ইন্ত্রা-স্তেত ত্রান্সমিসন অমসুং দিস্ত্রিব্যুসন সিস্তেমশিং হেন্না ফহন্দুনা অরুনাচল অমসুং সিক্কিম রাজ্যশিংদা শেল-থুমগী ফিভম চাওখৎপা মাইকৈ অমদা পুরক্নবা অচৌবা খোঙথাং অমা ওইনা প্রধান মন্ত্রী শ্রী নরেন্দ্র মোদীনা সভাপতি ওইদুনা ইকোনোমিক এফিয়র্স্কী মতাংদা ফমখিবা কেবিনেত কম্মিতী অসিনা অরুনাচল অমসুং সিক্কিমদা ত্রান্সমিসন অমসুং দিস্ত্রিব্যুসন হেন্না নিংথীনা পাংথোক্নবা চাওরাক্না লুপা কোতি ৯১২৯.৩২গী শেনফম থাদনবা কমপ্রিহেন্সিব স্কিমগী রিবাইস কোস্ত ইস্তিমেত(আর.সি.ই.) অদু অয়াবা পীখ্রে৷

স্কিম অসি সিক্কিম অমসুং অরুনাচল প্রদেশ রাজ্যশিং অসিগা খুৎশম্নরগা পৱার মন্ত্রালয়গী মখাদা লৈরিবা পব্লিক সেক্তর আন্দরতেক্কিং(পি.এস.য়ু.) অমা ওইরিবা পৱারগ্রিদকী খুৎথাংদা চৎনরি অমসুং মসি এৱার্দেদ স্কোপ ওফ ৱার্কশিং অসিগী ওইনা ২০২১গী দিসেম্বর থা ফাওবগী মনুংদা ফেস নাইবা মওং অমদা চৎন্নবা পান্দম থম্লি অমসুং অন-এৱার্দেদ পেকেজশিং অসিগী ওইনা আর.সি.ই. এপ্রুবেলগা লোইননা থা ৩৬ চৎন্নবা পান্দম থম্লি৷ কম্মিসন তৌরবা মতুংদা শেম্লবা ত্রান্সমিসন অমসুং দিস্ত্রিব্যুসন সিস্তেম অদু মরী লৈনবা স্তেত য়ুতিলিতীশিংনা চলাইদুনা য়েংশিল্লগনি৷

অরুনাচল প্রদেশ অমসুং সিক্কিম রাজ্যশিং অসিদা শেল-থুমগী ফিভম কা হেন্না ফগৎনবা সরকার অসিনা হোৎনবা অমসুং রাজ্যশিং অসিদা লৈরিবা য়াম্না মনুং হঞ্জিনবা অথাপ্পা মফমশিং অসি শম্নহন্দুনা রাজ্যশিং অসিদা ইন্ত্রা-স্তেত ত্রান্সমিসন অমসুং দিস্ত্রিব্যুসন ইনফ্রাস্ত্রকচর শেমগৎনবা হোৎনবা অসিনা স্কিম অসিগী খ্বাইদগী মরু ওইবা ওবজেক্তিব ওই৷

মসিগী স্কিম অসি চৎনরকপা অসিনা অফবা চৎনবা য়াবা পৱার গ্রিদ অমা শেম্লগনি অমসুং রাজ্যশিং অসি লাক্কদৌরিবা লোদ সেন্ত্ররশিং অসিদা হেন্না কন্নেক্তিবিতী লৈহন্দুনা অরুনাচল প্রদেশ অমসুং সিক্কিমদা লৈরিবা বেনিফিসরী কঞ্জুমরশিংগী কাংলুপ পুম্নমক অমসুং ঙমখৈগী মফমশিং অমসুং মনুং হঞ্জিনবা মফমশিং য়াওনা খুঙ্গংশিং অমসুং শহর মচাশিং অসিদা গ্রিদ কন্নেক্তেদ পৱারগী কান্নবশিং অদু ফংহল্লগনি৷

স্কিম অসিনা রাজ্যশিং অসিগী পর কেপিতা পৱার কঞ্জম্পসন অদুসু হেনগৎহল্লগনি অমসুং শেল-থুমগী ফিভম ফগৎহনবদা চাওনা শরুক য়ারগনি৷

ইমপ্লিমেন্তিং এজেন্সীশিং অসিনা মখোয়গী কন্সত্রক্সন ৱার্কশিং অসি শেমগৎ-শাগৎপা মতমদা লোকেল মেনপৱার কয়া অমা শিজিন্নখি, মসিনা স্কিল অমসুং অনস্কিল লোকেল মেনপৱারশিংদা থবক্কী খুদোংচাবা কয়া অমা ফংহনখি৷

থবক অসি মপুং ফানা লোইশিল্লবা মতুংদা, এসেতশিং অসি অনৌবা ইস্তাব্লিসমেন্তশিং ওইবনা মরম ওইদুনা স্তেন্দর্দ নোর্মশিংগী মতুং ইন্না ওপরেসন অমসুং মেন্তিনেন্স তৌননবগীদমক অহেনবা লোকেল মেনপৱার দরকার ওইরগনি, মসিনা রাজ্যশিং অসিদা লৈরিবা মীওইশিং অহেনবা থবক্কী খুদোংচাবশিং ফংহল্লগনি৷

বেক্তগ্রাউন্দ:

স্কিম অসি হৌদোরকপা মতমদা পৱার মন্ত্রালয়গী সেন্ত্রেল সেক্তর প্লান স্কিম অমা ওইনা ২০১৪গী দিসেম্বর থাদা এপ্রুব তৌখি অমসুং স্কিম অসিগী মপুং ওইনা শিজিন্নগদবা শেলশিং অদু পৱার মন্ত্রালয়গী প্লান স্কিমগী খুৎথাংদা ভারত সরকারনা থাদরগনি৷

                                                                                    ******