ਪਰਸੋਨਲ,ਲੋਕ ਸ਼ਿਕਾਇਤਾਂ ਤੇ ਪੈਨਸ਼ਨ ਮੰਤਰਾਲਾ

ਕੇਂਦਰੀ ਮੰਤਰੀ ਡਾਕਟਰ ਜਿਤੇਂਦਰ ਸਿੰਘ ਨੇ ਜੰਮੂ-ਕਸ਼ਮੀਰ ਸੜਕ ਪ੍ਰੋਜੈਕਟਾਂ ਨੂੰ ਲੈ ਕੇ ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਸ਼੍ਰੀ ਨਿਤੀਨ ਗਡਕਰੀ ਨਾਲ ਮੁਲਾਕਾਤ ਕੀਤੀ

Posted On: 19 MAR 2021 12:24PM by PIB Chandigarh

ਕੇਂਦਰੀ ਮੰਤਰੀ ਡਾ.  ਜਿਤੇਂਦਰ ਸਿੰਘ  ਨੇ ਪ੍ਰਸਤਾਵਿਤ ਚੈੱਤਰਗਲਾ ਸੁਰੰਗ ਨੂੰ ਸਮੇਂ ‘ਤੇ ਪੂਰਾ ਕਰਨ ਲਈ ਫੰਡਾਂ ਦੀ ਵੰਡ ਲਈ ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ  ਸ਼੍ਰੀ ਨਿਤਿਨ ਗਡਕਰੀ ਨਾਲ ਮੁਲਾਕਾਤ ਕੀਤੀ । ਇਹ ਸੁਰੰਗ ਜੰਮੂ - ਕਸ਼ਮੀਰ  ਦੇ ਡੋਡਾ ਜ਼ਿਲ੍ਹੇ  ਦੇ ਨਾਲ ਭਦ੍ਰਵਾਹ ਅਤੇ ਡੋਡਾ ਜਾਣ ਲਈ ਬਸੋਹਲੀ - ਬਨੀ  ਦੇ ਰਸਤੇ ਨਵੇਂ ਰਾਜ ਮਾਰਗ ‘ਤੇ ਕਠੁਵਾ ਜ਼ਿਲ੍ਹੇ ਨੂੰ ਜੋੜੇਗੀ।  ਇਹ ਇੱਕ ਇਤਿਹਾਸਿਕ ਪਰਿਯੋਜਨਾ ਹੋਵੇਗੀ,  ਜੋ ਦੂਰ ਬਸੇ ਦੋ ਖੇਤਰਾਂ ਵਿਚਕਾਰ ਸਥਾਈ ਵਿਕਲਪਿਕ ਸੜਕ ਸੰਪਰਕ ਉਪਲੱਬਧ ਕਰਾਏਗੀ ਅਤੇ ਇਸ ਤੋਂ ਡੋਡਾ ਤੋਂ ਲਖਨਪੁਰ ਵਿਚਕਾਰ ਦੀ ਦੂਰੀ ਘੱਟ ਕੇ ਲਗਭਗ ਚਾਰ ਘੰਟੇ ਰਹਿ ਜਾਵੇਗੀ।

ਚੈੱਤਰਗਲਾ ਪ੍ਰੋਜੈਕਟ ਵਿੱਚ 6.8 ਕਿਲੋਮੀਟਰ ਲੰਮੀ ਸੁਰੰਗ ਦੀ ਪਰਿਕਲਪਨਾ ਕੀਤੀ ਗਈ ਹੈ,  ਜਿਸ ਦੇ ਲਈ ਸੀਮਾ ਸੜਕ ਸੰਗਠਨ (ਬੀਆਰਓ) ਦੁਆਰਾ ਪਹਿਲਾਂ ਹੀ ਵਿਵਹਾਰਕਤਾ ਸਰਵੇਖਣ ਕੀਤਾ ਜਾ ਚੁੱਕਿਆ ਹੈ।  ਨਿਸ਼ਪਾਦਨ ਕਾਰਜ ਸ਼ੁਰੂ ਹੋਣ  ਦੇ ਬਾਅਦ ਇਸ ਸੁਰੰਗ ਵਿੱਚ ਲਗਭਗ ਚਾਰ ਸਾਲ ਦਾ ਸਮਾਂ ਲੱਗੇਗਾ।  ਇਸ ਦਾ ਨਿਰਮਾਣ ਲਾਗਤ ਲਗਭਗ ਤਿੰਨ ਹਜ਼ਾਰ ਕਰੋੜ ਰੁਪਏ ਹੈ।

 ਹਾਲਾਂਕਿ ਬੀਆਰਓ ਦੇ ਸਾਹਮਣੇ ਫੰਡ ਸਬੰਧੀ ਰੁਕਾਵਟਾਂ ਆ ਰਹੀਆਂ ਸਨ,  ਡਾ. ਜਿਤੇਂਦਰ ਸਿੰਘ  ਨੇ ਇੱਥੇ ਸ਼੍ਰੀ ਗਡਕਰੀ ਨਾਲ ਮੁਲਾਕਾਤ ਕੀਤੀ ਅਤੇ ਭਾਰਤਮਾਲਾ  ਦੇ ਜਰੀਏ ਜਾਂ ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰਾਲਾ  ਦੇ ਕਿਸੇ ਹੋਰ ਉਪਯੁਕਤ ਮਾਧਿਅਮ ਰਾਹੀਂ ਬੀਆਰਓ ਨੂੰ ਵਿੱਤੀ ਸਹਾਇਤਾ ਉਪਲੱਬਧ ਕਰਵਾਉਣ ਦੀ ਤਾਕੀਦ ਕੀਤੀ।  ਸ਼੍ਰੀ ਗਡਕਰੀ ਦੀ ਪ੍ਰਤਿਕ੍ਰਿਆ ਸਕਾਰਾਤਮਕ ਰਹੀ ਅਤੇ ਉਨ੍ਹਾਂ ਨੇ ਨਿਰਦੇਸ਼ ਜਾਰੀ ਕੀਤਾ ਕਿ ਸਭ ਤੋਂ ਉੱਤਮ ਤਰੀਕੇ ਨਾਲ ਇਸ ਕਾਰਜ ਨੂੰ ਕੀਤਾ ਜਾਵੇ।

ਇਸ ਵਿੱਚ, ਡਾ. ਜਿਤੇਂਦਰ ਸਿੰਘ  ਨੇ ਬੀਆਰਓ ਪ੍ਰਮੁੱਖ ਲੈਫਟੀਨੈਂਟ ਜਨਰਲ ਰਾਜੀਵ ਚੌਧਰੀ  ਨੂੰ ਅਨੁਰੋਧ ਕੀਤਾ ਕਿ ਜਿਨ੍ਹਾਂ ਛੇਤੀ ਸੰਭਵ ਹੋ ਚੈੱਤਰਗਲਾ ਪ੍ਰੈਜੋਕਟ ਵਿੱਚ ਤੇਜ਼ੀ ਲਿਆਈ ਜਾਏ।  ਉਨ੍ਹਾਂ ਨੇ ਕਿਹਾ ਕਿ ਚੈੱਤਰਗਲਾ ਪ੍ਰੈਜੋਕਟ,  ਵਿਸ਼ੇਸ਼ ਰੂਪ ਤੋਂ ਕਠੁਵਾ ਅਤੇ ਡੋਡਾ  ਜ਼ਿਲ੍ਹਿਆਂ ਲਈ ਇੱਕ ਕ੍ਰਾਂਤੀਵਾਦੀ ਪਰਿਵਰਤਨ ਸਾਬਤ ਹੋਵੇਗੀ।  ਉਨ੍ਹਾਂ ਨੇ ਕਿਹਾ ਕਿ ਇਸ ਤੋਂ ਨਾ ਕੇਵਲ ਮਾਲੀਆ ਦਾ ਸਿਰਜਣ ਹੋਵੇਗਾ ਸਗੋਂ ਰੋਜ਼ਗਾਰ  ਦੇ ਮੌਕੇ ਵੀ ਪੈਦਾ ਹੋਣਗੇ।

ਉਨ੍ਹਾਂ ਨੇ ਕਿਹਾ ਕਿ ਇਸ ਦੇ ਇਲਾਵਾ , ਇਹ ਸਥਾਈ ਸੜਕ ਸੰਪਰਕ ਵਪਾਰ ਕਰਨ ਦੀ ਸਰਲਤਾ ਲਿਆਏਗਾ,  ਯਾਤਰਾ  ਦੇ ਸਮੇਂ ਵਿੱਚ ਕਮੀ ਲਿਆਏਗਾ ਅਤੇ ਬਣੀ ਅਤੇ ਭਦ੍ਰਵਾਹ ਵਰਗੇ ਸਥਾਨਾਂ ਨੂੰ ਰਾਸ਼ਟਰੀ ਰੂਪ ਤੋਂ ਪ੍ਰਸਿੱਧ ਸੈਰ-ਸਪਾਟਾ ਯਾਤਰੀਆਂ  ਦੇ ਰੂਪ ਵਿੱਚ ਉਭਰਣ ਦਾ ਇੱਕ ਅਲੱਗ ਮੌਕਾ ਵੀ ਉਪਲੱਬਧ ਕਰਾਏਗਾ।

ਡਾ.  ਜਿਤੇਂਦਰ ਸਿੰਘ  ਨੇ ਕਿਹਾ ਕਿ ਚੈੱਤਰਗਲਾ ਵਿੱਚ ਸੁਰੰਗ ਦੀ ਮੰਗ ਕਈ ਸਾਲਾਂ ਤੋਂ ਲੰਬਿਤ ਸੀ, ਲੇਕਿਨ ਪਹਿਲਾਂ ਦੀਆਂ ਸਰਕਾਰਾਂ ਦੁਆਰਾ ਉਨ੍ਹਾਂ ਦੀ ਵੱਖ - ਵੱਖ ਪ੍ਰਾਥਮਿਕਤਾਵਾਂ  ਦੇ ਕਾਰਨ ਇਸ ਕਾਰਜ ਨੂੰ ਸ਼ੁਰੂ ਨਹੀਂ ਕੀਤਾ ਗਿਆ ਸੀ।

ਉਧਮਪੁਰ - ਕਠੁਵਾ ਡੋਡਾ  ਲੋਕਸਭਾ ਸੰਸਦੀ ਖੇਤਰ ਵਿੱਚ ਪਿਛਲੇ 6 ਸਾਲਾਂ  ਦੇ ਦੌਰਾਨ ਸੜਕ ਅਤੇ ਪੁੱਲ ਨਿਰਮਾਣ ਵਿੱਚ ਅਭੂਤਪੂਰਵ ਪ੍ਰਗਤੀ ਹੋਈ ਹੈ,  ਜਿਨ੍ਹਾਂ ਵਿੱਚ ਬਸੋਹਲੀ ਵਿੱਚ ਅਟਲ ਸੇਤੂ,  ਕਠੁਵਾ ਵਿੱਚ ਕੀਦਿਆਨ ਗਡਿਆਲ ਅਤੇ ਜੂਥਾਨਾ ਸੇਤੂ,  ਉਧਮਪੁਰ ਵਿੱਚ ਦੇਵਿਕਾ ਪੁੱਲ,  ਡੋਡਾ ਵਿੱਚ ਖਿਲਾਨੀ-ਮਰਮਤ ਨਾਲ ਸ਼ੁੱਧਮਹਾਦੇਵ ਅਤੇ ਕਲਜੁਗਰ ਤੱਕ ਨਵਾਂ ਰਾਜ ਮਾਰਗ ਜ਼ਿਕਰਯੋਗ ਹਨ ।

 

ਸੰਸਦੀ ਖੇਤਰ ਵਿੱਚ ਜਾਰੀ ਹੋਰ ਬੀਆਰਓ ਪ੍ਰੋਜੈਕਟਾਂ ਵਿੱਚ ਡੋਡਾ ਜ਼ਿਲ੍ਹੇ ਵਿੱਚ ਭਗਵਾ ਤੋਂ ਲਾਲ - ਦਰਮਨ ਤੱਕ ਅਤੇ ਮਸਲ - ਦੁਸਨਨ ਤੱਕ ਸੜਕ ਦਾ ਨਿਰਮਾਣ,  ਕਠੁਵਾ ਜ਼ਿਲ੍ਹੇ ਵਿੱਚ ਚਕ੍ਰਮੋਰ- ਮਹਾਰਾਜਪੁਰ-ਰਾਜਬਾਗ- ਹਰਿਆ ਚੌਕ ਸੜਕ ਅਤੇ ਉਧਮਪੁਰ ਜ਼ਿਲ੍ਹੇ ਵਿੱਚ ਫਟਾਲਾ ਤੋਂ ਜਖਾਨੀ ਸੜਕ ਦਾ ਅਪਗ੍ਰੇਡੇਸ਼ਨ ਸ਼ਾਮਲ ਹੈ ।  ਜਨਰਲ ਚੌਧਰੀ ਨੇ ਡਾ. ਜਿਤੇਂਦਰ ਸਿੰਘ  ਨੂੰ ਉਨ੍ਹਾਂ  ਦੇ  ਲੋਕਸਭਾ ਸੰਸਦੀ ਖੇਤਰ ਵਿੱਚ ਸ਼ੁਰੂ ਹੋਣ ਵਾਲੀ ਲਗਭਗ ਇੱਕ ਦਰਜਨ ਬੀਆਰਓ ਸੜਕਾਂ ਅਤੇ ਪੁੱਲ ਪ੍ਰੋਜੈਕਟਾਂ ਦੀ ਵੀ ਜਾਣਕਾਰੀ ਦਿੱਤੀ।

<><><><><>


ਐੱਸਐੱਨਸੀ



(Release ID: 1706401) Visitor Counter : 193