হেল্থকিয়র অমসুং ফ্রন্তলাইন ৱার্করশিংদা কাপখিবা কোবিদ-১৯ বেক্সিন দোজশিংগী অপুনবা মশিং অসি ঙসি করোর ১.০৪ য়ৌখ্রে।

প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ২,২০,৮৭৭গী খুত্থাংদা বেক্সিন দোজ ১,০৪,৪৯,৯৪২ কাপখ্রে।

মসিদা অহানবা দোজ কাপখিবা ঐচ.সি.দবল্যু. ৬২,৯৫,৯০৩ অমসুং অনিশুবা দোজ কাপখিবা ঐচ.সি.দবল্যু. ৭,৫৬,৯৪২ লোইননা এফ.এল.দবল্যু ৩৩,৯৭,০৯৭ (অহানবা দোজ) য়াওখি। অমরোমদনা ২০২১গী জনুৱারী ১৬তা লৈবাক শিনবা থুংনা বেক্সিনেসন দ্রাইভ রোল আউৎ তৌখি, এফ.এল.দবল্যু.গী বেক্সিনেসন্না ২০২১গী ফেব্রুৱারী ২দগী হৌখি।

ফেব্রুৱারী ১৮, ২০২১দা পুন্না বেনিফিসরী ৬,৫৮,৬৭৪দা বেক্সিন কাপখি। নুমিৎ অসিনা হৌজিক চত্থরিবা কোবিদ-১৯ বেক্সিনেসন দ্রাইভ অসিদা নোংমদা মশিং খ্বাইদগী ৱাংনা কাপখিবা নুমিৎ ওইখ্রে।

লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী কুনথ্রা-মঙাশুবা নুমিৎ অসিগী নুমিদাং পুং ৬ ফাওবা পুন্না বেক্সিন দোজ ২,৬১,৯৩৫ কাপখ্রে। প্রোবিজনেল রিপোর্তকী মতুং ইন্না, মসিগী মনুংদা বেনিফিসরী ১,১৫,৮৯২দা অহানবা দোজ কাপখ্রে অমসুং ঐচ.সি.দবল্যু. ১,৪৬,০৪৩দা অনিশুবা দোজ কাপখ্রে। অরোইবা রিপোর্ত ঙসি নুমিদাং অথেংবদা মপুং ফংগনি।

ঙসিগী নুমিদাং পুং ৬ ফাওবা সেসন ৯,৪১৫ পাঙথোকখ্রে। 

ঙসি কোবিদ বেক্সিনেসন অসি রাজ্য/য়ু.তি. পুম্নমক্তা পাঙথোকখ্রে।

রাজ্য/য়ু.তি. তরা-মাথোইদা রেজিস্তর তৌখিবা ঐচ.সি.দবল্যু.শিংগী ৭৫%দগী হেন্না অহানবা দোজকী বেক্সিন কাপখ্রে। মখোয় অদুদি –বিহার, ত্রিপুরা, ওরিশা, লক্ষদীপ, গুজরাত, ছত্তিসগর, উত্তরাখন্দ, মধ্য প্রদেশ, ঝার্খন্দ, রাজস্থান, হিমাচল প্রদেশ, উত্তর প্রদেশনি।

নাকল অমরোমদা রাজ্য/য়ু.তি. তরেৎতা রেজিস্তর তৌখিবা ঐচ.সি.দবল্যু.শিংগী ৫০%দগী তানা অহানবা দোজ কাপখিবগী রিপোর্ত তৌরকখ্রে। মখোয় অদুদি লদাখ, তামিল নাদু, দিল্লী, পঞ্জাব, চান্দিগর, নাগালেন্দ অমসুং পুদুচেরীনি।

রাজ্য/য়ু.তি. তরা-মঙাদা রেজিস্তর তৌখিবা এফ.এল.দবল্যু.শিংগী ৪০%দগী তানা অহানবা দোজ কাপখ্রে। মখোয় অদুদি গুজরাত, রাজস্থান, মধ্য প্রদেশ, ওরিশা,  দদ্রা অমসুং নাগর হবেলি, ত্রিপুরা,  উত্তরাখন্দ, ঝার্খন্দ, লক্ষদীপ, হিলাচল প্রদেশ, হরিয়ানা, চত্তিসগর, জে অমসুং কে, উত্তর প্রদেশ অমসুং বিহারনি।

বেক্সিন কাপখিবা বেনিফিসরীশিংগী মশিং খ্বাইদগী ৱাংনা রিপোর্ত তৌরকখিবা রাজ্য ১০ অদুদি উত্তর প্রদেশ, কর্নাতকা, ৱেস্ত বেঙ্গল, অন্ধ্র প্রদেশ, তামিল নাদু, জম্মু অমসুং কাশ্মির, ওরিশা, ঝার্খন্দ অমসুং মধ্য প্রদেশনি।

হৌজিক ফাওবদা পুন্না মীওই ৪১ হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। হোস্পিতালদা পুখৎলকখিবা কেস ৪১গী মনুংদা ২৫ লায়েং চত্থরবা মতুং দিসচার্জ তৌখ্রে অমরোমদা মীওই ১৪ লৈখিখ্রে অমসুং অনিনা লায়েং চত্থরি। হৌখিবা পুং ২৪দা মীওই অমা হোস্পিতালদা পুখৎলকখ্রে।

ঙসি ফাওবদা পুন্না লৈখিদবা ৩৪ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৩% ওইরি। মীওই ৩৪ অসিগী মনুংদা মীওই ১৩ হোস্পিতালদা লৈখিদবনি অমরোমদা লৈখিদবা ২০না হোস্পিতালগী মপানন্দা লৈখিদবনি অমসুং লৈখিদবা ১৪না হোস্পিতালদনি হায়না রেকোর্দ তৌখ্রে।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./লৈখিদবগী কেস অমত্তা লৈতে।

হৌখিবা পুং ২৪দা নৌনা লৈখিদবা অসি রিপোর্ত তৌরকখ্রে। সেপ্তিক শোক্না মরম ওইদুনা ওরিশাগী অঙ্গুলদগী চঘি ৫২শুরবী নুপী অমা লৈখিদে।  মহাক বেক্সিন কাপখিবা মতুং নুমিৎ ১৪ লৈরগা লৈখিদবনি। পোস্ত-মোর্তেম তৌখিদ্রে।

উত্তরাখন্দগী চামোলিদগী চহি ৫৫ শুরবী নুপী অমা লৈখিদ্রে। পোস্ত-মোর্তেম পাঙথোকখ্রে অমসুং রিপোর্ত ঙাইরি।

****