ফেব্রুৱারি ২৬, ২০২১দা ইনকম তেক্স দিপার্তমেন্তনা চেন্নাইদা মমিং লৈরবা ললোন-ইতিক্কী কাংবু অমদা থিবা-হুম্বগী থবক চৎথখ্রে। থিবা-হুম্বগী থবক অদু মফম ১১দা চৎথখি অমসুং কাংবু অসিগী তামিল নাদু, গুজরাত অমসুং কোলকাতাদা লৈবা মফম ৯দা সর্ভে পাংথোকখি। মসিগী ললোনবা কাংবু অসি তাইলশিং অমসুং সেনিতরিগী পোৎলমশিং শাবা অমসুং য়োনবগী থবক পাংথোকপনি অমসুং খা ভারত্তা তাইলগী ললোন-ইতিক্কী লুচিংবশিংনি।

থিজিনবা অদুদা মরম চাদনা তাইলশিং য়োনবা অমসুং লৈনবা থেংনখি। থিজিল্লিবা কাংবু অদুগী থবকশিংনা মরম ওইদুনা, অরোনবা ওফিসতা মরম চাদবা ত্রান্সসেক্সনশিং অমসুং ক্লাউদতা সোফৱায়রশিং লৈরম্বা থেংনখি। ত্রান্সসেক্সনশিংগী চাদা ৫০ নিয়মগী ৱাংমদা পাংথোকপা থেংনখি। মমাঙগী তর্নওভরশিং য়েংবদা, লুপা কোতি ১২০রোমগী ইনকম নমশিনবা থেংনখি। মসি কাংবু অসিনা সেল কম্পেনিশিংগী খুৎথাংদা সিয়র প্রেমিয়ম ওইনা লৈরম্বা লুপা কোতি ১০০গী ফোঙদোক্তবা ইনকমগী মথক্তনি।  

হৌজিক ফাওবদা ফোঙদোক্তবা ইনকম থেংনবা লুপা কোতি ২২০ য়ৌরে। কেস ওইনা লুপা কোতি ৮.৩০ ফংখি অমসুং ফাজিল্লে।

হৌজিক থিবা-হুম্বগী থবক চৎথরি অমসুং থিজিনবা খুমাঙচাউশিল্লি।

ভোত্তরশিং হুমদুনা পুনবা শেন্না লৌরিবা থৌদাং দিপার্তমেন্তনা মপুংফানা য়েংশিল্লি। দিপার্তমেন্ত অসিনা মখা তানা তামিল নাদু অমসুং পুদুচেরিদা মরম চাদবা শেনফমশিং খোঙ্গুল লিবগী থবক পাংথোকখিগনি।

******