نئی دلّی ، 25 مارچ / یونین پبلک سروس کمیشن ( یو پی ایس سی ) کے ذریعے 21 فروری ، 2021 ء کو کرائے گئے مشترکہ جیو سائنٹسٹ (ابتدائی)  امتحان – 2021 کی بنیاد پر نیچے دیئے گئے رول نمبر والے امید واروں نے   مشترکہ جیو سائنٹسٹ   ( مین ) امتحان – 2021 کے لئے کوالیفائی کر لیا ہے ۔ یہ نتیجہ کمیشن کی ویب سائٹ   https://upsc.gov.in   پر بھی دستیاب ہے ۔

ان امید واروں کی امید واری  امتحان کے ہر مرحلے  پر ، اُس وقت تک پوری طرح عبوری ہے  ، جب تک کہ وہ اہلیت کی تمام  ضروری شرائط پوری نہیں کرتے ۔  اہل  قرار دیئے گئے  امید واروں کے لئے ضروری ہے کہ وہ  مشترکہ  جیو – سائنٹسٹ  ( مین ) امتحان – 2021 میں شریک ہوں  ، جو 17  اور 18 جولائی ، 2021 ء کو منعقد ہو گا ۔  اہل امید واروں کو مزید ہدایت دی جاتی ہے کہ  وہ  کمیشن کے ذریعے  7 اکتوبر ، 2020 ء کو امتحان کے نوٹس  نمبر  1 / 21 – جی ای او ایل میں  کانکنی کی وزارت  کے ذریعے مشترکہ جیو سائنٹسٹ امتحان – 2021 کے ضابطوں  کو دھیان میں رکھیں ، جو ویب سائٹ  پر بھی دستیاب ہیں ۔ 

امید وار  مشترکہ جیو سائنٹسٹ ( مین ) امتحان – 2021 کے آغاز سے تقریباً تین ہفتے پہلے کمیشن کی ویب سائٹ سے ای ایڈمٹ کارڈ ڈاؤن لوڈ کر سکتے ہیں ۔  امید واروں کو یہ بھی مطلع کیا جاتا ہے کہ  مشترکہ جیو سائنٹسٹ ( ابتدائی ) امتحان – 2021 کے نمبر اور کٹ آف نمبر  مشترکہ جیو سائنٹسٹ امتحان – 2021 کا پورا عمل مکمل ہونے  اور قطعی نتائج کا اعلان ہونے کے بعد کمیشن کی ویب سائٹ https://upsc.gov.in پر اَپ لوڈ  کیا جائے گا ۔  مشترکہ جیو سائنٹسٹ   ( مین ) امتحان – 2021 کے لئے سینٹر / ڈسپلن میں تبدیلی کرنے کے لئے   کوئی بھی درخواست منظور نہیں کی جائے گی ۔

یونین پبلک سروس کمیشن کے  کیمپس میں   ایک سہولت کار کاؤنٹر بھی موجود ہے ۔ امید وار اپنے امتحان / نتیجے سے متعلق کوئی بھی معلومات / وضاحت  حاصل کرنے کے لئے  کام کے دنوں میں  صبح 10 بجے سے شام 5 بجے کے درمیان  خود جاکر یا  ٹیلی فون نمبر  ( 011 ) 23388088 ، 23385271 / 23381125 / 23098543 پر رجوع کر سکتے ہیں ۔

Click here for full list.

*************

( ش ح  ۔ و ا ۔ ع ا ۔ 25.03.2021  )

U. No. 3048