কল্চর মন্ত্রালয়

রাস্ত্রিয়া সংস্কৃতি মহোৎসবকী অনিশুবা তাঙ্কক ফেব্রুৱারি ২২দগী ২৪ ফাওবা দর্জিলিংদা পাংথোক্লগনি

Posted On: 21 FEB 2021 3:58PM by PIB Imphal

ফেব্রুৱারি ২২, ২০২১দা নোংচুপ বঙ্গালগী দর্জিলিংদা রাজ ভাবন্দা কলচর অমসুং তুরিজমগী রাজ্য মন্ত্রী(মনিংতম্বা) শ্রী পালহাদ সিংহ পতেলনা রাস্ত্রিয়া সংস্কৃতি মহোৎসবকী অনিশুবা তাঙ্কক হৌদোক্লগনি। ফেস্তিবেল অসি ফেব্রুৱারি ২৪ ফাওবা পাংথোক্কনি। ফেব্রুৱারি ২৪, ২০২১দা পাংথোক্কদবা ফেস্তিবেল লোইশিনবা থৌরমদা নোংচুপ বঙ্গালগী রাজ্যপাল শ্রী জগদিপ ধনখার শরুক য়াগনি। এক ভারত শ্রেস্থা ভারতকী ৱাখল্লোল য়োকখৎনবা রাস্ত্রিয়া সংস্কৃতি মহোৎসব শীনবনি।

দর্জিলিংদা পাংথোক্কদৌরিবা নুমিৎ হুম্নিগী থৌরম অসি ওদিসি ভিজন এন্দ মুভমেন্ত সেন্তরগী কেরিওগ্রাফিক শো অমনা হৌদোক্কনি অমসুং মতুং তারকপদা দোনা গঙ্গুলি(ওদিসি), মাইকেল(সেক্সাফোন), সাইনে হাইরাপিত(বেন্দ)গী থৌরমশিং উৎকনি।

নিনি চনবা নুমিত্তা, সৌনাক চত্তোপাধ্যয়গী রবিন্দ্র সঙ্গিৎ, সেফিয়ার দান্স ত্রুপকী জগোই,  দেনিয়েল ইংতিগী নোর্থ ইস্তর্ন বেন্দ অমসুং কামরন এন্দ বোইজ বেন্দগী থৌরমশিং উৎকনি। অরোইবা নুমিত্তা অনুত্তাম বাউলগী বাইল ঈশৈশিং, সংস্কৃতি স্রেয়াসকারগী কথক বেল্লে অমসুং দান্স দ্রামা অমা উৎকনি।

নুমিৎ খুদিংগী রাস্ত্রিয়া সংস্কৃতি মহোৎসবকী ফম্বাক্তা মফম অদুগী কলাকারশিংগী থৌরমশিং উৎনবা খুদোংচাবা অমা পীগনি। মসিদা লৈবাক্কী মফম কয়াগী খুৎনা শাবা পোৎথোকশিংগী ক্রাফ স্তোল ২০ হাংগনি।

অরিবা জগোইশিং অমসুং কলা মখল কয়া, পর্ফোমিং আর্তসশিং অমসুং ত্রাইবেলশিংগী হেরিতেজশিং য়াওনা ভারতকী কলচর য়োকখৎনবা, ঙাক-শেন্নবা অমসুং শন্দোক্নবা কলচর মিনিস্ত্রিনা ফেস্তিবেল অসি শীনবনি। পান্দম অসি ফংনবা কলচরগী থৌরমশিং, ফেস্তিবেলশিং অমসুং থিয়েতরগী থৌরমশিং পাংথোক্লি।

ফজরবা ভারতকী কলচরশিং ওদিতোরিয়মশিং অমসুং গেল্লেরিশিংদা নৈশীন্দুনা লৈবগী মহুত্তা মীয়ামদা উৎহন্নবা পান্দমদা জোনেল কলচর সেন্তর ৭না মরুওইবা থৌদাং লৌদুনা ২০১৫দগী হৌদুনা মিনিস্ত্রিনা রাস্ত্রিয়া সংস্কৃতি মহোৎসব পাংথোক্তুনা লাক্লি। “এক ভারত শ্রেস্থা ভারত”কী পান্দম মপুংফানবা অমসুং মখোয়গী হিংনবগী লম্বীদা মতেং পাংনবা কলাকারশিং অমসুং খুৎহৈবশিংগী মফম অমা পীনবা ফেস্তিবেল অসিদা রাজ্য অমগী ফোক অমসুং ত্রাইবেল আর্ত, জগোই, ঈশৈ, মথোল-লুকোইশিং অমসুং কলচর অতোপ্পা রাজ্যশিংদা উৎলি। নবেম্বর ২০১৫দগী হৌরগা তোঙান-তোঙানবা রাজ্যশিং অমসুং সহরশিং হায়বদি দিল্লি, বরানসী, বেঙ্গালুরু, তৱাং, গুজরাত, কর্নাতাকা, তেহরি অমসুং মৈধ্য প্রদেসতা রাস্ত্রিয়া সংস্কৃতি মহোৎসবকী ইদিসন ১০ পাংথোকখ্রে।

লৈকায়গী কলাকারশিং য়াওনা শক্নাইরবা কলাকারশিং অচৌবা ফেস্তিবেল অসিগী শরুক অমা ওইরি। রাস্ত্রিয়া সংস্কৃতি মহোৎসব-২০২১ অসিদা ফোক-আর্ত মখলশিং উৎকনি অমসুং মসিদা মমিং চৎলবা অমসুং হৌগৎলক্লিবা কলারকারশিংগী ফজরবা থৌরমশিং উবা ফংগনি। রাস্ত্রিয়া সংস্কৃতি মহোৎসব অসিনা মরুওইনা নহারোলশিং মখোয়গী অরিবা কলচর অমসুং ভারতকী মরুওইবা পুৱারিশিংগা শম্নহনগনি।

তোঙান-তোঙানবা কলচরগী মীওইশিংগী মরক্তা ৱাখল তামিন্নবা অমসুং অচেৎপা মরী হেনগৎহন্দুনা ভারতকী অপুনবগী শক্তম হেন্না চেৎশিনহন্নবা পান্দমদা নোংচুপ বঙ্গালদা রাস্ত্রিয়া সংস্কৃতি মহোৎসব শীনবনি।

*****

 



(Release ID: 1699822) Visitor Counter : 5