শ্রী পরামেস্বারঞ্জিনা উৎলম্লিবা লম্বী অদু ইন্নবা অমসুং হেন্না শক্তি লৈবা, নুংঙাই য়াইফবা অমসুং চাওখৎপা ভারত অমা শেম্ননবা ঙসি উপ রাস্ত্রপতি শ্রী এম. ভেনকাইয় নাইদুনা ফোংদোকখ্রে৷

ঙসি তিরুবনন্থপুরমদা ভারতথীয়া বিচার কেন্দ্রমনা শিন্দুনা অহানবা পি. পরামেস্বারন মিমোরিয়েল লেকচর পীদুনা কেস্তিজম অমসুং করপ্সনগুম্বা সোসিয়েল ইভিলশিং অসিদগী ফ্রী ওইবা ভারত অমা মরু ওই অমসুং লৈরিবা মমল লৈরবা কল্চরেল অমসুং স্পিরিচুয়েল হেরিতেজ অসিদা চাওথোকচগদবনি হায়না উপ রাস্ত্রপতিনা ফোংদোকখ্রে৷ শ্রী পরামেস্বারঞ্জিদা ইকাই খুম্নবা উৎতুনা শ্রী নাইদুনা মহাকপু তপসভি অমনি অমসুং হৈথোই শিংথোইরবা হ্যুমেনিস্ত অমনি হায়না ফোংদোকখ্রে অমসুং মহাক্কী পুন্সি অসিনা ঐখোয়না ঐখোয়গী থবক পুম্নমক্তদগী লৈবাক অসিনা হেন্না খন্নবা ইন্সপাইয়র তৌই হায়না ফোংদোকখ্রে৷

কেরলাদা মাংখিদৌরবা ত্রেদিসন অসি অমুক হন্না হিংগৎনবা হোৎনবদা মহাক অসি ইন্সত্রুমেন্ত অমা ওইনা শিজিন্ননৈ হায়না ফোংদোক্লদুনা মহাক্কী রাইতিংশিং, স্পিচশিং অমসুং অতোপ্পা ইন্তিলেকচুয়েল এক্তিবিতীশিং অসিগী মতেংদগী শ্রী পরামেস্বারঞ্জিনা কেরলাদা ইন্তিলেকচুয়েল দিসকোর্জকী তোন অমসুং তেনর অদু হোংহনখ্রে হায়না উপ রাস্ত্রপতি অসিনা ফোংদোকখ্রে৷ মহাক অসি অফাওবা অইবা, ওরেতর, কবি অমা অমসুং সোসিয়েল ফিলোসোফর অমনি হায়না শ্রী নাইদুনা ফোংদোকখ্রে৷

কল্চরবু হিংগৎহনবা অমসুং স্পিরিচুয়েল রেজুবেনেসন পুরকখিবা কেরলাগী মমিং লৈরবা ইন্তিলেকচুয়েল ফিগরশিং অসিগী মনুংদা শ্রী পরামেস্বারঞ্জিসু মনুং চলহন্দুনা জগদগুরু আদি শঙ্করঅচারিয়া, অচারিয়া রমানুজা অমসুং মাধবা, শ্রী রামকৃস্ন মাত অমসুং মাতা অমৃতানন্দ মহিগী স্বামি রঙ্গনাথানন্দগুম্বা মমিং লৈরবা থিঙ্করশিং অমসুং স্পিরিচুয়েল লিদরশিং অসিনা লৌখিবা থৌদাংশিং অদু উপ রাস্ত্রপতি অসিনা পনখ্রে৷

৮শুবা চহী চাগী ফিলোসোফর জগদগুরু আদি শঙ্করঅচারিয়াবু থাগৎলদুনা এদবাইতা বেদন্তাগী মহাক্কী ফিলসফী অদু শিজিন্নদুনা তোঙান তোঙানবা মান্নদবা ৱাখল্লোন অমসুং প্রক্তিসশিং অসি পুনশিন্নবা হোৎনবা খক্তা নত্তনা ঐখোয়গী ইন্তিলেকচুয়েল ত্রেদিসন অসিদা মমি শাম্না লৈরম্লবা জিতাবু অমুক হন্না হিংগৎহনখ্রে হায়না শ্রী নাইদুনা ফোংদোকখ্রে৷ কেরলাদা মোদর্ন তাইমদা শ্রী নরায়ন গুরুনা এদবাইতা অসি ইন্তিলেকচুয়েল অমসুং সোসিয়েল রিফোর্মেসন অনিমক্তা ইন্সপিরেসন অমা ওইহনখ্রে হায়না উপ রাস্ত্রপতি অসিনা ফোংদোকখ্রে৷ “অদুবু শ্রী নরায়ন গুরুগী ওইনদি কেরলা লৈবাক অসি সোসিয়েল অমসুং ইন্তিলেকচুয়েল দিক্লাইনগী অমম্বদা ইরাক্নরমগনি হায়না”, হায়না মহাক্না ফোংদোকখ্রে৷ মসিগী ইন্তিলেকচুয়েল ত্রেদিসনগী অফবা বেক্তগ্রাউন্দ অসি লৈবনা মরম ওইরগা ভারতনা ইতর্নেল নেসন নত্রগা সিবিলাইজেসন এন্তাইতী অমা ওইনা লৈবা ঙম্লবনি হায়না উপ রাস্ত্রপতি অসিনা মখাতানা ফোংদোকখ্রে৷

গিতাবু সোসিয়েল প্রোব্লেমশিং অসিগী সোলুসন পীবা ঙম্বা অফবা লাইফ সাইন্স অমনি হায়না শ্রী পরামেস্বারঞ্জিনা মমিং চৎহনখিবা অদু পল্লদুনা শ্রী নাইদুনা সন্সক্রিত, য়োগ অমসুং গিতা স্তদিশিং অসি পুনশিন্দুনা ‘সাময়োগি’ হায়না মমিং থোনবা মহাক্না পাম্মী হায়না শ্রী নাইদুনা ফোংদোকখ্রে৷

শ্রী পরামেস্বারঞ্জিবু অফাওবা ইন্সতিত্যুসন বিল্দর অমনি হায়না পল্লদুনা মহাক্না দীন দয়াল রিসর্চ ইন্সতিত্যুতকী দাইরেক্তর ওইনা, ভারতথীয়া ভিচারা কেন্দ্রমগী ফাউন্দর ওইনা অমসুং বিবেকানন্দ কেন্দ্রগী প্রসিদেন্ত ওইনা থৌ পুদুনা মহাক্না লৌরম্লিবা থৌদাংশিং অসিগী মতাংদা শ্রী নাইদুনা পনখ্রে৷ শ্রী নাইদুনা পরামেস্বারঞ্জিনা ফোংখিবা মশিং য়াম্লবা পব্লিকেসনশিং অমসুং ২০০৪দা পদ্ম শ্রী ফংখিবা অমসুং ২০১৮দা পদ্ম বিভুসন ফংখিবা য়াওনা লৈবাক অসিগীদমক মহাক্না পাংথোকখিবা সর্ভিসশিং অদু মশক খঙবিবদগী মহাক্না ফংখিবা এৱার্দশিং অমসুং লেমজনিংঙাই ওইরবা মনাশিং অদু শ্রী নাইদুনা পনখ্রে৷ “ৱাইতিং অমসুং রিসর্চকী ফিল্দ অসিদা পরামেস্বারঞ্জিনা নহা কয়া অমা পুশিনখ্রে”, হায়না মহাক্না ফোংদোকখ্রে৷

শ্রী পরামেস্বারঞ্জিনা মীয়ামশিং অসিগীদমক মতেং পাংলিবা, কা হেন্না হৈথোই শিংথোইরবা অমসুং মহাক্কী ইচম চম্বা মতৌ অসিনা মরম ওইনা উপ রাস্ত্রপতি মশামক্না মহাকপু য়াম্না পামজৈ হায়না ফোংদোকখ্রে৷ ভারতকী মমল লৈরবা কল্চর অমসুং মঙাল নাইরবা পুৱারি অসি নহাশিং অসিদা নিংশিংদুনা নহাশিং অসিনা হৌরকফম অসিদা অমুক হন্না চৎতুনা ঐখোয়গী লাইওইরবা অহল লমনশিং অসিনা তাকলম্বা স্পিরিচুয়েল অমসুং মোরেলগী ওইবা লম্বী অসিদা মতুং ইনবা মহাক্না পাম্লম্মী৷ হৌগৎলক্লিবা নহাশিং অসিনা ঐখোয়গী ঙল্লিঙৈ মতমগী ‘ভাসুদাইবা কুতুমবকম’গী ভেল্যুশিং অসিদগী ইন্সপিরিসন লৌদুনা ভারত অসি অমুক হন্না ‘ভিস্বা গুরু’ ওইহন্নবা মহাক্না হায়খ্রে৷

কেরলাগী রাজ্যপাল শ্রী অরিফ মোহামদ খান, ভারতথীয়া বিচারল কেন্দ্রমগী প্রসিদেন্ত দা. এম. মোহন্দাস, ভারতথীয়া বিচারল কেন্দ্রমগী জেনেরেল সেক্রেতরী শ্রী সুধির বাবু, জোইন্ত দাইরেক্তর শ্রী আর. সঞ্জায়ন, ভারতথীয়া বিচারল কেন্দ্রমগী একাদেমিক দীন দা. কে.এন. মধুসুদন পিল্লাই অমসুং মফম অদুগী মীয়ামগী মীহুৎশিং অসিনা থৌরম অসিদা শরুক য়াখিবা মীওইশিং অদুগী মনুংদা খরনি৷

                                                                                       ******