नवी दिल्ली, 1 एप्रिल 2021

देशभरात विविध  प्रकल्पांच्या नूतनीकरण, पुनर्निर्माण आणि पुनर्वसनास रस्ते वाहतूक आणि महामार्ग मंत्रालयाने मान्यता दिली आहे. महाराष्ट्रातील मंजुरी मिळालेले प्रकल्प खालीलप्रमाणे:-

महाराष्ट्र:-

1. राष्ट्रीय महामार्ग 753 J वरील जळगाव-भद्रावन चाळीसगाव-नांदगाव-मनमाड मार्गाचे दुपदरी / चार पदरी बांधकाम आणि नूतनीकरण 252 कोटी रुपये आर्थिक तरतुदीसह मंजूर झाले आहे.
2. राष्ट्रीय महामार्ग 166 E वरील गुहागर-चिपळूण रस्त्याचे नूतनीकरण 171 कोटी रुपये आर्थिक तरतुदीसह मंजूर झाले आहे.
3. गडचिरोली जिल्ह्यात 262 कि.मी. ते 321 कि.मी. पर्यंत राष्ट्रीय महामार्ग 353C चे नूतनीकरण करणे आणि गडचिरोली जिल्ह्यात 16 लघु व प्रमुख पूल बांधण्यास 282 कोटी रुपये आर्थिक तरतुदीसह मान्यता देण्यात आली आहे.
4. राष्ट्रीय महामार्ग 752 I च्या वातूर ते चारठाणा विभागातील दोन मार्गिकांचे पुनर्वसन व नूतनीकरणासाठी 228 कोटी रुपये आर्थिक तरतुदीसह मान्यता देण्यात आली आहे.
5. राष्ट्रीय महामार्ग 753 वरील तिरोरा-गोंदिया विभागाच्या दुपदरीकरणासाठी 282 कोटी रुपये आर्थिक तरतुदीसह मान्यता देण्यात आली आहे.
6. राष्ट्रीय महामार्ग 166 G वरील तारेरे - गगनबावडा - कोल्हापूर विभागाच्या नूतनीकरणासाठी 167 कोटी रुपये आर्थिक तरतुदीसह मान्यता देण्यात आली आहे.
7. राष्ट्रीय महामार्ग 753 वरील 28.2 कि.मी. लांबीच्या बांधकामसह तिरोरा-गोंदिया राज्य महामार्गाच्या विभागाच्या नूतनीकरणास 288.13 कोटी रुपये मंजूर झाले आहेत.
8. नागपूर आरटीओ चौक ते नागपूर युनिव्हर्सिटी कॅम्पस येथे उड्डाणपूल आणि एनएच 53 वरील वाडी / एमआयडीसी जंक्शन येथे चार पदरी उड्डाणपुलाचे काम मंजूर झाले असून त्यासाठी रु. 478.83 कोटी रुपयांची आर्थिक तरतूद करण्यात आली आहे.
9. एनएच 63 वर नांदेड जिल्ह्यातील येसेगी गावाजवळ मांजरा नदीवरील पुलाचे बांधकाम 188.69 कोटी रुपयांच्या आर्थिक तरतुदीसह मंजूर झाले आहे.
10. एनएच 543 वरील आमगाव-गोंदिया विभागाच्या नूतनीकरणासाठी 239.24 कोटी रुपये मंजूर झाले आहेत.
11. परळी ते गंगाखेड या एनएच 361F च्या विभागाच्या नूतनीकरण आणि पुनर्वसनासाठी 224.44 कोटी रुपये मंजूर झाले आहेत.

M.Chopade/V.Joshi/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com