লাইনা-লাইচৎ অসিগী মতম অসিদা খোঙজেল য়াংনা চাওখৎলক্তুনা অমসুং ২০২৪ ফাওবগী মনুংদা য়ু.এস. $ বিলিয়ন ৬৫ লৈবা ইন্দস্ত্রী ওইরক্নবগী পান্দমদা, মেদিকেল দিভাইস সেক্তর অসিনা দোমেস্তিক প্লেয়রশিং মরু ওইনা ইঞ্জিনিয়রিং এম.এস.এম.ই.শিংনা গ্লোবেলগী মার্কেৎ অসিদা মখাতানা চংশিন্নবগী অচৌবা খুদোংচাবা অমা পী৷

মেদিকেল দিবাইস এক্সপো ২০২১ অসি হৌদোকপগী থৌরমদা ৱা ঙাংলদুনা, দোমেস্তিক অমসুং এক্সপোর্ত মার্কেৎশিং অসিদা লৈরিবা অচৌবা খুদোংচাবা অসি লৌশিন্নবা হোৎনবদা ইন্নোবেসন তৌবা, অমসুং অনৌ-অনৌবা তেক্নোলোজীশিং শিজিন্নবা অসি য়াম্না মরু ওই হায়না কেমিকেল্স অমসুং ফর্তিলাইজর্স মন্ত্রালয়গী ফার্মক্যুতিকেল দিপার্তমেন্তগী সেক্রেতরী শ্রীমতি এস. অপুর্ননা ফোংদোকখ্রে৷

১৫%গা নক্ননা সি.এ.জি.আর. লৈদুনা চাওখৎলক্লিবা মেদিকেল দিভাইস সেক্তর অসিনা ফার্ম, হোস্পিতাল সর্ভিসশিংদগী হৌদুনা হেল্থকেয়র সেক্তরদা লৈরিবা কন্সতিত্যুয়েন্ত পুম্নমক্কী মনুংদা মেদিকেল দিভাইস সেক্তরনা গ্রোথ পোতেন্সিয়েল খ্বাইদগী ৱাংনা লৈ হায়না মহাক্না ফোংদোকখ্রে৷

"হায়রিবা সেক্তর অসিদা রিএজেন্তশিং, দাইয়েগ্নোস্তিক কিৎশিং, হাই-এন্দ ইমেজিং ইক্যুইপমেন্তগা লোইননা তোঙান তোঙানবা প্রদক্ত মখলশিং মনুং চল্লিবা ইন্তরদিসিপ্লিনরী সেক্তর অমনি অমসুং মসিনা মরম ওইদুনা হায়রিবা সেক্তর অসি ময়ামগা মান্নদবা তোখায়বা মওং অমদা চংশিনবা তঙাই ফদে হায়বা অসি য়াম্না মরু ওইনা নিংশিংগদবনি," হায়না শ্রীমতি অপর্ননা ফোংদোকখ্রে৷

মেদিকেল দিভাইসশিং অসি দোমেস্তিক প্রদক্সন তৌবগীদমক পীরিবা ইন্সেন্তিবশিং অসিদগী হেন্দোক্তুনা, তোঙান তোঙানবা রিগুলেতরী এজেন্সীশিং অসিগা সিঙ্গল-ৱিন্দো সিস্তেম অমগা পুনশিনবগী তঙাই ফদবা লৈ অমসুং ইনবেস্তরশিং, মেনুফেকচররশিং, এক্সপোর্তরশিং অমসুং রিগুলেতরী ইকোসিস্তম অসিগী মরক্তা য়াম্না ত্রান্সপরেন্ত ওইনা, স্তেবল ওইনা, প্রেদিক্তেবল অমসুং নিংথীনা পাউ ফাউদোক ফাওজিন তৌবা মরু ওই হায়না সেক্রেতরী অসিনসু ফোংদোকখ্রে৷

ভারতনা তোঙান তোঙানবা মরু ওইরবা কেয়র আইতেমশিং খুদম ওইনা পি.পি.ই.কিৎশিং, সর্জিকেল গ্লোবশিং, সেনিতাইজরশিং অমসুং এন ৯৫ মাক্সশিং চাং ৱাংনা পুথোরক্লিবা অসিনা লৈবাক অসি হেল্থকেয়র ই়্জিনিয়রিং প্রোদক্তশিং অমসুং সর্ভিসশিং পীনবগী য়াম্না মরু ওইবা পন্থুংফম অমা ওইরে৷

"ভারততা লৈরিবা মেদিকেল দিভাইস ইন্দস্ত্রী অসিদা অচৌ-অচৌবা এম.এন.সি.শিং মনুং চল্লি অমসুং খোঙজেল ৱাংনা চাওখৎলক্লিবা স্মোল অমসুং মেদিয়ম এন্তরপ্রাইজেস(এস.এম.ই.শিং) মনুং চল্লি৷ লাক্কদৌরিবা চহী মঙা অসিদা মসি কা হেন্না খোঙজেল য়াংনা চাওখৎপা ঙম্লগনি," হায়না ই.ই.পি.সি.  ইন্দিয়া চিয়রমেন শ্রী মহেশ দেসাইনা মেদিকেল দিভাইস এক্সপো ২০২১ হৌদোকপগী থৌরমদা অসুম্না ফোংদোকখ্রে৷

এসিয়া লৈবাক অসিদা ইন্দিয়ন মেদিকেল মার্কেৎ অসি জপান, চাইনা অমসুং কোরিয়াগী হেক মথংদা মরিশুবা মফম কল্লি৷ সেক্তর অসি হেন্না য়োকখৎনবা সরকার অসিনা লৌখৎখিবা ইনিসিয়েতিবশিং অসিগী মনুং চল্লিবশিং অদুদি ১০০% এফ.দি.আই., মেদতেক্ত পার্কশিং শেমগৎপা অমসুং প্রদক্সন লিঙ্ক ইন্সেন্তিব স্কিম পীবা অসিনি৷ হন্দক্তা পুথোকখিবা মেদিকেল দিভাইসেস এমেন্দমেন্ত রুল ২০২০ অসিনা সেক্তর অসি হেন্না রিগুলরাইজ তৌনবা পান্দম থম্লি৷

দোমেস্তিক অমসুং ফোরেন্দ মার্কেৎশিং অসিদা নৌনা লাক্লিবা খুদোংচাবশিং অসি য়েংলগা, ই.ই.পি.সি. ইন্দিয়াগী মেদিকেল দিভাইস এক্সপো অসিনা ভর্চুয়েল প্লেতফোর্মগী খুৎথাংদা সপ্লাইয়রশিং অমসুং ভেন্দরশিং অসিগা লিঙ্ক শেমগৎনবা হোৎনৈ অমসুং অফবা মেনুফেকচরিং ইকোসিস্তেম অমা শেম্বদা মতেং পাংই৷

থৌরম অসিদা শরুক য়াগদৌরিবা অতোপ্পা লৈবাকশিংগী ইমপোর্তরশিং অমসুং বাইয়রশিংগা লোইননা ইন্দিয়ন সপ্লাইয়রশিং অসিগা ঙকথেংননা ইন্তরেক্সন তৌবা ফংহনগদৌরিবা অমসুং ইন্দিয়াগী প্রদক্তশিং উৎকদৌরিবা ভর্চুয়েল এক্সপো অসিদা হেল্থকেয়র সেক্তরদা লৈরিবা ফোরেন্দ বাইয়র ৩০০রোম্না শরুক য়ারগনি হায়না থাজনরি৷

“কোবিদ ১৯ লাইনা-লাইচৎ অসিনা ঐখোয়বু ঐখোয়গী লৈজরিবা মেদিকেল দিভাইস ইন্দস্ত্রী অসিদা মখাতানা চাওখৎপা পুরক্নবা শাফু পীরি অমসুং পীরিবা শাফু অসিনা মরম ওইদুনা লৈবাক অসিনা লাইনা-লাইচৎ অসি মাই পাক্না থেংনবা ঙম্লিবনি,” হায়না ই.ই.পি.সি. ইন্দিয়াগী ভাইস চিয়রমেন শ্রী অরুন কুমার গরোদিয়ানা ফোংদোকখ্রে৷

ইন্দিয়ন হেল্থকেয়র সেক্তর অসিদা পব্লিক অমসুং প্রাইভেৎ প্লেয়রশিং অসিনা লেপ্পা লৈতনা শেল থাদবা হেনগৎলকপা, সর্ভিস পীবা হেনগলকপা অমসুং কোবর তৌবা হেনগৎলকপা অসিনা মরম ওইদুনা সেক্তর অসি লেপ্পা লৈতনা চাওখৎপা মাইকৈ অমদা পুরকপা ঙম্লিবনি৷ এসিয়া অমসুং নোংচুপ থংবা মাইকৈদা লৈরিবা লৈবাকশিং অসিগা চাংদম্নবা মতমদা সেক্তর অসি অদুমক কোস্ত-কম্পিতিতিব ওইনা লৈরি৷

                                                                                           *****