অসাম, ৱেস্ত বেঙ্গল, কেরলা অমসুং তামিল নাদু রাজ্যশিং অমসুং পুদুচেরী য়ুনিয়ন তেরিতোরী অসিদা হৌজিক চত্থরিবা এসেমব্লী ইলেক্সনশিং অসিগী এক্সপেন্দিচর মোনিতরিং প্রোসেস্তা রেকোর্দ ওইনা লুপা কোতি ৩৩১গী মমল ওইগদবা পোৎ-চৈশিং ফাগৎপা ঙমখ্রে৷ হায়রিবা রাজ্যশিং অসিদা ২০১৬তা পাংথোকখিবা এসেমব্লী ইলেক্সনশিং অসিদা পুন্না ফাগৎখিবশিং অদুদগী হন্দক্কী অসিনা অশুক্কী মতিক ৱাংবা হেল্লি অমসুং হেন্না মীৎয়েং চংবা তঙাই ফদবা পোইন্ত অদুদি মফমশিং অসিদা পোলিং অসি হৌদ্রিবা তারবসু পোৎ-চৈশিং অসি রোকোর্দ ওইনা ফাগৎখিবনি৷ ২০১৬ এ.ই.দা পুন্না লুপা কোতি ২২৫.৭৭ ফাগৎখিবা অদুগা চাংদম্নবা মতমদা হৌজিক ফাওবদা(২০২১গী মার্চ ১৬ ফাওবদা) ফাগৎখিবা পোৎলমশিং অদুগী অকুপ্পা মরোলশিং অদু মখাদা পীরি: (লুপা কোতিদা পীরি)

২০১৬কী এসোমব্লী ইলেক্সনশিংদা মথক্কী রাজ্যশিং/য়ু.তি. অসিদা ফাগৎখিবা অপুনবা শেনফম অদু : লুপা কোতি ২২৫.৭৭নি

অসাম, ৱেস্ত বেহ্গল, তামিল নাদু, কেরলা অমসুং পুদুচেরী য়ুনিয়ন তেরিতোরীগী জেনেরেল ইলেক্সনদগী লেজিস্লেতিব এসেমব্লী মীখলশিংদা আইনা য়াদবা শেলশিং শিজিন্নরিবা অসি মাই পাক্না য়েংশিন্নবগীদমক ইন্দিয়াগী ইলেক্সন কম্মিসন্না এক্সপেন্দিচর ওবজর্বর ২৯৫ থাখ্রে৷ কম্মিসন অসিনসু অখন্নবা এক্সপেন্দিচর ওবজর্বর মঙা খনখ্রে, মখোয়শিং অদুদি মধু মহাজন, এক্স-আই.আর.এস.(আই.তি.):১৯৮২ অমসুং শ্রী বি.আর. বলাকৃস্নন, এক্স-আই.আর.এস.(আই.তি.):১৯৮৩(তামিল নাদু অমসুং পুদুচেরী য়ু.তি. অনিমক্কী), শ্রী বি. মুরালি কুমার, এক্স-আই.আর.এস., ১৯৮৩ বেতচ(ৱেসা্ত বেঙ্গলগী ওইনা), শ্রীমতি নীনা নিগম, এক্স-আই.আর.এস., ১৯৮৩ বেতচ(অসামগী ওইনা) অমসুং শ্রী পুশপিন্দর সিংহ পুনিহা, এক্স-আই.আর.এস., ১৯৮৫ বেতচ (কেরলাগী ওইনা)৷ হেন্না ইফেক্তিব ওইবা ইলেক্সন এক্সপেন্দিচর য়েংশিন্নবগীদমক নিংথীনা ত্রেক রেকোর্দ লৈরিবা অমসুং ফোর্মিদেবল দোমেন এক্সপর্তাইস লৈরিবা হায়রিবা ওফিসরশিং অসি খনখিবনি৷ য়াম্না কুপথনা য়েংশিল্লবা মতুংদা এসেমব্লী কন্সতিত্যুয়েন্সী ২৫৯দি হেন্না কুপথনা য়েংশিন্নবা এক্সপেন্দিচর সেন্সিতিব কন্সতিত্যুয়েন্সীশিং ওইনা মার্ক তৌখ্রে৷

এক্সপেন্দিচর অসি য়েংশিনবা মতমদা, কম্মিসন অসিনা পোল থাদরিবা রাজ্যশিং অমসুং য়ু.তি. অসিগী এনফোর্সমেন্ত এজেন্সীশিংগী সেনিয়র ওফিসিয়েলশিং অসিগা তোঙান তোঙানবা মীফমশিং পাংথোকখ্রে৷ ইলেক্সন এক্সপেন্দিচর মোনিতরিং প্রোসেস অসিদা সেন্ত্রেল এনফোর্সমেন্ত এজেন্সীশিং অসিগী তঙাই ফদবা লৈরকপদগী কম্মিসন অসিনা রেবিন্যু সেক্রেতরী, সি.বি.দি.তি.গী চিয়রমেন, সি.বি.আই.সি.গী চিয়রমেন অমসুং এফ.আই.য়ু.-ইন্দগী দাইরেক্তরগী মীফম অমা ০২.০৩.২০২১দা পাংথোকখি৷

ইলেক্তোরেল প্রোসেস্কী মনুংদা শেলশিং অমসুং গিফতশিং খুদম ওইনা শেল য়েন্থোকপা, য়ুশিং নত্রগা অতোপ্পা পোৎলমশিং য়েন্থোকপা অসি আইনগী মতুং ইন্না য়াদে৷ মসিদা শিজিন্নরিবা শেনফম অসি “ব্রাইবরী”গী মনুং চল্লি অমসুং মসি আই.পি.সি.গী ১৭১বিগী অমসুং ১৯৫১গী আর.পি. এক্তকী মখাদা চৈরাক পীবা য়াই৷ অসিগুম্বা পোৎলমশিং অসি শেল-থাদবা অসি আইননা য়াদে৷ ইলেক্তোরেল প্রোসেস অসিবু লান্না পাংথোক্লিবা থবক থৌরমশিং অসি য়েংশিন্নবা দ্রাইব চৎতুনা মখাতানা আইননা য়াদবা পোৎলমশিং, শেলশিং ফাগৎলকপা য়ানা লৈরি হায়না থাজনরি৷

*****