ਭਾਰਤੀ ਹਵਾਈ ਫੌਜ਼ ਦੀਆਂ ਏਰੋਬੈਟਿਕ ਡਿਸਪਲੇਅ ਟੀਮਾਂ, ਫਿਕਸਡ ਵਿੰਗ “ਸੂਰਿਯ ਕਿਰਨ” ਅਤੇ ਰੋਟਰੀ ਵਿੰਗ 'ਸਾਰੰਗ', ਹਲਕੇ ਲੜਾਕੂ ਹਵਾਈ ਜਹਾਜ਼ ਤੇਜਸ ਦੇ ਨਾਲ 27 ਫਰਵਰੀ 21 ਨੂੰ ਸ੍ਰੀ ਲੰਕਾ ਦੀ ਹਵਾਈ ਫੌਜ਼ (ਸਲੈਫ) ਦੇ ਕਮਾਂਡਰ ਏਅਰ ਮਾਰਸ਼ਲ ਸੁਦਰਸ਼ਨ ਪਾਥਿਰਾਨਾ ਦੇ ਸੱਦੇ 'ਤੇ ਕੋਲੰਬੋ ਪਹੁੰਚੀਆਂ ਸਨ। ਸੂਰਿਯ ਕਿਰਨ, ਸਾਰੰਗ ਅਤੇ ਐਲਸੀਏ ਤੇਜਸ ਸਲੈਫ ਦੇ 70 ਵੇਂ ਵਰ੍ਹੇਗੰਢ ਦੇ ਜਸ਼ਨਾਂ ਦੇ ਹਿੱਸੇ ਵਜੋਂ 03-05 ਮਾਰਚ 21 ਤੋਂ ਗੈਲ ਫੇਸ, ਕੋਲੰਬੋ ਵਿਖੇ ਇੱਕ ਏਅਰ ਸ਼ੋਅ ਵਿੱਚ ਹਿੱਸਾ ਲੈਣਗੇ।

ਭਾਰਤੀ ਹਵਾਈ ਫੌਜ਼ ਅਤੇ ਸਲੈਫ ਨੇ ਕਈ ਸਾਲਾਂ ਤੋਂ ਸਿਖਲਾਈ, ਕਾਰਜਸ਼ੀਲ ਆਦਾਨ-ਪ੍ਰਦਾਨ ਅਤੇ ਪੇਸ਼ੇਵਰ ਸੈਨਿਕ ਸਿੱਖਿਆ ਕੋਰਸਾਂ ਰਾਹੀਂ ਵਿਭਿੰਨ ਖੇਤਰਾਂ ਵਿੱਚ ਕਿਰਿਆਸ਼ੀਲ ਆਦਾਨ-ਪ੍ਰਦਾਨ ਅਤੇ ਸੰਵਾਦ ਵੇਖੇ ਹਨ।

ਭਾਰਤੀ ਹਵਾਈ ਫੌਜ਼ ਦੀ ਸਲੈਫ ਦੇ 70ਵੇਂ ਵਰ੍ਹੇਗੰਢ ਦੇ ਜਸ਼ਨਾਂ ਵਿਚ ਭਾਗੀਦਾਰੀ ਮਜ਼ਬੂਤ ਪੇਸ਼ੇਵਰ ਸਬੰਧਾਂ ਦਾ ਇਕ ਹੋਰ ਪ੍ਰਗਟਾਵਾ ਹੈ ਜੋ ਦੋਵੇਂ ਹਵਾਈ ਸੈਨਾਵਾਂ ਸਾਂਝਾ ਕਰਦੀਆਂ ਹਨ। ਭਾਰਤੀ ਹਵਾਈ ਫੌਜ਼ ਦੀ ਸੂਰਿਯ ਕਿਰਨ ਏਰੋਬੈਟਿਕ ਟੀਮ (ਐਸਕੇਏਟੀ) ਨੇ ਇਸ ਤੋਂ ਪਹਿਲਾਂ 2001 ਵਿਚ ਸਲੈਫ ਦੇ 50 ਵੇਂ ਵਰ੍ਹੇਗੰਢ ਦੇ ਜਸ਼ਨਾਂ ਲਈ ਸ਼੍ਰੀਲੰਕਾ ਦਾ ਦੌਰਾ ਕੀਤਾ ਸੀ। ਜਿਵੇਂ ਹੀ ਭਾਰਤੀ ਹਵਾਈ ਫੌਜ਼ ਦੇ ਜਹਾਜ਼ ਇਸ ਪ੍ਰੋਗਰਾਮ ਨੂੰ ਦਰਸਾਉਣ ਲਈ ਕੋਲੰਬੋ ਦੇ ਅਕਾਸ਼ ਵੱਲ ਜਾਂਦੇ ਹਨ, ਉਹ ਰਵਾਇਤੀ ਤੌਰ 'ਤੇ ਮਜ਼ਬੂਤ ਭਾਰਤੀ ਹਵਾਈ ਫੌਜ਼ ਅਤੇ ਸਲੈਫ ਵਿਚਾਲੇ ਮਜ਼ਬੂਤ ਸਬੰਧਾਂ ਦਾ ਇੱਕ ਹੋਰ ਮਹੱਤਵਪੂਰਣ ਅਧਿਆਇ ਦਾ ਸਕ੍ਰਿਪਟ ਲਿਖਣਗੇ ।

---------------------------------------

ਏ ਬੀ ਬੀ /ਆਈ ਐਨ /ਜੇ ਪੀ