প্রধান মন্ত্রী শ্রী নরেন্দ্র মোদীনা মালেমগী ঈশিংগী নুমিৎ মদুদি মার্চ ২২, ২০২১গী নুমিৎ য়ুংবা মতুং ১২:৩০ তাবা মতমদা ভিদিও কনফরেন্দোংগী থোংদা ‘জল শক্তি অভিয়ান: কেচ দি রেন’ কেম্পেন হৌদোক্কনি। প্রধান মন্ত্রীগী মমাংদা, তুরেলশিং ইন্তরলিঙ্ক তৌনবা নেস্নেল পরস্পেক্তিব প্লানগী অহানবা প্রোজেক্ত, কেন বেৎৱা লিঙ্ক প্রোজেক্ত ইমপ্লিমেন্ত তৌনবা কেন্দ্রগী জল শক্তি মন্ত্রী অমসুং মধ্য প্রদেশ অমসুং উত্তর প্রদেশকী মুখ্য মন্ত্রীশিংগা লোইননা ইতিহাসিক ওইরবা মেমোরেন্দম ওফ এগ্রীমেন্তসু খুৎয়েক পীনগনি।

‘জল শক্তি অভিয়ান: কেচ দি রেন’গী মতাংদা

কেম্পেন অসি লৈবাক অসিগী খুঙ্গং অমসুং সহরগী মফম অনিমক্তা “কেচ দি রেন, হ্বের ইৎ ফোল্স, হ্বেন ইৎ ফোল্স” হায়বা হীরমদা পাঙথোক্কনি। মসি মার্চ ২২, ২০২১দগী নবেম্বর ৩০, ২০২১ ফাওবা – লৈবাক অসিগী নোংজুথা মমাং অমসুং নোংজুথা মতমগী মনুংদা ইমপ্লিমেন্ত তৌগনি। মসি মীয়াম্না শরুক য়াদুনা গ্রাস-রুৎকী থাক্তা ঈশিং য়োকশিন্নবা জন অন্দোলন অমা ওইনা হৌদোক্কনি। মসিনা স্তেকহোল্দর পুম্নমক্তা নোংগী ঈশিং তুংশিন্নবা অইং-অশাগী ফীভম অমসুং সবসোইল স্ত্রাতাগা চুন্নবা স্ত্রকচর শেম্নবা, নোংগী ঈশিং মফম চানা য়োকশিন্নবা থৌগৎকনি।

থৌরম অসিগী মতুংদা, ঈশিং অমসুং ঈশিং য়োকশিনবগা মরী লৈনবা সমস্যাশিং খন্ননবা জিলা-জিলাগী (মীখল পাঙথোক্কদবা রাজ্যশিং য়াওদনা) গ্রাম পঞ্চায়ৎ পুম্নমক্তা গ্রাম শভাশিং পাঙথোক্কনি। গ্রাম সভাশিংনা ঈশিং য়োকশিন্নবা ‘জল শপথ’সু লৌগনি।

কেন বেৎৱা লিঙ্ক প্রোজেক্তকী এম.ও.এ.গী মতাংদা

তুরেলশিং ইন্তরলিঙ্কিং তৌবগী খুত্থাংদা ঈকং থোক্কনবা অমসুং ঈশিং তাংবা মফমশিংদা ঈশিং মরাং কাইবা মফমশিংদগী ঈশিং পীনবা হান্নগী প্রধান মন্ত্রী শ্রী অতল বিহারী বাজপায়ীগী মঙলান অদু ইমপ্লিমেন্ত তৌনবা এগ্রীমেন্ত অসিনা ইন্তর-স্তেৎ কোওপরেসন পীনবগী অহৌবা ওইরগনি। প্রোজেক্ত অসিদা দৌধান দাম শাদুনা অমসুং লোয়র ওর প্রোজেক্তকী কোথা বরাজ অমসুং বিনা কম্প্লেক্স মল্তিপর্পজ প্রোজেক্ত, তুরেল অনি অসিবু কেনেল অমনা শেম্নহন্দুনা  কেনদগী বেৎৱা তুরেলদা ঈশিং থাদোকপা য়াওরি। মসিনা চহি অমগী ওইনা লম হেক্তা লাখ ১০.৬২গী ঈথৈ-লৌখোংগী ঈশিং পীগনি, মীওই লাখ ৬২দা থক্নবা ঈশিং সপ্লাই তৌগনি অমসুং হাইদ্রোপাৱর মেগাৱাৎ ১০৩ পুথোকপসু ঙমগনি।

প্রোজেক্ত অসিনা বুন্দেলখন্দগী ঈশিং তাংবা মফমশিং মরু ওইনা মধ্য প্রদেশকী পন্না, তীকমগর, ছতরপুর, সগর, দমোহ, দতিয়া, বিদিশা, শিবপুরি অমসুং রাইসেন জিলাশিং অমসুং উত্তর প্রদেশকী বন্দা, মহোবা, ঝান্সী অমসুং ললিৎপুর জিলাশিং অসিদা চাউনা কান্নবা ফংহল্লগনি। মসিনা তুরেলশিং ইন্তরলিঙ্কিং তৌনবগী প্রোজেক্ত কয়াগী লম্বী য়াৎতুনা ঈশিং তাংবনা লৈবাক অসিগী চাউখৎ থৌরাংদা থিন্থনবা মচাক অমা ওইহন্দনবা হোৎনগনি।

*******