نئی دہلی،19؍مار چ  :  مرکزی وزیر  ڈاکٹر جتیندر سنگھ نے  مجوزہ  چتر گالا سرنگ  کو  وقت پر  پورا کرنے کے لئے فنڈ  کے  اختصاص کو لے کر  مرکزی وزیر برائے  سڑک ٹرانسپورٹ  و قومی شاہراہ جناب نتن گڈکری سے  ملاقات کی۔ یہ سرنگ جموں وکشمیر کے ڈوڈہ ضلع کے ساتھ  بھدروہ اور ڈوڈہ جانے کے لئے  باسولی – بانی  کے راستے  نئی  قومی شاہراہ پر  کٹھوعہ ضلع کو جوڑے گی۔ یہ ایک تاریخی منصوبہ ہوگا ، جو  دور آباد  دو خطو ں کے بیچ  مستقل  متبادل سڑک رابطہ  مہیا کرائے گا اور اس سے  ڈوڈہ سے  لکھن پور کے درمیان کی  دوری  کم  ہوکر  صرف  4  گھنٹے کی  رہ جائے گی۔

 چتر گالا  منصوبے میں  6.8  کلو میٹر طویل  سرنگ  کا  نقشہ پیش کیا گیا ہے، جس کے لئے  سرحدی  شاہراہ  تنظیم   (بی آر او)  کے ذریعے  پہلے ہی  ایک سروے  کیا جا چکا ہے۔ کام شروع ہونے کے بعد  اس سرنگ  کی تعمیر میں  تقریبا  4  سال  کا وقت  صرف ہوگا۔ اس کی تعمیری لاگت  تقریبا  3000 کروڑ روپے ہے۔

چونکہ بی آر او  کے سامنے فنڈ  کو لے کر  رکاوٹی آرہی تھیں، ڈاکٹر جتیندر سنگھ نے  یہاں  جناب گڈکری سے  ملاقات کی اور  بھارت مالا کے ذریعہ  یا  سڑک ٹرانسپورٹ  اور  قومی شاہراہ  وزارت کے کسی  دوسرے  مناسب ذریعہ سے   بی آر او  کو  مالی امداد  مہیا کرانے کی کی درخواست کی۔ جناب گڈکری کا رد عمل  انتہائی مثبت رہا  اور انہوں نے  احکامات جاری کئے کہ  اعلیٰ طریقے سے  اس کام کو  انجام دیا جائے۔

 اس دوران  ڈاکٹر جتیندر سنگھ نے بی آر او کے سربراہ  لیفٹیفننٹ جنرل  راجیو چودھری سے  گزارش کی کہ  جس قدر جلد ممکن ہو ، چتر گالا  منصوبے میں  تیزی لائی جائے۔ انہوں نے کہا کہ  چتر گالا منصوبہ خاص طور سے  کٹھوعہ  اور  ڈوڈہ اضلاع کے لئے  ایک  انقلابی  تبدیلی  ثابت  ہوگا۔ انہوں نے یہ بھی کہا کہ  اس سے  نہ صرف  روینیو میں اضافہ ہوگا  بلکہ  روز گار کے مواقع  بھی  پیدا ہوں گے۔

انہوں نے کہا کہ  اس کے علاوہ  یہ  مستقل  سڑک رابطہ  کاروبار  کرنے میں  آسانی لائے گا ،  سفر  کے وقت میں کمی آئے گی اور  بنی  وبھدروہ جیسے  مقامات کو  قومی سطح پر  مشہور  سیاحتی  مقام  کے طور پر  ابھرنے کا  ایک انوکھا موقع بھی  مہیا کرائے گا۔

ڈاکٹر جتیندر سنگھ نے کہا کہ چتر گالا میں  سرنگ کا مطالبہ  کئی سالوں سے  التوا میں تھا  لیکن پہلے کی سرکاروں کے ذریعے ان کی  الگ الگ  اولیت کی وجہ سے  اس کام کو  شروع نہیں کیا گیا تھا۔

اودھم پور  -  کٹھوعہ ، ڈوڈہ  لوک سبھا  پارلیمانی حلقے میں  پچھلے 6  سالوں کے دوران سڑک اور  پل کی تعمیر میں غیر معمولی پیش رفت ہوئی ہے، جن  میں بسولی میں  اٹل سیتو، کٹھوعہ میں کیدیان گاڈیال اور  جوتھان پل ،  اودھم پور میں دیویکا پل، ڈوڈہ میں  کھیلا نی – مرمر میں  شودھ مہا دیو اور  کال جگر سرنگ تک  نئی  شاہراہوں کی تعمیر  قابل ذکر ہے۔

اس پارلیمانی حلقے میں جاری  بی آر او  کے دوسرے  منصوبوں میں  ڈوڈہ ضلع میں بھگوا سے  لال –درمن تک  اور  مسل  - دشنن تک  سڑک کی تعمیر،  کٹھوعہ ضلع میں  چکر مور – مہاراج پور  -  راج باغ -  ہریا چک روڈ  اور  اودھم پور ضلع میں  پھٹالا سے  جکھانی  سڑک کی  جدید کاری  شامل ہے۔ جنرل چودھری نے  ڈاکٹر جتیندر سنگھ کو  ان کے لوک سبھا  پارلیمانی حلقے میں  شروع ہونے والے  تقریبا  ایک درج  بی آر او  سڑک و پل  منصوبوں  کے بارے میں  بھی  تفصیل  دی۔

۔۔۔۔۔۔۔۔۔۔۔۔۔۔۔۔۔۔

 (ش ح-ج ق- ق ر)

U-2755