ಜವಳಿ ಸಚಿವಾಲಯ
ಭಾರತೀಯ ಕರಕುಶಲ ಮತ್ತು ಕೈಮಗ್ಗ ರಫ್ತು ನಿಗಮ ನಿಯಮಿತವನ್ನು ಮುಚ್ಚಲು ಸಂಪುಟದ ಅನುಮೋದನೆ
Posted On:
16 MAR 2021 3:59PM by PIB Bengaluru
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿಂದು ನಡೆದ ಕೇಂದ್ರ ಸಚಿವ ಸಂಪುಟ ಸಭೆ, ಭಾರತೀಯ ಕರಕುಶಲ ಮತ್ತು ಕೈಮಗ್ಗ ರಫ್ತು ನಿಗಮ ನಿಯಮಿತ (ಎಚ್.ಎಚ್.ಇ.ಸಿ.)ವನ್ನು ಮುಚ್ಚಲು ತನ್ನ ಸಮ್ಮತಿ ಸೂಚಿಸಿದೆ. ಈ ನಿಗಮವು ಕೇಂದ್ರ ಜವಳಿ ಸಚಿವಾಲಯದ ಆಡಳಿತ ನಿಯಂತ್ರಣದ ಭಾರತ ಸರ್ಕಾರದ ಸ್ವಾಮ್ಯದ ಸಂಸ್ಥೆಯಾಗಿದೆ.
ನಿಗಮದಲ್ಲಿ 59 ಖಾಯಂ ನೌಕರರು ಮತ್ತು 6 ಆಡಳಿತ ತರಬೇತುದಾರರು ಸೇವೆ ಸಲ್ಲಿಸುತ್ತಿದ್ದಾರೆ. ಎಲ್ಲಾ ಖಾಯಂ ನೌಕರರು ಮತ್ತು ನಿರ್ವಹಣಾ ಆಡಳಿತ ತರಬೇತಿದಾರರುಗಳಿಗೆ ಸಾರ್ವಜನಿಕ ಉದ್ಯಮ ಇಲಾಖೆಯು ನಿಗದಿಪಡಿಸಿದ ಮಾನದಂಡಗಳ ಪ್ರಕಾರ ಸ್ವಯಂಪ್ರೇರಿತ ನಿವೃತ್ತಿ ಯೋಜನೆಯ (ವಿ.ಆರ್.ಎಸ್) ಲಾಭವನ್ನು ಪಡೆಯಲು ಅವಕಾಶ ನೀಡಲಾಗುವುದು.
ಈ ಅನುಮೋದನೆಯು ಯಾವುದೇ ಆದಾಯ ಗಳಿಸದ ಮತ್ತು ಕಾರ್ಯಾಚರಣೆಯಲ್ಲಿಲ್ಲದ ನಷ್ಟದಲ್ಲಿರುವ ಸಿ.ಪಿ.ಎಸ್.ಇ.ಯ ವೇತನ/ಕೂಲಿ ಸೇರಿದಂತೆ ಸಂಚಿತ ವೆಚ್ಚ ತಗ್ಗಿಸುವ ಮೂಲಕ ಸರ್ಕಾರದ ಬೊಕ್ಕಸದ ಹೊರೆ ತಗ್ಗಿಸುತ್ತದೆ.
ನಿಗಮವು 2015-16ರ ಆರ್ಥಿಕ ವರ್ಷದಿಂದ ನಿರಂತರವಾಗಿ ನಷ್ಟವನ್ನು ಅನುಭವಿಸುತ್ತಿದೆ ಮತ್ತು ಅದನ್ನು ನಡೆಸಲು ತಗುಲುತ್ತಿರುವ ವೆಚ್ಚವನ್ನು ಸರಿದೂಗಿಸಲು ಸಾಕಷ್ಟು ಆದಾಯವನ್ನು ಗಳಿಸುತ್ತಿಲ್ಲ. ಅದರ ಪುನಶ್ಚೇತನಕ್ಕೆ ಹೆಚ್ಚಿನ ಅವಕಾಶವಿಲ್ಲ ಹೀಗಾಗಿ ಕಂಪನಿಯನ್ನು ಮುಚ್ಚುವುದು ಅನಿವಾರ್ಯತೆ ಇರುತ್ತದೆ.
***
(Release ID: 1705148)
Visitor Counter : 158