نئی دلّی ، 30 مارچ / محکمۂ دفاع کے سرکاری سیکٹر کے یونٹ   ( ڈی پی ایس یو ) ، مِنی رتن شپ یارڈ  ،  گارڈن ریچ   شپ بلڈرس   اینڈ انجینئرس لمیٹیڈ (جی آر ایس ای ) نے مالی سال 21-2020 ء کے لئے اپنے شیئر ہولڈرس کو   44.10 کروڑ روپئے کا عبوری منافع  ادا کیا ہے ۔   حکومت کے حصے کے طور پر 328563774 روپئے  کا عبوری منافع کا چیک  وزیر دفاع جناب راج ناتھ سنگھ کو پیش کیا گیا ۔   جی آر ایس ای کے چیئرمین اور مینجنگ ڈائریکٹر  ، کولکاتہ  کے ریئر  ایڈمیرل وی کے سکسینا نے نئی دلّی میں  30 مارچ ، 2021 ء کو یہ چیک وزیر دفاع  کو پیش کیا ۔  اس موقع پر  دفاعی پیداوار کے سکریٹری  جناب راج کمار بھی موجود تھے ۔

کووڈ – 19 عالمی وباء سے متاثر ہوئے بغیر جی آر ایس ای نے  مالی سال 21-2020 ء کے لئے 10 روپئے کے شیئر پر 3 روپئے 85 پیسے کے عبوری  منافع کا اعلان کیا ہے ۔ ڈی پی ایس یو  اپنے شیئر ہولڈرس کو  مسلسل منافع  ادا کر رہی ہے اور  پچھلے 27 سال سے  ،  اِس نے ہر سال منافع دیا ہے ۔

1960 ء میں اپنے قیام کے بعد سے  جی آر ایس ای  ایسا واحد  دفاعی شپ یارڈ ہے  ، جس نے  100 سے زیادہ  جنگی بحری جہاز ( اب تک 107 جنگی جہاز ) فراہم کئے ہیں ۔   شپ یارڈ کے پاس 31 دسمبر ، 2020 ء کو  25887 کروڑ روپئے  کے آڈر  بُک تھے ۔ 

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح ۔   و ا ۔ ع ا ۔ 30.03.2021 )

U. No. 3197