کووڈ-19 ٹیکہ لگوانے والے صحت کارکنان اور فرنٹ لائن اہلکاروں کی تعداد میں اضافہ ہوکر  آج یہ 1.04 کروڑ ہوگئی۔

ابتدائی رپورٹ کے مطابق، آج شام 6 بجے تک 220877 سیشنز کے ذریعے ک10449942 مستفدین کو ٹیکہ لگایا گیا۔

 ان میں 6295903  صحت سے متعلق کارکنان  شامل ہیں جنھوں ٹیکے کی پہلی خوراک حاصل کی ہےاور 756942  صحت کارکنان نے دوسری خوراک حاصل کی ہے۔وہیں 3397097 فرنٹ لائن کے اہلکاروں کو پہلی خوراک کا ٹیکہ لگایا گیا۔ ملک بھر میں 16 جنوری 2021 سے ٹیکہ کاری مہم کا آغاز ہواتھا جبکہ فرنٹ لائن اہلکاروں کو 2 فروری 2021 سے ٹیکہ لگانے کاآغاز ہوا تھا۔

ملک گیر ٹیکہ کاری مہم کے 35ویں دن آج شام 6 بجے تک مجموعی طور پر261935 مستفدین کو ٹیکا لگایا گیا تھا۔ ابتدائی رپورٹ کے مطابق 115892 مستفدین کو ٹیکے کی پہلی خوراک دی گئی اور 146043 صحت کارکنان کو ٹیکے کی دوسری خوراک دی گئی۔حتمی رپورٹ آج دیر رات تک مکمل ہوجائے گی۔

آج شام 6 بجے تک 9415 سیشنز منعقد کئے گئے۔

آج سبھی ریاستوں/ مرکز کے زیر انتظام علاقوں میں کووڈ ویکسی نیشن ہوئی۔

12 ریاستوں/ مرکز کے زیر انتظام علاقوں نے پہلی خوراک کے لئے رجسٹرڈ صحت کارکنان میں سے 75 فیصد سے زیادہ کو ٹیکہ لگایا گیا۔  ان ریاستوں میں بہار، تریپورہ، اڈیشہ، لکشدیپ، گجرات، چھتیس گڑھ، اتراکھنڈ، مدھیہ پردیش،جھارکھنڈ، راجستھان، ہماچل پردیش اور اترپردیش شامل ہیں۔

دوسری جانب، 7 ریاستوں/ مرکز کے زیر انتظام علاقوں، جن میں  لداخ، تمل ناڈو، دہلی، پنجاب، چنڈی گڑھ، ناگالینڈ اور پڈوچیری شامل ہیں،میں رجسٹرڈ صحت کارکنان  میں 50 فیصد سے بھی کم  ٹیکہ کاری کی اطلاع ہے۔

جن15 ریاستوں میں رجسٹرڈ فرنٹ لائن اہلکاروں میں سے 40 فیصد سے زیادہ کو کووڈ-19 ٹیکے کی پہلی خوراک دی گئی،  وہ ہیں گجرات، راجستھان، مدھیہ پردیش، اڈیشہ، دادر و نگر حویلی، تریپورہ، اتراکھنڈ، جھارکھنڈ، لکشدیپ، ہماچل پردیش، ہریانہ، چھتیس گڑھ، جموں و کشمیر، اترپردیش اور بہار۔

 

دس ریاستوں میں جہاں سب سے زیادہ ٹیکہ کاری درج کی گئی ہے وہ ہیں: اترپردیش، کرناٹک، مغربی بنگال، آندھرا پردیش، تمل ناڈو، جموں وکشمیر، کیرالہ، اڈیشہ، جھارکھنڈ اور مدھیہ پریش۔

مجموعی طور پر اب تک41 افراد کو اسپتال میں داخل کرایا گیا ہے،جو مجموعی ٹیکہ کاری کا 0.0004فیصد ہے۔ اسپتال میں داخل ہونے والے 41 معاملوں میں  سے 25 کو علاج کے بعد چھٹی دے دی گئی ہے، جبکہ 14 لوگوں کی موت ہوگئی اور دو افراد زیر علاج ہیں۔ گذشتہ 24 گھنٹوں  میںاایک شخص کو اسپتال میں داخل کرایا گیا ہے۔

 مجموعی طور پر اب تک 34 اموات درج کی گئی ہیں، جو مجموعی ٹیکہ کاری کا 0.0003فیصد ہے۔ 34 میں سے14 افراد کی اسپتال میں موت ہوئی ہے جبکہ 20 افراد کی موت اسپتال سے باہر ہوئی ہے۔

ٹیکہ کاری کے بعدسنگین/ شدید ، ناموافق اثر(ا ے ای ایف آئی)/ موت  کے کسی بھی معاملے میں ٹیکہ کاری کو ذمہ دار قرار نہیں دیا گیا ہے۔

گذشتہ 24 گھنٹوں کے دوران  موت کے دو نئے معاملے درج کئے گئے ہیں۔ اڈیشہ کے اُنگل کی رہنے والی یک 52 سالہ خاتون کی موت صدمے کی وجہ سے ہوئی ہے۔ ان کی موت ٹیکہ لگنے کے 14 دن بعد ہوئی ہے۔ ابھی تک پوسٹ مارٹم نہیں کیا گیا ہے۔

وہیں دوسری جانب اتراکھنڈ کے چمولی ضلع کی 55 سالہ خاتون کی موت ہوئی ہے۔ پوسٹ مارٹم کیا جاچکا ہے اور رپورٹ کا انتظار ہے

 

*****

ش ح۔ ن ر 

U NO: 1765

(Release ID: 1699672) Visitor Counter : 218