এজুকেসন মন্ত্রালয় (এম.ও.ই.) অমসুং য়ুনিভর্সিতী গ্রান্তস কম্মিসন (য়ু.জি.সি.)না সরকারনা স্তেকহোল্দরশিংগী ইজ ওফ লিভিং লৈহন্নবা ইজ ওফ দুইং বিজিনেসতা মীৎয়েং থম্লিবা অসিগী মতুং ইন্না লৌখৎপা থৌরাং ওইনা হায়র এজুকেসন সেক্তরদা কমপ্লাইয়েন্সকী পোৎলুম হন্থহন্নবা ফোর্মশিং অমসুং প্রোসেসশিং স্ত্রীমলাইন তৌনবা স্তেকহোল্দরশিংগা লোইননা ওনলাইনগী ওইবা খন্ন-নৈনবা মথং-মথং পাঙথোকপা হৌখ্রে।

মথং-মথং পাঙথোকখিবা অসিগুম্বা অহানবা ওনলাইন ৱার্কশোপতা এজুকেসন মন্ত্রালয়গী হায়র এজুকেসনগী সেক্রেতরী শ্রী অমিৎ খারেনা ময়াই তাংবল লৌখি।

মসিদা য়ুনিভর্সিতী গ্রান্তস কম্মিসনগী চিয়রমেন প্রোফেসর দি.পি. সিংহ অমসুং ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.)গী চিয়রমেন প্রোফেসর অনিল দি. সহস্রাবুধেনসু শরুক য়াখি। সি.আই.আই., এফ.আই.সি.সি.আই. এ.এস.এস.ও.সি.ঐচ.এ.এম অসিগুম্বা ইন্দস্ত্রী এসোসিএসনশিংগী মীহুৎশিং, অমসুং সেন্ত্রেল, স্তেৎ, দীমদ, প্রাইবেৎ য়ুনিভর্সিতীশিং অমসুং তেক্নিকেল য়ুনিভর্সিতীশিংগী ভাইস-চাঞ্চেল্লরশিংনা হায়র এজুকেসন ইন্সতিত্যুসনদা কমপ্লাইয়েন্সকী পোৎলুম হন্থহন্নবা মখোয়গী ৱাখল্লোনশিং ফোঙদোকখি। মখোয়গী ফীদবেক্ততা য়ুম্ফম ওইরগা প্রোসেস স্ত্রীমলাইন তৌনবা অমসুং কমপ্লাইয়েন্সকী পোৎলুম হন্থহন্নবা হীরম কয়া মশক খঙদোকখ্রে। হীরমশিং অদুদা য়াওরিবশিং অদুদি –

• গভর্নান্স অমসুং রিগুলেতরী রিফোর্মশিং
• মহৈরোইশিং, ফেকল্তী অমসুং স্তাফকী লাইথোকহন্নবা প্রোসেস অমুক হন্না প্রোসেস শেদোকপা অমসুং তেক্নোলোজী শিজিন্নবা হেনগৎপা
• রিগুলেতরী বোদীশিং ই-পাউ হঞ্জিন-হঞ্জিন দিমান্দ তৌবনা থবক কয়া হঞ্জিন-হঞ্জিন শুহল্লি। ভেল্যু এদিসন পীরিবা ই-পাউ খক্তা ঐচ.ই.আই.শিংদগী লৌগদবনি।

হীরম অসিদা মখোয়-মখোয়গী ইন্সতিত্যুসনশিংদা ইন্তর্নেল মীতিং পাঙথোক্নবসু শরুক য়াখিবা ভি.সি. পুম্নমক্তা খঙহনখি অমসুং মখোয়না পাঙথোকপা মীফমদগী ফংলকপা সজেসনশিং অদু য়ু.জি.সি.দা থারক্নবসু খঙহনখি।

অসিগুম্বা খন্ন-নৈনবা অসিগী নোদেল এজেন্সী য়ু.জি.সি.না ওইগনি।

মতুং তারকপদা কমপ্লাইয়েন্সকী পোৎলুম হন্থহন্নবা লমশিং খঙদোক্নবা হায়র এজুকেসন ইন্সতিত্যুসন মশিং য়াম্না শরুক য়াহন্নবা অসিগুম্বা ৱার্কশোপ কয়া পাঙথোক্কনি।

*****