नवी दिल्ली, 3 मार्च 2021

रेल्वे मंत्रालयाने विभागीय रेल्वेंना  कोविड संबंधित प्रोटोकॉलसह स्थानिक परिस्थिती लक्षात घेऊन  स्थानकांवरील विश्रमालय सुरू करण्याचा निर्णय घेण्यास परवानगी दिली आहे. याआधी रेल्वे मंडळाने आयआरसीटीसी द्वारे व्यवस्थापित हॉटेल, विश्रमालय आणि रेल यात्री निवास पुन्हा सुरु करण्यास परवानगी दिली आहे. 

सध्या, आवश्यकतेनुसार टप्प्याटप्प्याने विविध विशेष एक्स्प्रेस / प्रवासी गाड्या सेवा सुरू केल्या आहेत. प्रवाशांच्या सोयीचा विचार करून रेल्वेने, सरकारच्या प्रोटोकॉलचे पालन करून  स्थानकांवरील विश्रमालय सुरू करण्याचे ठरविले आहे. कोविड-19 चा संसर्ग रोखण्यासाठी लॉकडाऊन जाहीर केल्यानंतर ही सोय बंद केली होती.

* * *

M.Chopade/S.Mhatre/D.Rane

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com