ভারত সরকারনা তোঙান তোঙানবা সেক্তরশিংদা পীরিবা পি.এল.আই.গী তোপ-তোপ্পা ইন্সেন্তিব অসিগী মখাদা মন্ত্রী-মন্দলনা ঙসি তেলিকোম অমসুং নেৎৱার্কিং প্রদক্তশিংগী প্রদক্সন লিঙ্ক ইন্সেন্তিব (পি.এল.আই.) স্কীম অয়াবা পীখ্রে।

কোবিদ লাইচৎ কন্না শন্দোরক্লিঙৈ মনুং, ২০২০গী এপ্রিলদা মোবাইল অমসুং কম্পোনেন্ত মেন্যুফেকচরিংগা মরী লৈনবা পি.এল.আই. শীংথানিংঙাই ওইনা মাই পাকখিবা অসিগা ইরোইননা অয়াবা অসি পীখিবনি। ২০২০গী জুলাই ৩১দা এপ্লাই তৌবগী অরোইবা তাং ওইখ্রবসু মসিদা চাউনা মাই পাকপা ওইখি। মালেমগী মরু ওইবা মোবাইল কম্পোনেন্ত শারিবশিংনা ইনবেস্তমেন্তশিং তৌদুউনা, এক্সপোর্তশিং হৌদুনা অমসুং ভারত মচা লিশিং কয়াদা থবকশিং পীদুনা ভারত্তা মখোয়গী শক্তি অদু হেনগৎহল্লগনি।

কোর ত্রান্সমিসন ইক্বিপমেন্ত, ৪জি/৫জি. নেক্স জেনরেসন রেদিও এক্সেসনেৎৱার্ক অমসুং ৱায়রলেস ইক্বিপমেন্ত, এক্সেস অমসুং কস্তমর প্রেমিসেস ইক্বিপমেন্ত (সি.পি.ই.), ইন্তর্নেৎ ওফ থিংস (আই.ও.তি.) এক্সেস দিভাইসশিং, অতোপ্পা ৱায়রলেস ইক্বিপমেন্ত অমসুং স্বিৎচশিং, রুতরশিং অসিনচিংবা ইন্তর্প্রাইস য়াওনা তেলিকোম ইক্বিপমেন্ত শান্নবা ভারত অসি মালেমগী হব অমা ওইহন্নবা ঙসি মন্ত্রী-মন্দলগী মীফমনা আত্মানির্ভর ভারতকী অতোপ্পা হিরম অসিগী মতাংদসু ৱারেপ লৌখ্রে।  

১. স্কীম অসি মেন্যুফেচর্রশিং, ইন্দস্ত্রীগী লুচিংবশিং অমসুং এসোসিএসনশিংগী স্তেকহোল্দরশিংগা   লোইননা কুপ্না খন্নরবা মতুংদা ৱারেপ লৌখিবনি।

২. স্কীম অসিগী মপুং ওইবা পান্দমদি লুপা করোর লিশিং ৫০ হেনবগী তেলিকোম ইম্পোর্ত চাউনা তৌরিবা অসি হন্থহনদুনা দোমেস্তিক মার্কেৎশিং অমসুং এক্সপোর্ত অনিমক্তা “মেক ইন ইন্দিয়া” প্রদক্তশিং শিজিন্নহনবা অসিনি।

৩. স্কীম অসিগী মপুং ওইবা ফীচরশিং মখাদা পীরি: -

1. 1. স্কীম অসিগী আউৎলে অসি চহি মঙাগী মতমগী ওইনা লুপা করোর ১২,১৯৫নি।
   2. স্কীম অসিগী ইলিজিবিল ওইনবা অপুনবা ইনক্রিমেন্তেল ইনবেস্তমেন্ত অমসুং মেন্যুফেকচর তৌরবা গুদশিংগী তেক্সশিংগী নেৎ অদুগী অপুনবা ইনক্রিমেন্তেল সেল্সকী মিনিমম থ্রেসহোল্দ য়ৌবা ওইগদবনি।
   3. শেনবা চহি ২০১৯-২০ অসি মেন্যুফেকচর তৌরবা গুদশিংগী তেক্সশিংগী নেৎ অদুগী অপুনবা ইনক্রিমেন্তেল সেল্স হোৎপদা বেজ ইয়র ওইনা লৌগদবনি।
   4. ইন্সেন্তিব স্ত্রকচর অদু মখাদা পীরিবা অসি ওইগনি: -

৪.

1. 5. এম.এস.এম.ই.শিংগী ওইনদি অহানবা, অনিশুবা অমসুং অহুমশুবা চহিদা ইন্সেন্তিব চাদা অমা (১%) হেন্না প্রপোজ তৌখি।
   6. এম.এস.এম.ই.গী ওইনদি মিনিমম ইনবেস্তমেন্ত থ্রেসহোল্দ অসি লুপা করোর ১০ ওইহনখ্রে অমসুং অতোপ্পাশিংগীনা লুপা করোর ১০০ ওইহনখ্রে।
   7. ক্বালিফাইদ ওইরবদি ইনবেস্তর অদু মখোয়গী শিজিন্নদবা কেপাসিতী অদু শিজিন্নবা ঙমহন্নবা মিনিমম ইনবেস্তমেন্ত থ্রেসহোল্দ অদু শরুক ২০ ফাওবা ইন্সেন্তিভাইজ তৌগনি।
   8. স্কীম অসি ২০২১গী এপ্রিল ১দগী চৎনবা হৌগনি।

৫. সরকারনা এম.এস.এম.ই.শিংবু তেলিকোম সেক্তরদা মরু ওইবা থৌদাং লৌহনবা অমদি নেস্নেল চেম্পিয়ন ওইহনবা পাম্বনা মরম ওইরগা স্কীম অসিনা এম.এস.এম.ই. কেতগোরীদা লোকেল মেন্যুফেকচরিং থৌগৎকনি।

৬. স্কীম অসিনা চহি ৫গী মনুংদা লুপা করোর লাখ ২রোমগী এক্সপোর্তশিং তৌহনবগা লোইননা লুপা লাখ ২.৪রোমগী ইনক্রিমেন্তেল প্রদক্সন লৈহনগনি। স্কীম অসিনা লুপা করোর ৩,০০০গী ইনবেস্তমেন্ত লাকহনগনি অমসুং হকথেংননা অমদি নকোইননা থবক অমসুং তেক্স অনিমক্তা চাউনা কান্নবা পীরগনি হায়না পানরি।

****