوران  ماریشس  ، سیشلز  ، تنزانیہ  اور کینیا  میں غیر ملکی تعاون  کے لئے کئی سروے کئے ہیں ۔

۔۔۔۔ ۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔  ۔۔۔ ۔ ۔ ۔۔۔۔۔۔۔۔۔۔۔۔۔۔۔۔ ۔۔ ۔ ۔۔۔۔۔۔۔ ۔ ۔

( ش ح ۔ و ا  ۔ ع ا ۔ 07.04.2021 )

U.No. 3488