ঙসি ন্যু দিল্লীদা কেন্দ্রগী এজুকেসন মন্ত্রী শ্রী রামেশ পোখ্রিয়াল ‘নিশঙ্ক’ না য়ুনেস্কোগী দাইরেক্তর জেনেরেল শ্রীমতি ওদ্রে এজোলেগা ভর্চুয়েল্লী ওইনা উন্নখ্রে৷ মখোয়না ইন্দিয়ন য়ুনেস্কো কোওপরেসন অসিগা মরী লৈননা নেস্নেল এজুকেসন পোলিসী, লাইনা-লাইচৎকী মতমদা এজুকেসন সেক্তর অসিদা ভারতনা লৌরিবা থৌদাং য়াওনা তোঙান তোঙানবা মরু ওইবা হিরমশিংগী মতাংদা খন্না নৈনখি৷ হাইয়র এজুকেসনগী সেক্রেতরী শ্রী অমিত খেয়র, য়ুনেস্কোগী মীহুৎশিং অমসুং মন্ত্রালয় অসিগী সেনিয়র ওফিসিয়েলশিংসু মীফম অসিদা শরুক য়াখি৷

ঐখোয়গী ৱাখল লৈরবা মাং-তুং নিংথীনা উবা ঙম্লবা প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারগী এজুকেসন মন্ত্রালয়না লৈবাক অসিগী খ্বাইদগী মনুং হঞ্জিনবা মফমশিং অসিদা লৈরিবা অঙাংশিং অমতা চিথদনা মহৈ-মশিং তমহনগনি হায়না ফোংদোকখিবা অদু শ্রী পোখ্রিয়ালনা পনখ্রে৷ হায়রিবা হিরম অসিগী মতাংদা, লৈবাক অসিদা লৈরিবা অঙাংশিং অসিগী মহৈ-মশিং অসি মখা চত্থদুনা তমগন্নবগীদমক লৌখৎখিবা ইনিসিয়েতিবশিং অদুগী মতাংদা মহাক্না পনখ্রে৷ প্রধান মন্ত্রীগী মখাদা ই-বিদ্য স্কিম, দিক্সা(দিজিতেল ইনফ্রাস্ত্রকচর ফোর নোলেজ সেয়রিং) প্লেতফোর্ম হৌদোক্তুনা মহৈরোইশিং অসিগী মহৈ-মশিং অসি অয়েৎ-অপন লৈতনা(ইন্তরনেৎ শিজিন্নদুনা)তমহন্নবা হোৎনখি৷ অদুগা অমরোমদা ইন্তরনেৎ য়াওদনা মহৈোইশিং অসিদা মহৈ-মশিং তম্বিবা অসি য়ানবগীদমক ৱান ক্লাস-ৱান চেনেল প্রোগ্রাম ‘স্বায়াম প্রভা’ হৌদোকখি৷

মহৈরোইশিং অসিগী মমল য়াম্লবা চহী অসি মাংদনবা লৌখৎলিবা খোঙথাংশিং অসিগী মতাংদা ফোংদোক্লদুনা, ময়ামগা মীমান্নদ্রবা অঙাংশিং অসিগী ইনিসিয়েতিব অমা ওইনা লৈরিবা দিজিতেল এসেসিবল ইনফোর্মেসন সিস্তেম(দাইসী) অসিগী মতাংদা মহাক্না পনখ্রে৷ মহৈরোইশিং, ওজাশিং অমসুং ইমুং-মানুংশিং অসিগী মেন্তেল হেল্থ অমসুং ইমোসনশিং অসিগীদমক ওনলাইন সাইকোসোসিয়েল সপোর্ত পীনবা সরকার অসিনা লৌখৎখিবা ইনিসিয়েতিব মনোদ্রপন অসিগী মতাংদসু মহাক্না পনখ্রে৷ হায়রিবা খোঙথাংশিং অসিনা লৈবাক অসিদা লৈরিবা মহৈরোই ১২,৫০০ হেনবদা মতেং পাংবা ঙমখ্রে হায়না মহাক্না ফোংদোকখ্রে৷

কোবিদ লাইনা-লাইচৎ অসিগী মনুং অসিদা মহৈরোই মিলিয়ন ২.৩ হেনবনা শরুক য়াদুনা মালেম অসিদা খ্বাইদগী চাওবা কমপিতিতিব এন্ত্রান্স এগজাম অসি মাই পাক্না অমসুং সেফ ওইনা পাংথোকখ্রে হায়না মন্ত্রী অসিনসু ফোংদোকখ্রে৷ লাইনা-লাইচৎ অসিগী লুরবা মতম অসিদা ইন্দিয়ন এদজুকেস্নেল ইন্সতিত্যুসনশিং অসিনা লৌরিবা থৌদাংশিং অসি পল্লদুনা, হায়রিবা ইন্সতিত্যুসনশিং অসিনা কোবিদ লাইনা-লাইচৎ অসিনা পীরিবা চেলেঞ্জশিং অসি খুদোংচাবা অমরোমদা ওন্থোকহল্লে হায়না শ্রী পোখ্রিয়ালনা ফোংদোকখ্রে৷ মখোয়না মমল য়াম্না হোংবা পোর্তেবল বেন্তিলেতরশিং, এফোর্দেবল ওইবা অমসুং এ.আই.-পৱার কোবিদ-১৯ তেস্ত কিৎশিং, এফোর্দেবল অমসুং ইফেক্তিব পি.পি.ই. কিৎশিং অমসুং মাক্সশিংগুম্বা ইনোবেসনশিং পুথোকখ্রে৷ হায়রিবা ইনোবেসনশিং অসিনা ভারত খক্তা নত্তনা মালেম অসিদা লৈরিবা অতোপ্পা লৈবাক ৬২ হেনবদা হেল্থকেয়র ফেসিলিতীশিং অসি ফংহনবদা ইনোবনশিং অসি শিজিন্নৈ হায়না মহাক্না ফোংদোকখ্রে৷ ভারতনা পুথোক্লিবা কোবিদ-১৯গী ভেক্সিন অনি অসিনা ভারত লৈবাক অসিনা কোবিদ লাইনা-লাইচৎ অসি থেংনবদা মতেং পাংবা খক্তা নত্তনা মালেম অসিদসু মতেং পাংলি হায়না মহাক্না ফোংদোকখ্রে৷

২০২০ চহী অসি ভারত সরকারগী নেস্নেল এজুকেসন পোলিসী অসিগীদমক নিংশিংদুনা লৈহৌরগনি হায়না মন্ত্রী অসিনা ফোংদোকখ্রে৷ লৈবাক অসিগী মহৈরোই মিলিয়ন ৩৪০ হেন্না লৈরিবা এদজুকেস্নেল ইকোসিস্তেম অসি শেমদোক্নবা মসিনা পান্দম থম্লি৷ মসি ইক্বেলিতী, ইক্বুইতী, এসেস, এফোর্দেবিলিতী অমসুং একাউন্তেবিলিতীগী ফাউন্দেসনশিং অসিগী মতুং ইল্লি৷ মসিনা ভারত লৈবাক অসি ‘মালেমগী ওইনা নোলেজকী হিরম অসিদা সুপরপৱার’ অমা ওইহনবা অমসুং মহাক্কী মিসন অমা ওইনা ‘গ্লোবেল সিতিজন অমা শেম্ননবা হোৎনরিবা’ ঐখোয়গী প্রধান মন্ত্রীগী মংলান অসি মপুং ফাহন্নবা হোৎনৈ৷  লৈবাক অসিগী এজুকেসন লেন্দস্কেপ অসি “নৌনা শেমদোক্নবা, পাংথোক্নবা অমসুং ওন্থোক্নবা” মন্ত্র অসি ভারত সরকারনা শিজিন্নরি হায়না মহাক্না ফোংদোকখ্রে৷

২০৩০ ফাওবগী মনুংদা স্কুল এজুকেসনদা ১০০% দি.ই.আর. ফংবা ঙম্নবা, অমসুং ২০৩৫ ফআওবগী মনুংদা হাইয়র এজুকেসনদা ৫০% ফংবা ঙম্নবা পান্দম থম্লিবা এন.ই.পি.গী পান্দম অসিনা হাইয়র এজুকেসনগী থাক অসিদা অহেনবা মহৈরোই মিলিয়ন ৩৫রোম পুরকপা ঙম্লগনি হায়না মহাক্না ফোংদোকখ্রে৷ ভারততা হাইয়র এজুকেসনদা লৈরিবা জেন্দর পেরিতী ইন্দেক্স অসি ১ লানখ্রে হায়নশু মহাক্না পুথোরকখ্রে৷ এন.ই.পি.-২০২০ রিকম্মেন্দেসনশিং এস.দি.জি. ‘এজুকেসন ফোর ওল’গী গোল ৪ অসিগা পুন্না চৎমিন্নৈ হায়না মহাক্না পনখ্রে৷এন.ই.পি. অসিদা হায়খিবগী মতুং ইন্না, সরকার অসিনা অথুবা মতমদা এনবাইরোনমেন্ত এজুকেসন অসিদনা হেন্না নৈনবা স্কুল তেক্সবুকশিং ফোংলগনি হায়না মহাক্না ফোংদোকখ্রে৷

ভারত লৈবাক অসিনা মনিং-মখা তম্বা চহী ৭৫ মপুং ফারকপগী পাংথোক্কদৌরিবা থৌরম অসিগা মরী লৈননা( “অজাদি কা এমরিত মহোতসব”), হৌখিবা চহী ৭৫ অসিদা ভারতকী খোঙচৎ অদু পল্লদুনা য়ুনেস্কো হেদক্বাতর্স অসিদা থৌরম অমা শিন্নবা মন্ত্রীনা হৌদোকখ্রে৷

কোবিদ-১৯গী চেলেঞ্জশিং অসি হন্থহন্দুনা অমসুং কোবিদ লাইনা-লাইচৎ অসিগী মতম অসিদা লৈবাক অসিদা লৈরিবা মহৈরোই পুম্নমক্তা তি.বি., রেদিয়ো, ওনলাইনগী তোঙান তোঙানবা মেদিয়মশিং অসি শিজিন্নদুনা মহৈরোইশিং অসিদা মহৈ-মশিং তমহন্দুনা মহৈ-মশিংগী থবক অসি লেপ্পা লৈতনা চত্থহন্নবা ভারত সরকার অসিনা লৌখিবা থৌদাং অদু য়ুনেস্কোগী দাইরেক্তর জেনেরেল শ্রীমতি ওদ্রে এজোলেনা থাগৎখ্রে৷ স্কেল অমসুং দাইবর্সিতীগী মতাংদা য়েংলগা কোবিদ লাইনা-লাইচৎ অসি থেংন্নবা হোৎনবদা ভারতনা লৌখিবা থৌদাং অসি য়াম্না থাগৎনিংঙাইনি হায়না মহাক্না ফোংদোকখ্রে৷ ভারতকী এজুকেসন অসিগা মরী লৈননা সরকার অসিনা লৌখৎখিবা খোঙথাংশিং অমসুং প্রেক্তিসশিং অদুগী মতাংদা য়ুনেস্কোগী মেম্বর স্তেতশিং অসিদা সেয়র তৌরক্নবা কেন্দ্রগী মন্ত্রীদা মহাক্না হায়জখ্রে৷ এজুকেসন সেক্তর অসিবু অনৌবা মাইকৈ অমদা ওন্থোক্নবা ন্যু এজুকেসন পোলিসী পুথোরকপগীদমক মন্ত্রী অসিবু মহাক্না থাগৎখ্রে৷ এদমিনিস্ত্রেতিব কেপাসিতী হেনগৎহনবা, সোসিয়ো-ইমোস্নেল লর্নিং, এনবাইরোনমেন্তেল এৱার্নেসকুম্বা এন.ই.পি.গী মখাদা লৈরিবা মরু ওইবা কন্সেপ্তশিং অসি মহৈরোইশিং অসি শেমগৎপা মতমদা য়াম্না মরু ওই হায়না মহাক্না ফোংদোকখ্রে৷ য়ুনেস্কোগী মহুৎ শিন্দুনা, নেস্নেল এজুকেসন পোলিসী অসি চৎনহনবা মতমদা মহাক্না মপুং ফানা সপোর্ত তৌরি৷

                                                                                   *****