ত্রাইবেল নুপীশিং এমপৱার তৌবা অমসুং মখোয়গী মখোয়গী হৈজরিবা স্কিল অদু কা হেন্না হৈহন্নদুনা লৈবাক অসিগী মেনস্ত্রিমদা ত্রাইবেল পোপুলেসন অসি পুনশিনবা অসিনা ত্রিফেদনা চত্থদুনা লাক্লিবা মহাক্কী মিসন অসিদা পাইথৎলিবা ইনিসিয়েতিবশিং অসিগী অখন্নবা পান্দম ওই৷ ত্রাইবেল নুপীশিং অসিগী পুন্সিশিং অমসুং হিংবগী পুন্সি মরেল অসি ফগৎনবা পাইখৎখ্রিবা তোঙান তোঙানবা ইনিসিয়েতিবশিং অসিগী মনুংদা বন ধন য়োজনানা পীবা ঙম্বা শাফু অসিগী মতুং ইন্না য়োজনা অসিবুসু ইনিসিয়েতিবশিং অসিগী মনুংদা পনবা য়াই৷

বন ধন বিকাস কেন্দ্রশিং/ত্রাইবেল স্তার্ত-অপশিং অসি ত্রাইবেল মীয়ামশিং অসিদা অহোংবা কয়া অমা পুরক্তুনা মমাংদা অমুক্তা ফাওবা থোকখিদ্রিবা মওং অমদা ত্রাইবেল ইকোসিস্তেম অসিদা অকনবা শাফু অমা পীখিবা ‘এম.এফ.পি.গী ভেল্যু চেন শেমগৎপগী অমসুং মিনিমম সপোর্ত প্রাইস(এম.এস.পি.)কী খুৎথাংদা মাইনর ফোরেস্ত প্রদ্যুস(এম.এফ.পি.)শিং য়োন্নবগীদমক লৈরিবা মেকানিজম’ স্কিম অসিগী মচাক অমা ওই৷ বন ধন য়োজনা অসিনা ত্রাইবেল গেদররশিং, উমংদা লৈরিবশিং অমসুং হোম-বাউন্দ ত্রাইবেল আর্তিসনশিং অসিদা হেন্না-হেন্না থবক ফংহন্নবগী সোর্চ অমা ওইরকখিবা অসিনা য়োজনা অসিনা এম.এস.পি. অসি হেন্না মশক মঙাল নাইহল্লে৷ স্কিম অসিগী মখাদা লৈবাক অসিদা ত্রাইবেল এন্তরপ্রাইজেস ১৭০০ হেন্না শেমগৎতুনা চাওরাক্না ত্রাইবেল গেদরর লাখ ৫.২৬তা থবক্কী খুদোংচাবা ফংহল্লি৷ স্কিম অসিগী খ্বাইদগী ফজরিবা মশক অদুদি হায়রিবা স্কিম অসিগী মখাদা কান্নবা ফংহল্লিবা ত্রাইবেল গেদররশিং অদু অয়াম্বনা নুপীশিং ওইরিবা অসিনা ওই৷

বন ধন বিকাস কেন্দ্রস ৭৭কী খুথাংদা ত্রাইবেল গেদরর ২৫,০০০ হেন্না মরু ওইনা নুপীশিং অসিবু কান্নবা ফংহন্দুনা হায়রিবা স্তার্ত-অপশিং অসি নিংথিনা চৎনরিবা মনিপুর রাজ্য অসি খুদম অমা ওইনা পনবা য়াই৷ স্তেত-ৱাইদ এপ্রোচ অমগী মতুং ইন্না হায়রিবা নুপী গেদররশিং অসি মোবিলাইজ তৌনবা অমসুং সেন্সিতিব ওইনা লৈহন্নবা অহানবা এদবোকেসী প্রোগ্রামশিং অমসুং ৱার্কশোপ কয়া অমা পাংথোকখ্রে৷ মসিগী মতুং তারকপদা এম.এস.পি. অসিদা করম্না ভেল্যু অসি হাপচিনগদগে হায়বা অসিগী মতাংদা ত্রাইবেল গেদররশিং অসি মশা-মশাগী বিকাস কেন্দ্রশিং অসিদা ত্রেন তৌখ্রে৷ উখ্রুল ভি.দি.ভি.কে.গী কেস অসিদা নুপীশিং অসিনা খোমজিল্লিবা হৈ-রাশিং অসি দরকার ওইবা ফুদ সেফতী অমসুং হাইজিন স্তেন্দর্দশিং অসি ঙাক্তুনা করম্না হৈক্রুগী জুইস, কেন্দী অমসুং জামশিং শেমগদগে হায়বা অসিগী মতাংদা ত্রেন তৌখি৷ শেম-শাবদা চংলিবা তুল কিৎশিং অমসুং অতোপ্পা তঙাই ফদবা ইক্যুইপমেন্তশিং অসিসু ফংহনখ্রে৷

সেপ্তেম্বর ২০১৯দগী হৌদুনা, মনিপুরগী বন ধন বিকাস অসিনা ২০১৯গী সেপ্তেম্বর থাদগী ঙসি ফাওবদা লুপা লাখ ৪৯.১ হেনবগী মমল ওইগদবা পোৎ-চৈশিং য়োনখ্রে হায়না রিপোর্ত তৌরকখ্রে! শেমগৎখ্রিবা সেন্তর ৭৭ অসিনা শিজিন্নরিবা ফুদ সেফতী অমসুং হাইজিন স্তেন্দর্দশিং, হৈক্রুগী জুইস, মঙ্গেগা হৈক্রুগনা শেম্বা মিথাই অমসুং হৈখাগী জামশিং য়াওনা প্রোসেস তৌরবা প্রদক্তশিং অসিগী নিংথীনা ফজরবা পেকেজিং তৌবগী মওং অমসুং হায়রিবা প্রদক্তশিং অসি ইনোবেতিব ব্রান্দিং তৌবগী অমসুং মার্কেতিং তৌবগী মওং অসিসু ময়ামদগী তোখায়৷

ত্রাইবেলশিং মরু ওইনা নুপীশিং অসি ত্রেন তৌদুনা মখোয়গী পুন্সি মরেল অসি হেন্না শাফনবা মধ্য প্রদেশকী বর্ৱারিদা ত্রিফেদকী অচৌবা ইনিসিয়েতিব অমা পাংথোক্লি, মসিদা বঘ প্রিন্তকী অনিশুবা বেতচ অদু ২০২০গী দিসেম্বর থাদা হৌখি৷ মহেস্বারি অমসুং চান্দেরি তেক্সতাইলগী ত্রেনিং অদুসু অথুবা মতমদা হৌরগনি৷

ভারত পেত্রোলিয়ম্না মহাক্কী সি.এস.আর. কোতাগী খুৎথাংদা শেল থাদদুনা দিস্ত্রিক এদমিনিস্ত্রেসনগী খুৎথাংদা ত্রিফেদনা পাংথোক্লিবা বর্ৱানি প্রোজেক্ত অসিদা ত্রাইবেল নুপী বেনিফিসরি ২০০ হেন্না খন্দোকখ্রে৷ হায়রিবা লোকেল ত্রাইবেলশিং অসিদা অনৌবা স্কিলশিং হৈহন্দুনা মখোয় মখোয়গী পুন্সি মরেল অদু ফগৎনবা হোৎনবদা মখোয়গী স্কিলশিং অদু শিজিন্নবা ঙম্নবা ত্রাইবেলশিং অদু বঘ, মহেস্বারি অমসুং চান্দেরি তেক্সতাইল ত্রেদিসনশিংদা ত্রেনিং পীরগনি৷ চহী অমগী মতমদা বঘ প্রিন্ত, চান্দেরি অমসুং মহেস্বারি স্তাইলশিংদা ত্রাইবেল নুপী ১০০০রোম ত্রেন তৌননবা পুন্না লুপা কোতি ১.৮৮গী শেমফম কাইথখ্রে৷

বঘ প্রিন্তিং তম্লিবা ত্রাইবেল বেনিফিসরিশিংগী অনিশুবা বেতচ অদু বঘ প্রিন্তিংদা মমিং লৈরবা বঘ ফেমিলীগী পদ্মশ্রী য়ুসুফ খাত্রিনা ত্রেন তৌরি৷ মসিগী ক্রাফত ত্রেদিসন অসিদা খাত্রি ফেমিলী অসি মশক মঙাল নাইনা লৈরিবনি অমসুং শুরোল কয়া অমা মসিগী ক্রাফত ত্রেদিসন অসি পাংথোক্তুনা লাক্লিবনি৷ শ্রী খাত্রিনা বেতচ অনিমক বঘ প্রিন্ত অসিগী মতাংদা ত্রেনিংশিং পীনবা মমাংদা হায়জরকপা লৈখ্রে৷ ত্রাইবেল বেনিফিসরী অখন্নবা মশিং খরা লৌদুনা ত্রেনিং অসিগী অহানবা বেতচ অসি ২০২০গী ফেব্রুৱারি থাদা রেহগুন খুঙ্গংদা হৌখ্রে অদুমওইনমক লোকদাউন অসিনা মরম ওইদুনা মতম খরা ত্রেনিং অসি লেপ্তুনা লাকখি৷ ত্রেনিং অসি ২০২০গী জুলাই থাদা অমুক হন্না মখা চত্থখি৷ বঘ প্রিন্তিং ত্রেনিং অসিগী অনিশুবা বেতচ ২০২০গী দিসেম্বর থাদা পাংথোকখি৷ মহেস্বারি অমসুং চান্দেরি ত্রেদিসনশিং অসিগীদমক ত্রেন তৌগদৌরিবা মাস্তর ত্রেনরশিং অদুসু খনখ্রে৷

অসিগীসু মথক্তা, লৈবাক অসিদা লৈরিবা ত্রাইবেল নুপী আর্তিসনশিং অসি মশক খঙহন্নবা অমসুং মখোয়গী স্কিল সেতশিং অমসুং প্রদক্তশিং অদু মালেমগী ওইবা থাক্তা পুখৎনবা, ত্রিফেদনা মমিং লৈরবা দিজাইনরশিং মমিং ওইনা পল্লবদা রুমা দেবী অমসুং রিনা ধকাগা খুৎশম্নদুনা চৎতুনা মখোয়শিং অসি ত্রেন তৌরি৷

আর্তিসনশিং অসিনা মাস্তর ক্রাফতসমেনশিং অসিদগী তমহৌরিবা মখোয় মখোয়গী স্কিলশিং অসি শিজিন্নদুনা শেম-শাজরিবা হেন্দিক্রাফতশিং অমসুং প্রদক্তশিং অদু  ত্রিফেদনা লৈরগনি অমসুং লৈবাক অসিদা লৈরিবা ত্রাইবস ইন্দিয়া আউতলেত পুম্নমক্তা উৎলগনি অমসুং য়োল্লগনি৷ পোত্থোকশিং অসি ত্রাইব ইন্দিয়াগী ই-মার্কেৎ প্লেতফোর্মদা য়োল্লগনি অমসুং মসিদা আর্তিসনশিংনা মখোয় মশানা পোত্থোকশিং অদু থাগৎতুনা য়োনবা য়ারগনি৷ মমিং লৈরবা ময়াম্না থোইদোক হেন্দোক্না খঙনরবা ইন্দিয়ন বোক্সর অমসুং পোলিতিসিয়ন মেরী কোমনা ত্রাইব ইন্দিয়া অসিগী ব্রান্দ এম্বাসেদর ওইরি অমসুং ত্রাইবেল প্রদক্তশিং অমসুং স্কিম অসি হেন্না প্রমোত তৌদুনা লাক্লি৷

মথক্তা পল্লিবশিং অসি ত্রাইবেল মীয়ামশিং মরু ওইনা নুপীশিং অসিগী ইনকম হেনগৎহন্দুনা মখোয়গী পুন্সি মরেল অসি হেন্না শাফনবা ত্রিফেদনা লৌখৎখিবা তোঙান তোঙানবা ইন্সিয়েতিবশিং অসিগী মনুংদা অনি খক্তনি৷ ঐখোয়না নহাক্না মী অমা ঐখোয়না অসুম্না হায়বা য়াই- নহাক্না নুপা অমা তাকপি তম্বিবা মতমদা, নহাক্না মীওই অমা তাকপি তম্বিরি৷ অদুবু নহাক্না নুপী অমা তাকপি তম্বিবা মতমদা নহাক্না লৈবাক অমবু তাকপি তম্বিবনি হায়না হায়বা য়াই৷ ত্রিফেদনা মহাক্কী তোঙান তোঙানবা প্রোগ্রামশিং শিজিন্নদুনা ত্রাইবেল নুপীশিং তাকপি তম্বিদুনা, ত্রেনিং পীদুনা অমসুং এমপৱার তৌদুনা ত্রাইবেল কম্ম্যুনিতী অসি চাওখৎহনবা অসিনা ত্রিফেদকী পান্দম ওইরি৷

মালেমগী নুপীগী নুমিৎতা তীম ক্রিফেদনা মীপুং খুদিংমক্তা য়াইফ থৌজাল পীরি!

                                                                                     *****