ৱার্ল্দ কোমিতী ওফ নেসন্সতা ভারত অসি স্পেস তেক্নোলোজীগী মতেংদগী অৱাংবা থাক অমদা লৈরগনি হায়না দিবলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেসন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা ঙসি ফোংদোকখ্রে৷ ঙরাং ব্রাজিলগী অমাজোনিয়া-১ সেতলাইত ইসরোনা মাই পাক্না লোঞ্চ তৌখ্রবা মতুং অসিদা ব্রাজিলিয়ন স্পেস এজেন্সীগী হেদশিংগা লোইননা সাইন্স, তেক্নোলোজী অমসুং ইনোবেসনগী ব্রাজিলগী মন্ত্রী মার্কোস পোন্তিসকা ভর্চুয়েল্লী ওইনা উন্নখিবগী থৌরম অসিদা  লৈবাক অনিগী মরক্তা কোলাবোরেসন তৌবা অসি অফবা মরী অমা শেমগৎপগী অহৌবা শরুক অমা ওইরগনি অমসুং অতোপ্পা লৈবাকশিংনা অসিগুম্না মতৌ তম্নবগী রোল মোদেল অমা ওইরগনি হায়না দা. জিতেন্দ্র সিংহনা ফোংদোকখ্রে৷ লোঞ্চ তৌখিবা অসিনসু ইসরোগী কম্মর্সিয়েল আর্ম ন্যু স্পেস ইন্দিয়া লিমিতেদ(এন.এস.আইএল.)গী অহানবা দেদিকেতেদ মিসন ওইখ্রে হায়না মহাক্না ফোংদোকখ্রে৷

প্রধান মন্ত্রী শ্রী নরেন্দ্র মোদীনা স্পেস তেক্নোলোজী য়াওনা সাইন্তিফিক পর্স্যুত পুম্নমক্তা হৌখিবা চহী ৫-৬ অসিদা অখন্ননা মীৎয়েং চংখি অমসুং স্পেস তেক্নোলোজীগী এপ্লিকেসনশিং তোঙান তোঙানবা সেক্তরশিং অমসুং এরিয়াশিং অসিদা এক্সতেন্সন তৌরকপা অসিনা কম্মন মেনগী ওইনা ‘ইজ ওফ লিবিং’ পুরকখ্রে হায়না মহাক্না মখাতানা ফোংদোকখ্রে৷

ভারতনা মনিং মখা তম্লবা মতুংদা ইহান হানবা ওইনা প্রাইভেৎ প্লেয়রশিং অসিদা ভারতকী স্পেস তেক্নোলোজী অসি ‘আনলোক’ তৌনবা প্রধান মন্ত্রীগী রিবোলুসনরী ওইবা ৱারেপ অসি পল্লদুনা মসিনা ‘ইজ ওফ লিবিং’, ‘ইজ ওফ এনবাইরোনমেন্ত’ অমসুং ‘ইজ ওফ হ্যুমেনিতী’ পুরক্লগনি হায়না দা. জিতেন্দ্র সিংহনা ফোংদোকখ্রে৷

স্পেস তেক্নোলোজীদা ইন্দিয়া-ব্রজিল জোইন্ত বেঞ্চর অসিনা কম্পেনীশিং অসিগী ওইনা অনৌবা খুদোংচাবশিং ফংহল্লগনি অমসুং অনৌবা থবকশিং পীবদা মতেং পাংলগনি হায়না সাইন্স, তেক্নোলোজী অমসুং ইন্নোবেসনগী ব্রজিলগী মন্ত্রী মার্কোস পোন্সিতনা মহাক্কী ৱারোলদা ফোংদোকখ্রে৷ অমাজোনিয়া-১ অসি ওপ্তিকেল আর্থ ওবজর্বেসন সেতলাইত অমনি অমসুং মসিনা দিফোরেস্তেসন অসি য়েংশিন্নবা রিমোত সেন্সিং ইমেজশিং ফংহল্লি, ব্রজিলদা মরু ওইনা অমাজোন রিজনদা দিফোরেস্তেসনগী রিয়েল-তাইম দিতেক্সন সিস্তেম অদু হেন্না ফহন্নবা অমসুং লৈবাক অসি শিনবা থুংনা তৌরিবা দাইবর্সিফাইদ এগ্রিকল্চর অসি য়েংশিন্নবা সেতলাইত অমনি হায়না মহাক্না ফোংদোকখ্রে৷

এম.ও.য়ু.শিং অমসুং জোইন্ত ৱার্কিং গ্রুপ (জে.দবল্যু.জি.): ২০০০গী অঙনবা শরুক্তগী হৌদুনা ইন্দিয়া অমসুং ব্রজিলনা আউতর স্পেস অসি এক্সপ্লোর তৌনবা অমসুং পিচফুল ওইবা মওং অমদা শিজিন্ননবগীদমক সরকারগী থাক্তা(২০০৪) অমসুং স্পেস এজেন্সীগী থাক্তা(২০০২দা ইসরো অমসুং ব্রিজিলিয়ন স্পেস এজেন্সী এ.ই.বি.) কোওপরেতিব ইন্সত্রুমেন্তশিং শহি পীনখ্রে৷ এজেন্সী লেভেল এম.ও.য়ু. অসিগী প্রোবিজনশিং অসিগী মতুং ইন্না জে.দবল্যু.জি. ২০০৭তা শেমখি৷ জে.দবল্যু.জি.(অনৌবা মেম্বরশিংগা লোইননা নৌনা শেম্লিবা) অসিনা ২০২০গী জানুৱারি থাদা মীফম অমা পাংথোকখি৷ মতুং তারকপা স্পেস সাইন্স মিসনশিংদা কোওপরেসন পীনবা য়াবগী ওইথোকপশিং, ইসরোগী পি.এস.৪ ওর্বিতেল প্লেতফোর্ম শিজিন্নবা, স্পেস ৱেদর স্তদীশিং অসিগী মতাংদা খন্না নৈনখি৷

*****