ঙসি ওফিস অসিগী নিউ দিল্লিদা লৈবা হেদক্বাতরদা লেন্দ পোর্তস ওথোরিতি ওফ ইন্দিয়া(এল পি এ আই)না মসিগী ৯শুবা ফাউন্দেসন দে পাংথোকখ্রে। থৌরম অদুদা হোম এফেয়ার্স মিনিস্ত্রিগী বোর্দর মেনেজমেন্তগী সেক্রেতরি শ্রী সঞ্জিবা কুমারনা চীফ গেস্ত ওইনা শরুক য়াখি। মহাক্কী তরাম্না ওকপা ৱারোলদা লেন্দ পোর্তস ওথোরিতি ওফ ইন্দিয়াগী চিয়রমেন্না ২০১২দা লিংখৎখিবা ওথোরিতি অসিগী খোঙচৎ পাউদমখি। হৌজিক লেন্দ পোর্তস ওথোরিতি ওফ ইন্দিয়ানা পায়খৎলিবা তোঙান-তোঙানবা থবকশিং অমসুং প্রোজেকশিং মহাক্না ফোঙদোকখি।

ভারতকী কংফালগী ঙমখৈশিংদা মচাক-মথুমশিং শেমগৎপগীদমক লেন্দ পোর্তস ওথোরিতি ওফ ইন্দিয়া থাগৎলদুনা বোর্দর মেনেজমেন্তগী সেক্রেতরি, শ্রী সঞ্জিবা কুমারনা হায়খি কোবিদ-১৯ লাইচৎ মনুংদা কংফালগী পোর্তশিং ফাওরগা মী অমসুং পোৎ-চৈশিং লান্থোক-লানশিন তৌবদা লেন্দ পোর্তস ওথোরিতি ওফ ইন্দিয়ানা মরুওইবা থৌদাং লৌখিবগীদমক থাগৎলি। ভারত সরকারনা অয়াবা পীখ্রবা অনৌবা প্রোজেকশিং অপীবা মতমগী মনুংদা মাইপাক্না লোইশিনগনি হায়বগী থাজবা মহাক্না লেন্দ পোর্তস ওথোরিতি ওফ ইন্দিয়াদা থমখি।

থৌরম অদুদা ভর্চুএল কনফরেন্সকী খুৎথাংদা বঙ্গলাদেসতা লৈবা ভারতকী হায় কমিসন্নর শ্রী বিক্রম কুমার দোরাইশ্বামি অমসুং ভারত সরকার অমসুং এসিয়ান দিবলপমেন্ত বেঙ্কগী অতোপ্পা সেনিয়র ওফিসিএলশিং ৱা ঙাংখি। ফাউন্দেসন দেগী থৌরম মনুংদা লেন্দ পোর্তস ওথোরিতি ওফ ইন্দিয়া ৱেবসাইত, নিউজলেত্তর অমসুং নিউজ জর্নেলশু ফোঙখি।  “কংফালগী লম্বীদা লমদম অসিগী ললোন-ইতিক অমসুং চৎথোক-চৎশিনগী খুদোংচাবা লৈহনবা” হায়বা হিরমদা ভর্চুএল ওইনা খন্ন-নৈনবা অমা পাংথোক্তুনা থৌরম অদু লোইশিনখি। খন্ন-নৈনবা অদুদা ভারত, বঙ্গলাদেস, ভুতান অমসুং নেপালগী শক্নাইরবা মীওইশিং শরুক য়াখি। থৌরম অদুদা ভারত সরকারগী সেনিয়র ওফিসিএলশিংশু শরুক য়াখি।

*****