نئی دلّی ، 30 مارچ / تعلیم کے مرکزی وزیر جناب  رمیش پوکھریال نشنک نے آج  ورچوول طور پر  ہیپی نیس کے سینٹر   آنندم کا افتتاح کیا ۔   اس موقع پر جموں و کشمیر کے لیفٹننٹ گورنر  جناب منوج سنہا ،  آرٹ آف لیونگ فاؤنڈیشن  کے بانی  جناب شری شری روی شنکر  موجود تھے ۔   آئی آئی ایم جموں کے بورڈ آف گورنر کے چیئر مین  ڈاکٹر ملند کامبلے نے  ، اِس تقریب کی صدارت کی ، جب کہ آئی آئی ایم جموں کے ڈائریکٹر پروفیسر بی ایس سہائے بھی  ، اِس تقریب میں  موجود تھے ۔

اس موقع پر اظہارِ خیال کرتے ہوئے  جناب پوکھریال نے ، اِس نئے پروجیکٹ کے لئے آئی آئی ایم جموں  کو مبارکباد دی  اور  ہیپی نیس کے مرکز ، آنندم کی ضرورت  کو اجاگر کیا ۔  انہوں نے کہا کہ  تعلیمی نصاب میں  ہیپی نیس کو  شامل کرنا  ہمارے ملک کو با اختیار  بنانے  کی جانب  ایک اہم قدم ہے ۔  یہ اقدام  ہمارے تعلیمی نظام کو  نئی اونچائیوں تک لے جائے گا ، جو قدیم ہندوستانی یونیورسٹیوں  جیسے نالندہ  اور  تکش شِلا    کے دور جیسی ہو گی ۔  انہوں نے وضاحت کی کہ  کس طرح آنندم  ،  ہیپی نیس کا سینٹر     ، قومی تعلیمی پالیسی – 2020 کے ساتھ  ربط رکھتا ہے ، جس کا مقصد  ہندوستان کے تعلیمی نظام کو  2021 ء تک  یکسر تبدیل کرنا ہے ۔  انہوں نے  اپنی تقریر کا اختتام  ملک کے دوسرے اداروں  کو  خود اپنے  ہیپی نیس سینٹر قائم کرنے کی حوصلہ افزائی کے ساتھ کیا ، جس سے طلباء کو  دباؤ سے پاک زندگی  گزارنے میں مدد مل سکے ۔

وزیر موصوف نے کہا کہ  طلباء اور فیکلٹی کو  حتمی میعاد  ، کورس کے کام  ، تدریسی دباؤ اور پیشہ ورانہ اور ذاتی زندگی کے دباؤ کی وجہ سے بہت زیادہ دباؤ کا سامنا کرنا پڑتا ہے ۔ اس کے نتیجے میں اساتذہ اور طلباء کو  ڈپریشن کا سامنا  ہو سکتا ہے ۔  اس لئے یہ سینٹر ذہنی تناؤ کو کم کرنے  اور مثبت  رویہ کو فروغ دینے میں مدد کریں گے   ۔ انہوں نے مزید کہا کہ یہ سینٹر آئی آئی ایم جموں میں تمام فریقوں کی مجموعی ترقی  کی حوصلہ افزائی  کرے گا ۔

انہوں نے مزید کہا کہ جموں کے انڈین انسٹی ٹیوٹ آف مینجمنٹ میں آنندم  قائم کرنے کا مقصد مجموعی بہتری  پیدا کرنا ہے ۔ سینٹر میں مسلسل جسمانی  ورزش طلباء اور فیکلٹی دونوں کے لئے جسمانی سطح پر  تندرستی  میں تعاون کرے گی ۔   جناب پوکھریال نے مزید بتایا کہ  سینٹر  کا یہ ویژن ہے  کہ سبھی کو  مسلسل کوششوں کے ذریعے  آنند کی کیفیت  حاصل ہو سکے ۔   انہوں نے کہا کہ  سانس لینے کی ورزش  جیسے  پرانایام  اور ذہنی مراقبے  کی ورزش  کی جا رہی ہے ، جو قوت میں اضافہ  کرنے میں مدد کرتی ہیں ۔  انہوں نے کہا کہ  اس کے علاوہ ، دھیان  کی ورزش کی بھی حوصلہ افزائی کی جائے گی ۔

وزیر موصوف نے بتایا کہ  ہیپی نیس کے سینٹر آنندم  کے تصور کے تحت  بنیادی  سرگرمیوں  کو پانچ  وسیع زمروں  یعنی  مشاورت ، مجموعی صحت  ، ہیپی نیس  سے متعلق  اختیاری  کورس  ،  ترقی ، تحقیق ، لیڈر شپ اور  فیکلٹی ڈیولپمنٹ شامل ہیں ۔   انہوں نے مزید کہا کہ سینٹر کے لئے ماہرین کے مشاورتی بورڈ  میں  مختلف  تعلیمی    ، تحقیق اور  صنعت کے ماہرین شامل ہیں ۔

شرکاء سے خطاب کرتے  ہوئے جناب سنہا نے ہیپی نیس سے متعلق  اپنا  تصور پیش کیا ، جس میں انہوں نے  ہمارے پڑوسی ملک بھوٹان کی مثال پیش کی ، جو  ہیپی نیس کے انڈیکس میں  بہت اوپر ہے ۔  انہوں نے کہا کہ دولت کو ناپنے  کا درست  طریقہ  رقم  کو ناپنا نہیں بلکہ ہیپی نیس کو ناپنا ہے ۔ انہوں نے طلباء کو یوگا  ، دھیان اور  دیگر روحانی ورزشوں کے فوائد کے بارے میں  بتایا کہ  کس طرح  خوش رہ کر ، وہ اپنی مجموعی کار کردگی کو بہتر بنا سکتے ہیں اور  بھگوان  کی پوجا کرنے کا بہترین طریقہ  خوش رہنے کا آئیڈیا ہے ۔ 

ہیپی نیس کے سینٹر  کے لئے  آنندم کا نام  ہندوستان کی  روایتی   ذہانت  سے اخذ کیا گیا ہے، جس میں مکمل آگہی  کو ہی  آنندم  کہا جاتاہے ۔ آنندم کا مقصد  صرف خوشی ہی نہیں بلکہ  حق کا علم حاصل کرنا  ، اچھے کام کرنا  اور آس پاس کی  خوبصورتی سے  محظوظ ہونا ہے ۔  آنندم  کے لئے ٹیگ لائن  میں ، اِس تصور  کو مزید  پختہ کیا گیا ہے کہ یہ  ہر ایک کی بہتری کے لئے کام کرے گا ۔ اس  کی ٹیگ لائن ہے  ،  ‘‘ سرو بھوت ہِتے رتاہا ’’ ، جس کا مطلب ہے ، ہمیشہ  سب کی فلاح کے لئے  تحریک  حاصل کریں ۔

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح ۔   و ا ۔ ع ا ۔ 30.03.2021 )

U. No. 3198