প্রধান মন্ত্রী শ্রী নরেন্দ্র মোদীনা ২০২০গী ওগস্ত থাদা ঙাংখিবা মহাক্কী মন কি বাত ৱারোল অসিদা ফোংদোকখিবগী মতুং ইন্না ইহান হানবা ভর্চুয়েল ‘ইন্দিয়া তোই ফেয়র,২০২১’ শিল্লকপা অসিনা শান্নপোৎকী ইন্দস্ত্রী অসি য়োকখৎনবগী অহৌবা খোঙথাং অমা ওইরগনি হায়না তেক্সতাইল মন্ত্রালয়গী সেক্রেতরী শ্রী য়ু.পি. সিংহনা ফোংদোকখ্রে৷ ইন্দিয়া তোই ফেয়র-২০২১ অসিগী মনুংদা ঙসি ‘ত্রেদিস্নেল তোই ক্লেস্তরশিং শারিবা এন্তরপ্রিনরশিং অসিগী মাই পাকপগী ৱারি’ হায়না মমিং থোন্দুনা পাংথোক্লিবা ৱেবিনার অসিদা শরুক য়াদুনা শান্নপোৎশিং অসি অত্মনির্ভর ভারত অভিয়নগী মখাদা লৈরিবা য়াম্না মরু ওইবা সেক্তর ২৪গী মনুংদা অমনি হায়না খন্দোকখ্রে হায়না শ্রী শাহনা ফোংদোকখ্রে৷

ইন্দিয়া তোই ফেয়র ২০২১ অসিনা ইন্দস্ত্রী অসিগী স্তেকহোল্দরশিংগী মরক্তা সস্তেনেবল লিঙ্কেজ লৈহন্নবা, ইন্দস্ত্রী অসি চাওখৎনবগী অমগা অমগা ৱারি শান্নবা অমসুং ভারতকী তোই মেনুফেকচরিং কেপাবিলিতীশিং অসি মালেম অসিদা উৎথোক্নবা ইন্দস্ত্রী অসিগী স্তেকহোল্দর পুম্নমক কম্মন ওইবা প্লেতফোর্ম অমদা পুরকখ্রে হায়না শ্রী সিংহনা ফোংদোকখ্রে৷ তোই কল্সতরশিং অসিনা শারিবা শান্নপোৎশিং অসি হোজিক মতমগী ওইরিবা দিমান্দ অসিগা ত্রেদিস্নেল ওইবা মওং অসিগা পুনশিন্নরগা শেম্নবা হোৎনরিবা অসিদা মতেং পাংনবা হোৎনরগনি হায়না মহাক্না ফোংদোকখ্রে৷ ‘ত্রেদিস্নেল তোই ক্লেস্তরশিং শারিবা এন্তরপ্রিনরশিং অসিগী মাই পাকপগী ৱারি’ হায়না মমিং থোনবা ৱেবিনার অসিনা ভারতকী ত্রেদিস্নেল তোই ক্রাফতশিং, ত্রেদিস্নেল তোইশিং অসিগী পেকেজিং সোলুসনশিং, মার্কেতিং, মেনুফেকচরিং চেলঞ্জশিং অমসুং পোলিসী ইন্তরবেন্সনশিং অসিদা মীৎয়েং চংলি৷

‘ভারততগী শান্নপোৎ হেন্না এক্সপোর্ত তৌবা’ হায়না মমিং থোন্দুনা পাংথোক্লিবা ৱেবিনার অসিদা শরুক য়াদুনা ইন্দিয়ন তোই ইন্দস্ত্রী অসি চাওখৎনবা অমসুং গ্লোবেল কম্পিতিতিব এদজ অমা পীননবা পোলিসী মেকরশিং, তোই মেনুফেকচররশিং, দিস্ত্রব্যুতরশিং, ইনবেস্তরশিং, ইন্দস্ত্রী এক্সপর্তশিং, এম.এস.এম.ই.শিং, আর্তিসনশিং, স্তার্ত অপশিং, অঙাংশিং, মমা-মপাশিং অমসুং ওজাশিং পুম্নমক কম্মন ওইবা প্লেতফোর্ম অমদা পুরক্নবা তি.আই.তি.এফ.না হোৎনৈ হায়না কম্মর্জ মন্ত্রালয়গী সেক্রেতরী দা. অনুপ ৱধাৱননা ফোংদোকখ্রে৷ তোই সেক্তর অসিদা ভারততগী মপান লৈবাকশিং অসি এক্সপোর্ত তৌবা ঙম্বগী পোতেন্সিয়েল য়াম্না চাওনা লৈ হায়না মহাক্না ফোংদোকখ্রে৷

ইন্দিয়া তোই ফেয়র ২০২১গী অহুমশুবা নুমিৎ অসিদা ইন্দস্ত্রী, একাদেমিয়া অমসুং সরকার অসিগী মমিং লৈরবা স্পিকর ৩৫ হেন্না শরুক য়াখ্রে৷ মসিদা পেনেল দিস্কর্সন তরেৎ, ৱেবিনারশিং অমসুং এক্তিনিতী মরি শিনখ্রে৷ শান্নপোৎশিং প্রদক্ত ইন্নোবেসন অমসুং দিজাইন তৌবা হায়না মমিং থোল্লিবা পেনেল দিস্কর্সন অসিনা শান্নপোৎ অমা ইন্নোবেৎ তৌবগী অমসুং দিজাইন তৌবগী তোঙান তোঙানবা এস্পেক্তশিং অদুগী মতাংদা খন্না নৈনখ্রে৷ ভারতকী রাজ্যশিং অসিনা শান্নপোৎকী ইন্দস্ত্রী অসিদা পীগদৌরিবা ইন্দিয়ন তোই মেনুফেকচরিং অমসুং সোর্সিং ওপোর্চুনিতীশিং হায়না মমিং থোন্দুনা পাংথোক্লিবা ৱেবিনার অসিনা রাজ্য অহুম-গুজরাত, তামিল নাদু অমসুং উত্তর প্রদেশকী মেনুফেকচরিং কেপাবিলিতী অমসুং কেপাসিতী অদু পনখ্রে৷ শান্নপোৎশিং অসি শাবদা ক্বালিতী লৈহনবা অমসুং সেফতী ওইহনবগী কান্নবশিং হায়না মমিং থোন্দুনা পাংথোক্লিবা ৱেবিনার অসিনা তোই প্রদক্তশিং অসি শাবা মতমদা লৈরিবা সেফতী অমসুং ক্বালিতী ত্রেনশিং অসিদা মীৎয়েং চংদুনা পাংথোকখি৷

শান্নপোৎশিং অমসুং মমা-মপাশিং: য়ুম য়ুমদা তম্ননবগীদমক অঙাংশিং অসিগা লোইননা ইন্নবোতিব এনগেজমেন্ত তৌবা হায়না মমিং থোন্দুনা য়ুনিসেফনা শিল্লিবা ৱেবিনার অসিদা য়ুম য়ুমশিংদা শান্নপোৎশিং শিজিন্নবগী অমসুং পেরেন্তেল এনগেজমেন্তগী তোঙান তোঙানবা এস্পেক্তশিং অসিগী মতাংদা খন্না নৈনখি৷ শান্নপোৎশিং অসিদা দিজাইন তাউন হোল থম্বা হায়না মমিং থোন্দুনা পাংথোক্লিবা ৱেবিনার অসিনা প্রাইমরী, সেকেন্দরী অমসুং তর্চিয়রী এদজুকেসনগী শরুক অমা ওইনা শান্নপোৎশিং অসি পেদাগোগীগী শরুক অমা ওইনা থম্মী৷

৩শুবা নুমিৎ অসিদা মনুং চনখিবা এক্তিবিতীশিং অদুদি বরানাসিগী ৱুদন তোই কল্সতরদগী ক্রাফত দেমোন্সত্রেসন তৌবা, কোপালগী কিনহাল তোই ক্লসতর অমসুং অশারিকান্দি কল্সতর অসিনি৷ নুমিৎ অসিদা তৌখিবা অতোপ্পা এক্তিবিতী অদুদি তোই মেনুফেকরিং য়ুনিৎ অমা ওইরিবা সেন্ত্রেল তোইশিং অসিদা ভর্চুয়েল ওইনা য়েংশিনখিবা অসিনি৷

                                                                                   *****