এজুকেস্নেল ইন্সতিত্যুসনশিং অসিনা মহৈরোইশিং অসি মোদর্ন ৱাল্দ কম্ম্যুনিতী অসিগী তৌবা ঙম্বা প্রজাশিং ওইহনবা ঙম্নবা হোৎনগদবনি  হায়না ভারতকী রাস্ত্রপতি শ্রী রাম নাথ কোবিন্দনা ফোংদোকখ্রে৷ মহাক্না ঙসি গান্ধীনগরদা লৈরিবা সেন্ত্রেল য়ুনিভর্সিতী অসিগী ৩শুবা কনভোকেসন অসিদা ৱা ঙাংখি৷ গুজরাতকী রাজ্যপাল শ্রী অচারিয়া দেবরত, কেন্দ্রগী মহৈ-মশিংগী মন্ত্রী শ্রী রামেশ পোখ্রিয়াল ‘নিশঙ্ক’, অমসুং গুজরাতকী দিপুতী মুখ্য মন্ত্রী শ্রী নিতিনবাই পতেলগা লোইননা য়ুনিভর্সিতী অসিগী অতোপ্পা মশক নাইরবা মীওইশিংনা থৌরম অসিদা শরুক য়াখি৷

ন্যু এজুকেসন পোলিসী অসিগী মখাদা ঐখোয়গী লৈবাক অসি ‘নোলেজকী সুপর পৱার’ অমা ওইহন্নবগী পান্দমদা ইন্দিয়ন ভেল্যুশিং অসিদা বেজ তৌদুনা মোদর্ন নোলেজ-সাইন্সকী এদজুকেসন অসি হেন্না হেন্না তম্নবা হোৎনরি হায়না রাস্ত্রপতি অসিনা ফোংদোকখ্রে৷

মহৈরোইশিং অসিদা ৱা ঙাংলদুনা অফবা অমসুং সেল্ফ রিলাইন্ত ওইবা ইন্দিয়া অমা শেমগৎপা হায়বা অসি ঐখোয়গী গ্লোবেল থিঙ্কিং অসিগী মতুং ইল্লি হায়না রাস্ত্রপতি অসিনা ফোংদোকখ্রে৷ সেল্ফ-রিলাইন্স ফংবা ঙম্নবগীদমক লোকেল রিসোর্চশিং, এক্সপরিয়েন্স অমসুং নোলেজ শিজিন্নগদবনি৷ মহৈরোইশিং অসিনা লোকেল রিসোর্চশিং অসি শিজিন্নদুনা রিসর্চ অমসুং ইন্নোবেসনগী খুৎথাংদা লোকেল দিভেলপমেন্ত অসি হেন্না এমপৱার তৌদুনা মখোয় মখোয়না তম্লুরিবা মহৈশিং অদুগী মহৈ ফংহনবা য়াই৷

গুজরাতকী সেন্ত্রেল য়ুনিভর্সিতী অসিদা তম্লিবা মহৈরোইশিং অসিগী মনুংদা চাদা ৫৫গী চাংদি নুপীশিংনি অমসুং ঙসিগী কনবোকেসন থৌরম অসিদা মেদল ২১গী মনুংদা ১৩দি নুপী মহৈরোইশিং অসিনা ফংবা ঙমখিবা অসিদা রাস্ত্রপতিনা নুংঙাইবা ফোংদোকখ্রে৷ মসি য়ুনিভর্সিতী অসিগী অচৌবা মাই পাকপা অমনি হায়না মহাক্না ফোংদোকখ্রে৷ মসিনা ঐখোয়গী সমাজ অসিদা লাক্লিবা অহোংবা অমসুং অনৌবা ভারতকী শকফম অদু উৎলি৷

রাজ্য ৩০রোমগী মহৈরোইশিংনা গুজরাততা লৈরিবা সেন্ত্রেল য়ুনিভর্সিতী অসিদা মহৈ-মশিং তম্লি হায়না রাস্ত্রপতি অসিনা ফোংদোকখ্রে৷ য়ুনিভর্সিতী অসিদা মহৈ তম্লিবা মহৈরোইশিং অসিগী চাদা ৮৫দি অতোপ্পা রাজ্যশিং অমসুং য়ুনিয়ন তেরিতোরিশিং অসিদগীনি হায়না মহাক্না ফোংদোকখ্রে৷ অশুমতৌদনা য়ুনিভর্সিতী কেম্পস অসি মিনি ইন্দিয়া অমগুম্না মান্নরে অমসুং ঐখোয়গী অপুনবগী শক্তম হেন্না য়োকখৎলি হায়না মহাক্না ফোংদোকখ্রে৷

থৌরম অসিদা ৱা ঙাংলদুনা নেস্নেল এদজুকেসন পোলিসী ২০২০ অসি মহৈ-মশিংগী সিস্তেম অসিবু অৱাংবা থাক অমদা পুখৎকদৌরিবা ভিজন দোকুমেন্ত অমনি হায়না মন্ত্রী অসিনা ফোংদোকখ্রে৷ য়ুনিভর্সিতীশিং অসি মহৈ-মশিং তম্নবা ইন্সতিত্যুসনশিং খক্তা নত্তে মসিনা লৈবাক অসি শেমগৎপগী লেবোরেতরীশিং ওইরিবনি হায়না মহাক্না ফোংদোকখ্রে৷ ঙসি গ্রেজুয়েতেদ তৌরবা মহৈরোইশিং অসিনা সরদার পতেলগী প্রিন্সিপলশিং অসি মতুং ইনগদবনি অমসুং সমাজ অমসুং লৈবাক অসি শেমগৎপদা শরুক য়াগদবনি৷

কনবোকেসন অসিদা গ্রেজুয়েতিং মহৈরোইশিং অসিদা পুন্না দিগ্রী ২৪৪ পীখ্রে৷ মসিগী মনুংদা ৭৩দি পি.ঐচ.দি. দিগ্রী রিসিপিয়েন্তশিংনি, ২৬না এম.ফিল দিগ্রী রিসিপিয়েন্তশিংনি, ১২১না পেস্ত-গ্রেজুয়েত রিসিপিয়েন্তশিংনি অমসুং ২৪না আন্দরগ্রেজুয়েত রিসিপিয়েন্তশিংনি৷ মরী লৈনবা য়ু.জি. অমসুং পি.জি. প্রোগ্রামশিং অসিদা খ্বাইদগী ৱাংবা মার্কশিং ফংবা ঙম্বগীদমক সি.য়ু.জি. মেদল পুন্না ২১ মহৈরোইশিং অসিদা খুৎশিন্নখ্রে৷ মরু ওইনা মহৈরোই তরুক মমিং ওইনা পল্লবদা শ্রীমতি নিকিতা গোইল(ইংলিস্তা এম.এ.), শ্রী প্রাজনাদিপ্তা পান্দা(লাইফ সাইন্সেস্তা এম.এস.সি.), শ্রীমতি এস্মিতা নন্দি(কেমিকেল সাইন্সেস্তা এম.এস.সি.), শ্রী সোময়াদীপ বোরা( নেনোতেক্নোলোজীদা এম.এস.সি.), শ্রীমতি মাইথুমা নর্জারী (ইকোনোমিক্সতা এম.এ.) অমসুং শ্রী ভিজে অনন্দ মিঞ্জ (লাইব্রেরী অমসুং ইনফোর্মেসন সাসইন্সকী মাস্তর) না মখোয় মখোয়গী সি.য়ু.জি. মেদলশিং অসি ভারতকী রাস্ত্রপতি অসিদগী হকথেংননা লৌখি৷ রভাল প্রাচি উমেস্কুমার(ইকোনোমিক্সতা এম.এ.)না এম.এ. ইকোনোমিক্সকী অরোইবা সেমিস্তর এগজামদা খ্বাইদগী মার্ক ৱাংনা ফংখিবা অসিগীদমক ভারতকী রাস্ত্রপতিদগী শ্রীমতি বিদ্য দেবী অগ্রৱাল মেদল অদু লৌখি৷

                                                                                       *****