লৈবাক অসিদা হেল্থকিয়র অমসুং ফ্রন্তলাইন ৱার্করশিংদা কাপখিবা কোবিদ-১৯ বেক্সিন দোজশিংগী অপুনবা মশিং অসি ঙসি করোর ১.১৪ য়ৌখ্রে।

প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ২,৪৪,০৭১গী খুত্থাংদা বেক্সিন দোজ ১,১৪,২৪,০৯৪ কাপখ্রে।

মসিদা অহানবা দোজ কাপখিবা ঐচ.সি.দবল্যু. ৬৪,২৫,০৬০ (৬৭.৩%)  অমসুং অনিশুবা দোজ কাপখিবা ঐচ.সি.দবল্যু. ১১,১৫,৫৪২ লোইননা এফ.এল.দবল্যু ৩৮,৮৩,৪৯২ (অহানবা দোজ) (৪০.১%) য়াওখি। অমরোমদনা ২০২১গী জনুৱারী ১৬তা লৈবাক শিনবা থুংনা বেক্সিনেসন দ্রাইভ রোল আউৎ তৌখি, এফ.এল.দবল্যু.গী বেক্সিনেসন্না ২০২১গী ফেব্রুৱারী ২দগী হৌখি।

লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী কুনথ্রা-নিপানশুবা নুমিৎ অসিগী নুমিদাং পুং ৬ ফাওবা পুন্না বেক্সিন দোজ ৩,০৭,২৩৮ কাপখ্রে। প্রোবিজনেল রিপোর্তকী মতুং ইন্না, মসিগী মনুংদা বেনিফিসরী ১,৫৯,৫৫০দা অহানবা দোজ কাপখ্রে অমসুং ঐচ.সি.দবল্যু. ১,৪৭,৬৮৮দা অনিশুবা দোজ কাপখ্রে। অরোইবা রিপোর্ত ঙসি নুমিদাং অথেংবদা মপুং ফংগনি।

ঙসিগী নুমিদাং পুং ৬ ফাওবা সেসন ১১,৭৫৪ পাঙথোকখ্রে। 

ঙসি কোবিদ বেক্সিনেসন অসি রাজ্য/য়ু.তি. পুম্নমক্তা পাঙথোকখ্রে।

রাজ্য/য়ু.তি. মরিদা রেজিস্তর তৌখিবা ঐচ.সি.দবল্যু.শিং অমসুং এফ.এল.দবল্যু.শিংগী ৭৫%দগী হেন্না অহানবা দোজকী বেক্সিন কাপখ্রে। মখোয় অদুদি - লক্ষদীপ, গুজরাত, মধ্য প্রদেশ, রাজস্থাননি।

রাজ্য/য়ু.তি. নিপানদা রেজিস্তর তৌখিবা ঐচ.সি.দবল্যু.শিংগী ৭৫%দগী হেন্না অহানবা দোজকী বেক্সিন কাপখ্রে। মখোয় অদুদি –বিহার, ত্রিপুরা, ওরিশা, ছত্তিসগর, উত্তরাখন্দ, ঝার্খন্দ, উত্তর প্রদেশ অমসুং হিমাচল প্রদেশনি।

নাকল অমরোমদা রাজ্য/য়ু.তি. মরিদা রেজিস্তর তৌখিবা ঐচ.সি.দবল্যু.শিংগী ৫০%দগী তানা অহানবা দোজ কাপখিবগী রিপোর্ত তৌরকখ্রে। মখোয় অদুদি নাগালেন্দ, পঞ্জাব, চান্দিগর অমসুং পুদুচেরীনি।

রাজ্য/য়ু.তি. তরাদা রেজিস্তর তৌখিবা এফ.এল.দবল্যু.শিংগী মরক্তা ৫০%দগী হেন্না অহানবা দোজ কাপখ্রে। মখোয় অদুদি দদ্রা অমসুং নাগর হবেলি, ত্রিপুরা, ওরিশা, হিলাচল প্রদেশ, উত্তরাখন্দ, চত্তিসগর, উত্তর প্রদেশ, ঝার্খন্দ, জে অমসুং কে, হরিয়ানানি।

বেক্সিন কাপখিবা মশিং খ্বাইদগী ৱাংনা রেকোর্দ তৌরকখিবা রাজ্য ৫ অদুদি উত্তর প্রদেশ, কর্নাতকা, ৱেস্ত বেঙ্গল, মহারাস্ত্র অমসুং বিহারনি।

হৌজিক ফাওবদা পুন্না মীওই ৪৬ হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। হোস্পিতালদা পুখৎলকখিবা কেস ৪৬কী মনুংদা ২৬ লায়েং চত্থরবা মতুং দিসচার্জ তৌখ্রে অমরোমদা মীওই ১৯ লৈখিখ্রে অমসুং অমানা লায়েং চত্থরি। হৌখিবা পুং ২৪দা হোস্পিতালদা নৌনা পুখৎলকখিবা লৈতে।

ঙসি ফাওবদা পুন্না লৈখিদবা ৪১ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৩% ওইরি। মীওই ৪১ অসিগী মনুংদা মীওই ১৯ হোস্পিতালদা লৈখিদবনি অমরোমদা লৈখিদবা ২২না হোস্পিতালগী মপানন্দা লৈখিদবনি।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./লৈখিদবগী কেস অমত্তা লৈতে।

হৌখিবা পুং ২৪দা নৌনা লৈখিদবা অনি রিপোর্ত তৌখ্রে। কেরেলাগ কন্নোরদগী চহি ২৪ শুরবী নুপী অমা ইন্ত্রাক্রানিএল ব্লিদীংনা মরম ওইদুনা বেক্সিন কাপখিবা নুমিৎ ১৭কী মতুংদা লৈখিদ্রে। পোস্ত-মোর্তেম পাঙথোকখ্রে অমদি রিপোর্ত ঙাইরি।

কেরেলাগী ৱেনাদতগী চহি ৪৯শুরবী নুপী অমা বেক্সিন কাপখিবা নুমিৎ ২গী মতুংদা লৈখিদ্রে। মহাক্না লৈখিদবগী মরম অসি মায়োকার্দিএল ইনফ্রাক্সন ওইরবা য়াই চীংনরি। পোস্ত-মোর্তেম পাঙথোকখ্রে অমদি রিপোর্ত ঙাইরি।

****