লৈবাক অসিুদা নন-কম্ম্যুনিকেবল দিজিজ নাবগী চাং য়াম্না ৱাংনা হেনগৎলক্লিবা অসি য়েংলগা মীয়ামশিং মরু ওইনা নহাশিংনা হেল্থদী ওইবা লাইফস্তাইল অমদা হিংদুনা সেদেন্তরী লিভিং অমসুং জঙ্ক ফুদ চাবা অসি লেপ্নবা ঙসি উপ রাস্ত্রপতি শ্রী এম. ভেনকাইয় নাইদুনা ফোংদোকখ্রে৷

হায়দ্রবাদতা লৈরিবা দি.এন.এ. ফিঙ্গরপ্রিন্তিং অমসুং দাইয়েগ্নোস্তিক্স সেন্তরগী ফেসিলিতীশিং অসি য়েংলুরবা মতুংদা সেন্ত্রর অসিগী সাইন্তিস্তশিং অসিবু থাগৎলদুনা হৌখিবা চহী খরগী মমাংদা ভারততা শিরিবা মীশিং অসিগী চাদা ৬১দি থমোইগী লাইনা, কেন্সর অমসুং দাইয়েবিতিসকুম্বা এন.সি.দি.শিং অসিনা মরম ওইদুনা শি হায়বা অসি দবল্যু.ঐচ.ও. দাতা অসিনা উৎখ্রে হায়না মহাক্না ফোংদোকখ্রে৷

হেল্থদী ওইবা লাইফস্তাইল অমসুং অফবা ফুদ হেবিৎশিং থম্নবা অচৌবা কেম্পেন্দ চত্থদুনা হায়রিবা ত্রেন্দ অসি হন্থহন্নবা শ্রী নাইদুনা হায়খ্রে৷ ফিভম অসি য়েংলগা হেল্থদী ওইবা চোইসশিং লৈহন্নবা মীয়ামশিং অসিগী মরক্তা এৱার্নেসশিং পাংথোক্নবা সাইন্তিস্তশিং অসিদা মহাক্না তকশিনখ্রে৷

মীয়ামশিং মরু ওইনা স্কুল তম্লিবা অঙাংশিং অমসুং কোলেজ তম্লিবা মহৈরোইশিং অসিদা সেদেন্তরী লাইফস্তাইল অমসুং অনহেল্থদী দাইতরী হেবিৎশিং অসিনা পীবা ফৎতবা চৈথেং অসিগী মতাংদা এৱার্নেস পাংথোক্নবা পুন্না হোৎনমিন্নবগী তঙাই ফদবা লৈ হায়না ফোংদোক্লদুনা  হেন্না ফবা হেল্থ আউতকমশিং লাক্নবা প্রুতিন মরাং কাইনা য়াওবা চিঞ্জাকশিং চানবা, ত্রেদিস্নেল ফুদ হিবিৎশিং অমুক হন্না লৈহন্নবা অমসুং ওর্গানিক ফার্মিং য়োকখৎপগী তঙাই ফদবা অদুগী মতাংদা উপ রাস্ত্রপিতনা ফোংদোকখ্রে৷

জেনেতিক লাইনাশিং অসিনা পীরিবা চৈথেং অসি য়েংলগা হেন্না ফবা পেসেন্ত মেনেজমেন্ত লৈহন্নবা তোঙান তোঙানবা জেনেতিক দিজিজশিং অসি লাইয়েংনবগীদমক হেন্না লাইবা অমসুং কোস্ত ইফেক্তিব ওইবা মেথর্দশিং শেমগৎনবা সাইন্তিস্তশিং অসিদা উপ রাস্ত্রপতিনা হায়খ্রে৷ জেনেতিক কাউন্সিলিং অমসুং লাইনাশিং লাইয়েংবদা মতেং পাংগদৌরিবা অনৌবা জিন ৪ খন্দোকখিবা য়াওনা ভারততা দিসওর্দর ১০ হেনবগী নোভেল জেনেতিক ম্যুতেসনশিং খন্দোকপগীদমক সি.দি.এফ.দি.বু মহাক্না থাগৎখ্রে৷

খোঙচৎ অসিদা সি.দি.এফ.দি.দা লৈরিবা ‘পেদিয়েতিক রেয়র জেনেতিক দিসওর্দর্স’ লেবোরেতরী উপ রাস্ত্রপতিনা হাংদোকখ্রে৷

ভারততা নন-কম্ম্যুনিকেবল লাইনাশিংগী হেনগৎলক্লিবা থৌদোকশিং অসি য়েংলগা রেয়র জেনেতিক দিসওর্দরশিং অসিনা এন.সি.দি.শিংগী অচৌবা গ্রুপ অমা শেম্মী হায়না মহাক্না ফোংদোকখ্রে৷

মালেম অসিদা লৈরিবা মীওই চাওরাক্না মিলিয়ন ৩৫০রোম্না “রেয়র দিজিজশিং” অসিদা নারিবা অমসুং ভারততা চাওরাক্না মিলিয়ন ৭০ রোম(২০গী মনুংদা ১) নারিবা অসি য়েংলগা লাইনাশিং অসিগী অয়াম্বা মখলশিং অসি লাইয়েংবা ঙমদবা ওইবনা মরম ওইদুনা সমাজ অসিগী সোসিয়েল স্ত্রকচরদা অমসুং শেল-থুমগী ফিভমদা মসিনা পীরিবা চৈথেং অসিগী মতাংদা শ্রী নাইদুনা ফোংদোকখ্রে৷

জিনোমদা বেজ তৌবা পব্লিক হেল্থ রিসর্চ হেন্না পাংথোক্নবা অমসুং “পেদিয়েতিক রেয়র জেনেতিক দিসওর্দরশিং” অসিগী মতাংদা অচৌবা রিসর্চ অমা পাংথোক্নবা সি.দি.এফ.দি.দা হায়খিবা অসিগীদমক বাইওতোক্নোলোজী দিপার্তমেন্ত(দি.বি.তি.)বু থাগৎলদুনা প্রোগ্রাম অসিনা হ্যুমেন হেল্থগা মরী লৈননা ভারত সরকারগী সস্তেনেবল দিভেলপমেন্ত গোলশিং অসিদা কন্ত্রিব্যুত তৌরগনি অমসুং জেনেতিক লাইনাশিং অসিনা সমাজ অসিদা পীরিবা চৈথেং অসি হন্থহল্লগনি হায়না মহাক্না ফোংদোকখ্রে৷

সি.দি.এফ.দি. অসি মথৌ তৌরকপদগী হৌদুনা ইমুং ৬০,০০০ হেনবদা জেনেতিক লাইনাশিং অসিগী মতাংদা পেসেন্তশিং অসিবু কাউন্সিলিং তৌনবা অমসুং তেস্তিং তৌননবগীদমক সর্ভিসশিং ফংহনবা লৈখ্রে হায়না ফোংদোক্লদুনা নিংথীনা মরম খঙদ্রিবা জেনেতিক লাইনাশিং অসি লৈরিবা পেসেন্তশিং অসি য়েংশিন্ননবগীদমক তোঙান তোঙানবা ক্লিনিকেল সেন্তরশিং অসিগা লোইননা নেসনৱাইদ লেবোরেতরীশিং শেমগৎপগীদমক ইন্সতিত্যুসন অসিবু শ্রী নাইদুনা থাগৎখ্রে৷ জেনেতিক লাইনাশিং অসিগী মতাংদা সি.দি.এফ.দি.না ফংহল্লিবা সর্ভিসশিং অসিগী মতাংদা মেদিয়াগী খুৎথাংদা মীয়ামশিং অসিদা এৱার্নেস পীনবা মহাক্না সি.দি.এফ.দি.দা হায়খ্রে৷

কোবিদ-১৯ লাইনা-লাইচৎ অসি হৌরকপা মতমদা মীওইবা জাতি অসিনা লান্থেংনরিবা চেলেঞ্জশিং অসি য়েংলদুনা সি.দি.এফ.দি.গী কোরোনা ৱারিয়রশিংনা কোবিদ-১৯ ইনফেক্সনগী একুরেত দাইয়েগ্নোসিস ফংহনখিবা অসিগীদমক মহাক্না থাগৎখ্রে৷ “হৌখিবা থা ১০ অসিদা সেম্পল ৪০,০০০ হেন্না সি.দি.এফ.দি.না তেস্তিং পাংথোকখ্রে হায়না মঙোন্দা হায়রকখ্রে”, হায়না মহাক্না ফোংদোকখ্রে৷

মালেম অসিদা ক্রাইম তৌবগী চাং অসি হেনগৎলক্লিবা অসি পল্লদুনা ক্রিমিনেল কেসশিং অসিদা অচুম্বা ৱায়েল ফংনবগীদমক কোর্তশিং, নেস্নেল ইনবেস্তিগেতিং এজেন্সী(এন.আই.এ.) অমসুং সি.বি.আই.দা স্তেত ওফ দি আর্ত দি.এন.এ. ফিঙ্গরপ্রিন্তিং সর্ভিসশিং ফংহনবগীদমক অমসুং দিজাস্তর ভিক্তিমশিং অসিগী ইমুং মানুংশিং অসিদা রিলিফ ফংহন্নবা হোৎনবদা লৌখিবা থৌদাং অসিগীদমক সি.দি.এফ.দি.বু মহাক্না থাগৎখ্রে৷

সি.দি.এফ.দি. সাইন্তিস্তশিং অমসুং স্কোলরশিং অসিনা লৌখিবা থৌদাংশিং অদু থাগৎলদুনা পাংথোক্লিবা রিসর্চ অসিগী আউতকমশিং অসিনা মীয়ামশিং অসিদা কান্নবা ফংহন্নবা অমসুং মখোয়গী পুন্সিগী ক্বালিতী অসি হেন্না ফহন্নবা শ্রী নাইদুনা মখোয়শিংদা হায়খ্রে৷ “মীয়ামশিং অসিগী পুন্সিবু নুংঙাইহনবা অসিনা সাইন্সকী খ্বাইদগী চাওরবা পান্দম ওইগদবনি”, হায়না মহাক্না ফোংদোকখ্রে৷

তেলঙ্গনাগী গৃহ মন্ত্রী মোহমদ মাহমুদ অলি, সি.দি.এফ.দি.গী দাইরেক্তর দা. কে. থাঙ্গরাজ, বাইওতেক্নোলোজী দিপার্তমেন্তগী সেনিয়র ওফিসিয়েলশিং, সাইন্তিস্তশিং, রিসর্চ স্কোলরশিং অমসুং স্তাফশিংনা থৌরম অসিদা শরুক য়াখি৷

উপরাস্ত্রপতিগী ৱারোল পানবগীদমক মসিদা ক্লিক তৌবীয়ু

*****