হকশেল অমসুং য়াইফ-য়ুম্বাল মন্ত্রালয়
দাঃ হর্শ বর্ধন্না “ৱার্কশোপ ওন গুদ প্রাক্তিসেস ওফ কোবিদ-১৯” হায়বা অসিদা য়ুম্লোন্নবা লৈবাক ৯গা লোয়ননা লোইশিনবা থৌরমদা ৱা ঙাংখ্রে
Posted On:
18 FEB 2021 5:34PM by PIB Imphal
হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হর্শ বর্ধন্না ৱার্কশোপ “একচেঞ্জ ওফ গুদ প্রাক্তিসেস ইন তেক্লিং কোবিদ পেন্দেমিক এন্দ দ ৱে ফোর্ৱাদ’ হায়বা অসিদা ইন্দিয়াগী হেলথ সেক্রেতরীশিং অমসুং কোবিদ-১৯ মেনেজমেন্ত প্রোগ্রামগী তেক্নিকেল হেদ অমসুং য়ুম্লোন্নবা লৈবাক ৯ মদুদি আফগানিস্তান, বঙ্গলাদেশ, ভুতান, মালদ্বীব, মৌরিসিয়স, নেপাল, পাকিস্তান, সিচিলস অমসুং শ্রী লঙ্কা য়াওবা শরুক য়ারিবশিংদা লোইশিনবগী ৱা ঙাংখ্রে।
ভারতকী ইকাই খুম্নরবা প্রধান মন্ত্রী শরুক য়ারিবশিংদা হৌদোকপা ৱা ঙাংখি।
য়ুনিয়ন হেলথ মিনিস্তরগী লোইশিনবগী ৱারোল মখাদা পীরি:
নুংশিরবা মরুপ অমসুং লোইনবশিং,
কোবিদ-১৯ মেনেজমেন্ত অমসুং মসিগী থেংনবা অসিগী ৱার্কশোপ অসিদা থৱায় য়াওনা শরুক য়াবিরিবা পুম্বা অমসুং মসিদা অদোমগী থেংনরকপশিং ফোংদোকপিবা, অফবা মথৌশিং অমসুং অদোম্না চংশিল্লিবা অসিদা ঐহাক্না থাগৎপা ফোংদোকচরি। অদোম পুম্নমক্কী মমাংদা ৱা ঙাংবা ফংজবা অসিদা য়াম্না চাওথোকচবা অমা ফাওই মদুদি অদোম পুম্বা লৈবাক ১০দগী ইচং থৌরবা লুচিংবা, কৎথোক্লবা অমসুং মীয়ামগী হকশেলগী দ্রাইভর ঙাক্তনি।
মরুপশিং,
ঐখোয় পুম্বনা খন্নখ্রে মদুদি লায়চৎ অসিনা ঐখোয়দা খঙহল্লে মদুদি হকশেলগী সিস্তেম অমসুং পাঙ্গল অমসুং শেম শাদবনা অসিগী অৱাবা অসি খঙলি। মসিনা ঐখোয়দা তম্বিরি মদুদি মালেমগী ওইবা খুদোংথিবা থোক্লবা মতমদা মতম অসি হেন্না মপাঙ্গল কনখৎহনবা, মালেমগী ওইবা পুনশিনবা অমসুং হকশেলগীদমক মালেমগী ওইবা শেন্থং পীবা, মসিনি ঐখোয়না ঙসি মখা তানা মালেমগী পুনব অমগী খন্নরক্লিবা অসিনি।
মরুপশিং,
ইকাই খুম্নরবা প্রধান মন্ত্রী শ্রী নরেন্দ্র মোদী জিনা য়াম্না কন্না হায়রি মদুদি ইন্দিয়ানা খুদোংথিবা কয়া অমা লাক্কদৌরিবা অসিদা য়েংশিনহৌবা অহানবা লৈবাক অমা ওইরি। অঙম্বা লুচিংবা অমা ওইদুনা মহাক্কী মখাদা, ঐখোয়না অৱাবা কয়া অসি মায়োক্নবা ঙম্বনি। অথিংবা কয়া অসিগী মরক্তা ইন্দিয়ানা কেস মিল্লিয়ন্দা মেনেজ তৌদুনা লাক্লি অমসুং অশিবগী মশীং অসি মালেমগী ওইনা খ্বায়দগী নেম্বা ওইরি অমসুং লেপ্পা লৈতনা মশীংশিং অসি হন্থরক্লি।
ইন্দিয়ানা য়াম্না লিংনা লৈখিবা অসি “সরকার পুম্বা” অমসুং “সমাজ পুম্বা” হায়না চংশিনবা অসিনি। মীওই বিল্লিয়ন ১.৩৫লৈবা লৈবাক অসিনা পাঙ্গল অমসুং অখাং কনবা উৎতুনা সরকারনা থমখিবা লমজিং লমতাক অসি ইন্দুনা লাকখি। লৈবাক পুম্বনা অমত্তা ওইনা লুচিংবা হায়বদি ইকাই খুম্নরবা প্রধান মন্ত্রী মোদীজিগী মতুং ইন্দুনা অমুক্তা তৌখিদ্রিবা মওংদা রাজনিতিগী মওং অমসুং অকনবা খোঙথাং কয়া অমা লৌখৎতুনা লায়চৎ অসি নমথনবা হোৎনরি।
ঙসিদি, ইন্দিয়ানা অতোপ্পা থাক অমা ইন্দিয়ন পুম্বা শাথিরবা লায়না অসিগী মায়োক্তা তিকা থারি। ঐখোয়না মালেমগী খ্বায়দগী চাওরবা বেক্সিনেসন হৌখ্রে অমসুং ঐহাক্না চাওথোক্না হায়রি মদু্দি হৌজিক ফাওবদা ইন্দিয়ানা মীওই মিল্লিয়ল ৮.৮ হেনবা তিকা থাখ্রে।
ঐখোয়না হৌজিক য়াম্ন থুনা মহৌশাগী ফিবমদা হঞ্জিননবা হোৎনরি, হায়রিবা অসি লৈবাক অসিদা হেলথ অমসুং ইকোনোমী অসি চাং অমদা থম্নবনি।
ঐহাক্না মসি হন্না হায়ননবগী তাঞ্জা অমা লৌজরি মদুদি ইন্দিয়া অসি অসিগুম্বা ইকোনোমীগী অৱাবা তারবা মতম অসিদা লমজিংবিনবা অথৌবা লুচিংবা লৈজবা অসি ঐখোয়গী লাইবক ফবনি। মোদীজিনা লুচিংদুনা, শেংনা হায়রবদা অৱাবা মায়োক্নবা অসিনা খুদোংচাবা অমদা ওন্থোক্লি।
মরুপশিং,
ঐহাক্না ২০২০ অসিবু সাইন্সকী চহি হায়না কৌরি মরমদি খ্বায়দগী ফবা মীওইবা অমনা ঐখোয়দা তারক্লবা মতমদা তৌফম থোকপা অসি উৎলি। মালেমগী লৈবাক অয়াম্বনা পুন্না খুৎশম্নদুনা সাইন্তিস্তকী অহৈবা অসি উৎলি।
ঐখোয় ময়াম্না সাইন্স অসি থাগৎনরিঙৈ অসিদা ঐহাক্না হায়নিংবদি মসি সাইন্স খক্তা নত্তে মসি নিংশিংবা য়াবা অমনি। লায়চৎ অসিদা খ্বায়দগী মায় পাকপা অসি পুন্না থবক তৌমিন্নবা অসিনি। সাইন্তিস্ত অমসুং ওর্গানাইজেসনশিংনা মশক থোকপা পন্থুং অমা পুথোক্নবা পান্দম থম্লি, হায়রিবা অসি লৈবাক অমগী ওইগেরা, মালেমগী ওইগেরা চপ মান্নৈ।
মরুপশিং,
ইন্দিয়া অসি হান্ননা মীয়ামগী ওইবা হকশেলগী মরমদা মালেম পুম্বদা মকোক চিংদুনা লাকই, অমসুং তঙাইফদবা কয়া অমদা পুন্না তৌমিন্নবা হোৎনদুনা লাক্লি, রিসর্স এজেন্দা শেমদুনা থম্লি।
ঐখোয়গী বেক্সিন মাইত্রীগী অখন্নবা খোঙথাং হায়বদি বেক্সিন মরুপ হায়বা অসি হৌদোক্তুনা মতম কুইনদগী লৈরক্লবা “বাসুধাইবা কুতুমবাকম” মালেম অসি ইমুং অমা হায়বনি হায়বা অসিনা পুদুনা চৎলি।
মালেম অসিনা ‘ক্রাইসিস ওফ কনফিদেন্স’ অসি লায়ওং অমসুং বেক্সিনগী অৱাৎপা লৈবা অসিদা প্রধান মন্ত্রী মোদীজিনা হায়রি মদুদি ইন্দিয়াগী পোত্থোক পুথোক অসিনা ভাইরস অসি থেংনবাদা মতেং ওইগনি। প্রধান মন্ত্রী মোদীজিনা লুচিংবা ইন্দিয়া অসিগী মীওইবগী লোনচৎ অমসুং চেখশিন থৌরাং অসি মালেম পুম্বনা থাগৎপা ফোংদোক্লি। মসিনা তাকপদি ইন্দিয়া অসি সান্তি পাম্বা, চেকশিন থৌরাং, মতেং পীনবা অমসুং নুঙাই য়াইফবা অসিনি।
মরুপশিং,
লায়চৎ অসিনা ঐখোয়দা তম্বিরি মদুদি অসিগুম্বা হকশেলগী ওইবা অথু অকাই ওইবা অসি অমগা অমগা মতেং পীনবা মথৌ তাই। শেংনা হায়রবদা, খ্বায়দগী মরুওইবা অসি লৈবাক অমনা মখোয়গী ৱাখল্লোল পীনবা অসিনি।
ঐহাক্না অদোম পুম্ববু ৱার্কশোপ অসি শরুক য়াবগীদমক অমুক হন্না থাগৎপা ফোংদোকচরি অমসুং অমসুং মালেম পুম্বা খুৎশ্নবা অমসুং মতেং পীনবা অসিনা তুংদা অফবা কয়া অমা ওইরগনি।
থাগৎচরি অমসুং জয় হিন্দ।
****
(Release ID: 1699299)
Visitor Counter : 161