ঙসি নুংথিল পাঙথোকপা সেন্ত্রেল সেঙ্কস্নিং অমসুং মোনিতরিং কম্মিতিগী ৫৩শুবা মীফমদা পি.এম.এ.ৱাই.-য়ুগী মখাদা য়ুম ৫৬,৩৬৮ শানবা অয়াবা পীখ্রে। হায়রিবা য়ুমশিং অসি পি.এম.এ.ৱাই.-য়ু. মিসনগী তোঙান তোঙানবা ভের্তিকেলশিংগী মখাদা শান্নবা প্রপোজ তৌখি। মীফম অসিদা পুন্না রাজ্য/য়ু.তি. ১১না শরুক য়াখ্রে।

হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)গী সেক্রেতরী শ্রী দুর্গা শঙ্কর মিশ্রানা হায়, “ঐখোয়না ইমপ্লিমেন্ত তৌনবা অমসুং থবক পাইখৎনবগী মোদতা চংশিল্লসি”। মহাক্না রাজ্যশিং/য়ু.তি.শিংদা মিসন পেরিয়দকী মনুংদা মাগী ইলিজিবল ওইবা বেনিফিসরী পুম্নমক্তা পি.এম.এ.ৱাই.-য়ু.গী য়ুমশিং ১০০% শাবা লোইশিন্নবা অমসুং দেলিভরী তৌনবা খঙহনখ্রে। শরুক য়াখিবা রাজ্যশিং/য়ু.তি.শিংদা মিসন অসি নীংথিজনা ইমপ্লিমেন্ত অমসুং মোনিতর তৌনবা ওনলাইন মেকানিজম (এম.আই.এস.) শিজিন্নবা য়াথংসু পীখ্রে।

এম.ও.ঐচ.য়ু.এ.গী সেক্রেতরীনা লাইৎ হাউস প্রোজেক্তশিং (এল.ঐচ.পি.শিং) অমসুং দেমোনস্ত্রেসন হাউসিং প্রোজেক্তশিং (দি.ঐচ.পি.শিং)গী থবক্কী ফীভমসু য়েংশিনখ্রে। এল.ঐচ.পি.শিং অসিইগী উরেপ-উয়ুং জনুৱারী ১, ২০২১দা ইকাই খুম্নরবা প্রধান মন্ত্রীনা হুনখিবনি। এল.ঐচ.পি.শিংগী মখাদা য়ুমশিং অসি লখনৌ, রাঞ্চি, রাজকোৎ, অগর্তলা, চেন্নাই অমসুং ইন্দোরদা শারি। এল.ঐচ.পি. সাইৎশিং ফিল্দদা তেক্নোলোজী ত্রান্সফর তৌনবা লাইফ লেবোরেতোরীশিং ওইনা শেমগৎনবা মন্ত্রালয় অসিনা মশিং য়াম্লবা প্রজাশিংনা শরুক য়ানবা অমসুং তেক্নিকেল এৱের্নেস পীনবা, ওন-সাইৎ লর্নিং ফংহন্নবা, সোল্যুসনশিংগী আইদিয়াশিং থিদোক্নবা এক্সপিরিমেন্তেসন তৌনবা অমদি ইন্নোবেসন থৌগৎনবা তেক্নোগ্রাহিসকীদমক ওনলাইন এনরোলমেন্ত দ্রাইভ অমা হৌদোকখি।

এম.ও.ঐচ.য়ু.এ.গী সেক্রেতরীনা মখা তানা মিসন অসিনা নুপী বেনিফিসরীশিংগী মমিংদা নত্ত্রা অপুনবা ওনরশিপতা য়ুমশিং এল্লোকেৎ তৌদুনা নুপীশিংদা শক্তি পীবা করম্না থৌগৎপগে হায়বগী মতাংদা ৱা ঙাংখি। মহাক্না রাজ্যশিং/য়ু.তি.শিংদা থাক খুদিংদা মন্ত্রালয়না পীবা এদভাইজরী ঙাক্না চৎনবা, মপুং ওইনা নুপী বেনিফিসরীগী মমিং অদু মখোয়গী পি.এম.এ.ৱাই-য়ু.গী য়ুম অদুগী নেমপ্লেৎতা হাপনবা খঙহনখ্রে।

 “হাউসিং ফোর ওল” হায়বা বিজন অসিগা লোইননা লৈবাক অসিদা য়ুমশিং শাবগী খোঙজেল য়াংশিন্নবা, লোইশিন্নবা অমসুং দেলিভরী তৌবদা মীৎয়েং থম্লি। এম.ও.ঐচ.য়ু.এ.না লৈবাক অসিনা নীংখা-তম্বগী চহি ৭৫ শুরকদবা ২০২২ অসি ফাওবদা অর্বান ইন্দিয়াগী ইলিজিবল বেনিফিসরী পুম্নমক্তা পক্কাগী য়ুমশিং ফংহন্নবা হোৎনখি।

• .পি.এম.এ.ৱাই.-য়ু.গী য়ুমশিং শারিবা অসি তোঙান তোঙানবা তাঙ্কক্তা লৈরি। হৌজিক ফাওবগী ওইনা য়ুম লাখ ৭৩ হেন্না য়ুমফম তৌবা হৌখ্রে অমসুং লাখ ৪৩গী ময়াদা শাবা লোইশিনখ্রে।

***