২০২২দা ভারত লৈবাক অসিনা মনিং-মখা তমখিবা চহী ৭৫ শুরকপগা মরী লৈনননা ভারতনা থৌরম পাংথোক্নবা শেম-শাদুনা লৈরিবনা মরম ওইদুনা অৱাং নোংপোক্না অনৌবা ভারত অসিগী তোর্চ বিয়রর ওইরগনি হায়না দিবলপমেন্ত ওফ নোর্থ ইস্তর্ন রিজন(দোনর), এম.ও.এস. পি.এম.ও., পর্সোনেল, পব্লিক গ্রিবেন্সেস, পেন্সন্স, এতোমিক ইনর্জী অমসুং স্পেস্কী কেন্দ্রগী রাজ্যগী মন্ত্রী(ইন্দিপেন্দেন্ত চার্জ) দা. জিতেন্দ্র সিংহনা ফোংদোকখ্রে৷ আই.সি.আর.আই.ই.আর.না শিন্দুনা “এক্ত ইস্ত পোলিসী: অৱাং নোংপোক থংবা মফমশিংদা ত্রেদ ইনফ্রাস্ত্রকচর অমসুং কন্নেক্তিবিতী ফগৎহনবা” হায়না মমিং থোল্লিবা সেমিনার অসিদা থৌরম মপু ওইদুনা ৱা ঙাংলদুনা, অনৌবা ভারত অমা শেমগৎনবা হোৎনবদা অৱাং নোংপোক অসিনা গ্রোথকী অনৌবা ইঞ্জিন ওইরগনি হায়না মহাক্না ফোংদোকখ্রে৷ পোস্ত কোবিদ ইরা অসিদা ভারতনা অৱাং-নোংপোক্কী মফমশিং অসিগী এক্সপ্লোর তৌদনা লৈরিবা পাক চাওরবা পোতেন্সিয়েলশিং অমসুং রিসোর্চশিং অসি চেকশিন্না ঙাক শেন্দ্রিবফাওবা ভারতকী ইকোনোমিক রিসর্জেন্স অসি মপুং ফাদে হায়না মহাক্না ফোংদোকখি৷

২০.০৩.২০২১দা গুৱাহতিদা আই.সি.আর.আই.ই.আর.না শিন্দুনা পাংথোকখিবা “এক্ত ইস্ত পোলিসী” ৱেবিনার অসিদা কেন্দ্রগী মন্ত্রী দা. জিতেন্দ্র সিংহনা মরু ওইবা ৱারোল ঙাংখিবগী শক্তম৷

প্রধান মন্ত্রী শ্রী নরেন্দ্র মোদীনা ২০১৪দা শক্তি পাইখ্রবা মতুং অসিদা “এক্ত ইস্ত”কী ভিজন অসি মহাক্না পীখিবনি, মসিনা মমাংগী মতমদা লুক ইস্ত পোলিসী হায়না খঙনরম্বা লৈবাক অসিগা য়ুমথংনরিবা লৈবাকশিং অসিগা অফবা মরী শেমগৎনবা ঐখোয়গী পান্দম অমসুং খোঙথাং অসিদা অনৌবা শাফু অমা পীখিবনি হায়না দা. জিতেন্দ্র সিংহনা ফোংদোকখি৷ শ্রী নরেন্দ্র মোদীনা ভারতকী প্রধান মন্ত্রী ওইনা হেক ৱাশক লৌখিবা অদুদগী হৌদুনা মহাক্না ভারতকী অৱাং-নোংপোক্কী মফমশিং অসি চাওখৎপা পুরক্নবা অখন্ননা মীৎয়েং চংখি হায়না মহাক্না ফোংদোকখি৷ ভারতনা নোংপোক থংবা ঙমখৈশিং অসিগী তাইনরিবা লৈবাকশিং অসিগা মাই পাক্না চংশিনমিন্নগে হায়বা তারবদি লৈবাকশিং অসিগা নক্ননা লৈরিবা অৱাং-নোংপোক থংবা রাজ্যশিং অসি ঙাক শেন্দুনা নিংথীনা থমদুনা অফবা বেবিস অমা শোইদনা লৈহনগদবনি হায়না মহাক্না ফোংদোকখ্রে৷

মফম অসিগী জিওগ্রাফিকেল পোজিসন অমসুং নেচরেল অমসুং এগ্রো-ক্লাইমেতিক রিসোর্চশিং মরাই কাইনা ফংবা অসিনা ত্রেদ অমসুং ব্যুজিনেস্কী খুদোংচাবশিং অসি নিংথীনা শিজিন্ননবগীদমক চাওখৎলক্লিবা এ.এস.ই.এ.এন. মার্কেৎ অসিদা য়াওশিনবা অসি য়াম্না মরু ওই হায়না দা. জিতেন্দ্র সিংহনা ফোংদোকখি৷ কমদৌনা প্রধান মন্ত্রী নরেন্দ্র মোদীগী মখাদা, ইন্দো-বঙ্গলাদেশ এগ্রীমেন্ত অসি মাই পাক্না চৎনদুনা এনক্লেবশিং এক্সচেঞ্জ তৌনহন্দুনা বঙ্গলাদেশ অমসুং অতোপ্পা মফমশিং অসিদা য়াম্না লাইনা অমসুং কোস্ত ইফেক্তিবন ওইনা চংশিনখিবগে হায়না অদু মহাক্না অমুক হন্না পন্দুনা নিংশিংখি৷

কন্নেক্তিবিতী অসিগী মতাংদা খন্নরদুনা দা. জিতেন্দ্র সিংহনা অসুম্না ফোংদোকখ্রে, কন্নেক্তিবিতী অসিগী মনুংদা ইন্ত্রা-রিজনেল কন্নেক্তিবিতী অমসুং ইন্তর-রিজনেল কন্নেক্তিবতীগী দাইমেন্সনশিং অসিগা লোইননা ইন্তরনেল অমসুং ইন্তরনেস্নেল কন্নেক্তিবিতী মনুং চল্লি৷ ইন্তরনেস্নেল কন্নেক্তিবিতী অসিগী মতাংদা, মহাক্না তোঙান তোঙানবা ইসুশিং খুদম ওইনা ইন্দিয়া অমসুং বঙ্গলাদেশ লৈবাক অনি অসিগী মরক্তা লৈরিবা অগর্তলা-অখৌরা রেল লিঙ্ক, বঙ্গলাদেশ ফাওরিবা ইন্তরমোদেল ত্রান্সপোর্ত লিঙ্কেজশিং অমসুং ইন্লেন্দ ৱাতরৱেজশিং, অৱাং নোংপোক্কা ম্যানমার অমসুং থাইলেন্দগা শম্নহল্লিবা কলাদন মল্তিমোদেল ত্রান্সিত ত্রান্সপোর্ত প্রোজেক্ত অমসুং ত্রাইলেতরেল হাইৱে প্রোজেক্ত মহাক্না পনখি৷

অৱাং-নোংপোক থংবা মফমশিং অসি চাওখৎপা পুরক্তুনা অমসুং অচৌ-অচৌবা প্রোজেক্তশিং খুদম ওইনা থোংশিং শেম-শাবা, ইনলেন্দ ৱাতর ত্রান্সপোর্ত, এয়রপোর্তশিং, রেল অমসুং রোদ নেতৱার্কশিং অসি শেমগৎতুনা প্রোজেক্তশিং অসি মপুং ফানা লোইশিন্নবা এক্ত ইস্ত অসিদা সরকারনা মীৎয়েং চংলিবা অসিবা হৌখিবা চহীশিং অসিদগী এন.ই.আর.দগী লাক্লিবা ৱাকৎশিং অসিগী মাইকৈ হোংহল্লগনি৷ কোবিদ লাইনা-লাইচৎ অসিদা থেংননবা ভারতনা হনবা লৈতনা হোৎনবা অমসুং ক্রাইসিস থোক্লকপা মতমদা অতোপ্পা লৈবাকশিং অসিদা মতেং পাংলিবা অসিনা ভারতকা য়ুমথংনরিবা লৈবাকশিং অসিগা লৈবাক অসিগা লৈনরিবা মরী অমসুং থাজননবা অদু অমুক্কা হেন্না লৈহল্লগনি হায়না মহাক্না ফোংদোকখি৷ এন.ই.আর. অসি চাওখৎনবা ঐখোয়না য়াম্না কন্না হোৎনবা অসিনা এ.এস.ই.এ.এন. লৈবাকশিং অসিনা হৌজিক্তি মফম অসিগা অফবা মরী থমদুনা ললোন-ইতিক্কী থবক অসি মাই পাক্না চৎথনবা য়াম্না কন্না য়েংশিল্লি হায়না মহাক্না মখাতানা ফোংদোকখি৷

লোইশিল্লকপগী শরুক্তা, ২০১৪গী নবেম্বর থাদা লাওথোকখিবা ‘এক্ত ইস্ত পোলিসী’ অসি ১৯৯২দা শেমখিবা “লুক ইস্ত পোলিসী” অসি অপগ্রেদ তৌবনি হায়না দা. জিতেন্দ্র সিংহনা ফোংদোকখি৷ মসিনা পেসিফিক রিজনদা লৈরিবা লৈবাকশিং অসিগা প্রোএক্তিব অমসুং প্রেগমেতিক ওইবা মওং অমদা চংশিন্দুনা ইকোনোমিক কোওপরেসন হেন্না পীননবা, কল্চরেল তাইশিং লৈহন্নবা অমসুং স্ত্রাতিজিক ওইবা মরী অমা শেমগৎনবা পান্দম থম্লি অমসুং মসিনা সাউথ ইস্ত এসিয়া রিজনগী গেতৱে ওইরিবা অৱাং-নোংপোক থংবা লমদমশিং(এন.ই.আর.) অসিগী শেল-থুমগী ফিভমদা চাওখৎপা পুরক্লগনি৷ পোলিসী অসি ১৯৯০ অদুৱাইদগী নিংথীনা চৎনরক্তুনা লাক্লি অমসুং লম্বী-থোংগী ফিভম, ললোন-ইতিক, কল্চর, দিফেন্সকী ফিল্দশিং অমসুং বাইলেতরেল, রিজনেল অমসুং মল্তি লেবেলশিংদা ৱারি কয়া শানদুনা খা-নোংপোক থংবা লৈবাকশিং অসিগা লেপ্পা লৈতনা চৎমিন্নদুনা লাক্লি৷

ইন্দিয়ন কাউন্সিল ফোর রিসর্চ ওন ইন্তরনেস্নেল ইকোনোমিক রিলেসন্স(আই.সি.আর.আই.ই.আর.)গী প্রোফেসর নিশা তানেজানা লুচিংলিবা রিসর্চ স্তদী অমগী মতেংদগী অৱাং-নোংপোক থংবা মফমশিং অসিদা লম্বী-থোংগী ফিভম ফগৎহন্নবা অমসুং ত্রেদ ইনফ্রাস্ত্রকচর অসি শেমগৎনবগী তঙাই ফদবা অদুগী মতাংদা নিশা তানেজানা পনখ্রে৷ “অৱাং-নোংপোক থংবা মফমশিং(এন.ই.আর.)গী ৯৬%দি মহাক্কী লৈরিবা ঙমখৈশিং অদু অতোপ্পা লৈবাকশি্ং অসিগা সেয়র তৌই৷ মফম অসিদা লৈরিবা ইন্তিগ্রেতেদ চেক পোস্ত অমসুং লেন্দ কস্তম স্তেসন ৩৮ পুম্নমক্তা ক্বালিতী লৈবা ইনফ্রাস্ত্রকচর লৈহন্নবা অমসুং শেমগৎ-শাগৎনবা(হার্দ অমসুং সোফত অনিমক্তা) এন.ই.আর. পুম্নমক্তা আই.সি.আর.আই.ই.আর.না অহানবা ওইনা ওন-গ্রাউন্দ স্তদী পাংথোকখি৷

ৱেবিনার অসিদা আই.সি.আর.আই.ই.আর.গী চিয়রমেন শ্রী প্রমোদ ভাসিন অমসুং আই.সি.আর.আই.ই.আর.গী দাইরেক্তর অমসুং সি.ই.ও. শ্রী রাজত কথুরিয়াসু শরুক য়াখি৷

                                                                                       *****