হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙসি মেদিকেল কম্ম্যুনিতি অমসুং ফ্রন্তলাইন ৱার্করশিংবু মাংলোমদা থোক্লতুনা অমসুং কোবিদ-১৯ বেক্সিন লৌন্নবা হায়খ্রে। হায়রিবা অসি লৈবাক অসিনা মপুং ওইনা বেক্সিন করোর অমা হেন্না হেলকেয়র অমসুং ফ্রন্তলাইন ৱার্করশিংবু মপুং ওইনা মশক নাইবা অমা য়ৌখিবদনি। লৈবাক শিনবা থুংনা কোবিদ-১৯গী বেক্সিনগী দ্রাইব অসি প্রধান মন্ত্রীনা ২০২১গী জানুৱারীগী ১৬তা হৌদোকখিবনি।

য়ুনিয়ন মিনিস্তরনা দোক্তরশিং, নর্সশিং, পেরামেদিক ৱার্করশিং অমসুং ফ্রন্তলাইন ৱার্করশিং হায়বদি পুলিস পর্সোন্নেল, রেবিন্যু ওফিসিএলশিং অসিদা কন্না হায়খি। “ঐহাক্না হেলকেয়র অমসুং ফ্রন্তলাইন ৱার্করশিংনা মাংলোমদা থোক্লতুনা অমসুং কোবিদ-১৯ বেক্সিন অসি লৌননবা নোল্লুক্না অমসুং য়াম্না কন্না হায়জরি । ঐখোয় পুম্বা কন্না হোৎনমিন্নদুনা কোবিদ-১৯ অসি লান্থেংননবা হোৎনমিন্নশি। মালেম অসি লায়না অসিদগী কোকপা নত্ত্রি। মসি ঐখোয়না পুন্না হোৎনমিন্নদুনা পব্লিক হেলথগী অৱাবা অসি নমথখিবনি”।

মালেমগী ওইবা লায়চৎ অসি লান্থেংনবদা অশুক্কী মতিক মায় পাক্লকপা অসিদা দাঃ হার্শ বর্ধন্না হায়খি মদুদি, “ইন্দিয়ানা বেক্সিনেসন ১,০১,৮৮,০০৭ পীবদা শুপ্নতগী নুমিৎ ৩৪ খক্তমক চংখি, মালেমগী ওইনা খ্বায়দগী থুবা অনিশুবা অমা ওইনা। ঐখোয়না সেসন লাখ ২.১১ (সেসন ২,১১,৪৬২); অহানবা দোজতা হেলথ কেয়র ৱার্কর (ঐচ.সি.দবল্যু.) ৬২,৬০,২৪২; অনিশুবা দোজতা ঐচ.সি.দবল্যু. ৬,১০,৮৯৯ অমসুং ফ্রন্তলাইন ৱার্কর (এফ.এল.দবল্যু.) ৩৩,১৬,৮৬৬ অহানবা দোজতা পীখি।

বেক্সিন অনিগী (কোবাক্সিন অমসুং কোবিশীল্দ) মরমদা ৱা ঙাংলদুনা মহাক্না হায় মদুদি. “কোবিদকী বেক্সিন অনি অসি লৈবাক অসিগী দ্রগ কন্ত্রোল্লরনা অয়াবা চাংয়েং তৌদুনা পীরবনি অমসুং হায়রিবা অসি চপ চানা শোক্নিঙাই ওইদে। এদভর্স ইভেন্তস ফোল্লোইং ইম্ম্যুনাইজেসন (এ.ই.এফ.আই.)দা কেস ৪০ খক্তা হৌজিক ফাওবদা হোস্পিতালাইজ তৌরি হায়রিবা অসিনা অপুনবা বেক্সিনেসন্দা ০.০০০৪% খক্তা ওইরি। হৌজিক ফাওবদা এ.ই.এফ.আই.দা য়াম্না কনবা অমসুং য়াম্না লুবা অমসুং অশি-অনা বেক্সিন অসিদগী থেংনদ্রি। অপুনবা বেক্সিনেসন অসিদগী ৩২ শিবগী রিপোর্ত লাকখি অদুবু পোস্ত মোর্তেমগী মতুং ইন্না হায়রিবা অসি বেক্সিনেসন অসিগা মরী লৈনদ্রি।   

দাঃ হার্শ বর্ধন্না মতুংদা লৈবাক অসিগী বেক্সিনেসনগী লাক্লিবা পরিং মরাক চুম্না পীরি। কোবিদ-১৯ বেক্সিনেসন অসিগী ২শুবা দোজ অসি ২০২১গী ফেব্রুৱারীগী ১৩দগী হান্ননা ১শুবা দোজতা নুমিৎ ২৮নি শুখ্রবা বেনিফিসরীশিংদা পীবা হৌখ্রে। এফ.এল.দবল্যু. বেক্সিনেসন অসিনা ২০২১গী ফেব্রুৱারীগী ২দগী হৌগনি।

মিনিস্তরনা উৎখি মদুদি মতৌ করম্না মেদিকেল কম্ম্যুনিতি অসিনা কোবিদ-১৯গী খুদোংথিবা কয়া অমা মায়োক্নদুনা বেক্সিনেসন অসি পীনবা হোৎনরি: “কোবিদ-১৯ অসিনা মীওই কয়া অমগী পুন্সিদা থোকহনিংদবা থৌদোক কয়া অমা থোকহনখ্রে। - চাওখৎলবশিং অমসুং চাওখৎত্রীবা কয়া অমা, ইনাক-খুনবা অমসুং লাইররবা খায়দনা চপ মান্ননা শোকহল্লি, অদুবু হায়রিবা অসিদা খ্বায়দগী হেন্না শোকহল্লিবা হায়রগদি মেদিকেলগী কাংবু – ঐখোয়গী দোক্তর অমসুং নর্স, পেরামেদিক্স, ফ্রন্ত লাইন ৱার্কর মখোয় অসিনা লায়েংবা, কুপ্না শেন্নবা অমসুং পুম্নমক অসিবু লাকশিনবা অসিনা মখোয়গী মথৌ ওইনা খুদোংথিবা কয়া অমা মায়োক্নদুনা হোৎনরি। হেলথ ৱার্কর কয়া অমনা কোবিদ-১৯গী অনাবা লায়েংবদা কত্থোকপগা লোয়ননা হকথেংননা হোৎনরি। মরম অসিনা মখোয় অসি হান্ননা বেক্সিন অসি হান্ননা পীদুনা মখোয়বু লায়না অসিদগী ঙাকথোক্নবা অমশুং শোক্লুবদা মখোয়দা করিগুম্বা অমা থোক্তনবা”।    

দাঃ হার্শ বর্ধন্না হন্না হায় মদুদি “লৈবাক অসিনা মেদিকেল কাংবু অসিবু মখোয়না মখোয়গী শিনফমদা মথৌ মশক খংনা থম্মোয় শেংনা চোকথবা লৈতনা হোৎনবা অসিগদমক লমন তোল্লি অমসুং মখোয়বু হায়নিংঙাই লৈতনা থাগৎপা ফোংদেক্লি”। মহাক্না মখা তানা হায়খি মদুদি, “ মসি পুম্বা অদোমগী ইশাগী ওইজবা থিদনা ইথৌ তৌবা অমসুং অখাং কনবা অসিনা ইন্দিয়ানা মশক থোক্না কোবিদতগী অশি-অনা থোকপা খ্বায়দগী নেম্বা অমসুং লৈবাক অসিনা অনাবা ফগৎলকপা অসিদা খ্বায়গদী ৱাংনা লৈরিব অসি”।

কেম্পেইন খর অমদা খঙহল্লি মদুদি অচুম্বা অমা নত্তে হায়রদুনা মহাক্না হায়খি, “কোবিদ-১৯ লায়চৎ অমসুং চৎথরিবা বেক্সিনেসন অসিগী লায়বক থিবদগী লান্না পাউদম্বা, তোকঙা শন্দোকপা অমসুং অরানবা পাউজেল কয়া অমা লাক্লি। মসিদা পীরিবা অসি বেক্সিন অসি কাপ্পদগী মীরোনবা ঙমদবা, বেক্সিনেসন অসিগী মতুংদা য়ু থক্লগদি ফত্তবা ওইরকপা অসিনচিংবা অসিনা লান্না লমজিংলি। দোজেজ করোর অমা হেন্না মায় পাক্না পীখ্রবা মতুংদা, বেক্সিন অসিগী কান্নবা খঙলি। ঐখোয়না মসিগী তোকঙা অসিগী খয়াৎতা তারোইসি”।

****