مرکزی وزیر داخلہ جناب امت شاہ نے بھارت سیوا آشرم سنگھ ، کولکاتہ میں پرنوآنند جی کو خراج عقیدت پیش کیا  اور گروؤں کاآشیرواد حاصل کیا ہے۔اس موقع پر خطاب کرتے ہوئے جناب امت شاہ نے کہا کہ آج کا دن بہت اہمیت کا حامل ہے کیونکہ آج آچاریہ راما کرشن پرم ہنس اور چیتنیہ مہا پربھو کا یوم ولادت ہے۔ جناب امت شاہ نے کہا کہ  یوگا آچاریہ پرنو آنند جی نے جس جگہ اپنی عمر کا ایک طویل عرصہ گزارا، اس جگہ کی زیارت کرنا میرے لئے با عث فخر ہے۔ یوگا آچاریہ پرنو آنند جی نے سودھرم اور سوراج کا نظریہ اس وقت پیش کیا جب ملک کو اس کی سب سے زیادہ ضرورت تھی۔جناب شاہ نے کہا کہ ملک کی تقسیم کے وقت بھی یہ علاقہ ہندوستان سے منسلک رہا۔اس وقت، پرنو آنند جی نے ڈاکٹر شیاما پرشاد مکھرجی کو ترغیب دی تھی۔ پرنو آنند  بھارت سیوا آشرم سنگھ نے  نوجوانوں میں حب الوطنی، مذہبی شعور، خوداعتمادی، خدمت، فدا کاری اور قربانی جیسے جذبوں کو راسخ کرنے کے لئے ایک ملک گیر تحریک شروع کی۔105 سال قبل لگایا گیا پودا آج ایک  تناور درخت میں تبدیل ہوچکا ہے۔یہاں رضا کاروں نے مذہب اور ذات پات کی سطح سے اوپر اٹھ کر خدمات انجام دی ہیں۔

مرکزی وزیر داخلہ جناب امت شاہ  بھارت سیوا آشرم سنگھ کولکاتہ پر حاضری دیتے ہوئے

گنگا ساگر تیرتھ پر حاضری دینے کے بعد جناب امت شاہ نے کہا کہ میں یہاں آکر جذبات سے سرشار ہوگیا ہوں اور کپل منی کا مندر صدیوں سے روحانیت  اور فطرت کے تحفظ کی علامت بنا ہوا ہے۔جناب شاہ نے کہا  کہ ایسا کہا جاتا ہے کہ ہر تیرتھ بار بار اور گنگا ساگر ایک بار اور یہی وہ طریقہ ہے جس کے ذریعہ ہمارے بزرگوں نے اس مندر کو عزت بخشی ہے۔انہوں نے مزید کہا کہ جیسا کہ پْران بتاتے ہیں ، مہاراجہ بھاگیرتھ  اپنے 7000 پرکھوں کو آزاد کرانے کے لئے گنگا کو ہمالیہ کی گود سے نکال کر گنگا ساگر تک لائے تھے اور آج ہزاروں برس گزر جانے کے بعد بھی مقدس گنگا ہندوستان کے لوگوں کے لئے شہ رگ حیات بنی ہوئی ہے۔

مرکزی وزیر داخلہ جناب  امت شاہ گنگا ساگر کے کنارے

جناب امت شاہ نے بتایا کہ گنگوتری سے گنگا ساگر تک گنگا کی صفائی کا پروگرام وزیراعظم جناب نریندر مودی کی قیادت میں جاری ہے۔ آج بنگال میں گنگا ساگر کی حالت انتہائی بدتر ہے، جس میں وہاں اگر ہماری حکومت بنتی ہے تو سدھار کیاجائے گا اور بنگال میں گنگا ساگر تک نمامی گنگا پروجیکٹ مکمل کیا جائے گا۔ جناب شاہ نے یہ بھی کہا کہ گنگا کی صفائی اور اس کو آلودگی سے پاک کرنے کا پروگرام مکمل کیاجائے گا اور گنگا کو دوبارہ بحال کیاجائے گا تاکہ اس کے صاف شفاف پانی کی برکتوں سے آنے والی نسلیں فیضیاب ہوں۔

مرکزی وزیر داخلہ جناب امت شاہ کپل منی آشرم میں حاضری دیتے ہوئے۔

******

ش  ح ۔س   ب۔ ر ض

U-NO.1729