২০২৪ ফাওবগী মনুংদা খুঙ্গংগী য়ুমথোং খুদিংদা তোতিগী ঈশিং ফংহন্নবা পান্দমগা লোইননা ২০১৯গী ওগস্ত ১৫দা প্রধান মন্ত্রী শ্রী নরেন্দ্র মোদীনা লাওথোকখিবা জল জীবন মিসন অসিনা খুঙ্গংগী য়ুমথোং কোতি ৩.৫৩দা তোতিগী ঈশিং ফংহন্দুনা অনৌবা থাক অমা য়ৌবা ঙমখ্রে৷ ২০১৯গী ওগস্ত ১৫ ফাওবদা খুঙ্গংগী য়ুমথোং কোতি ১৮.৯৩গী মনুংদা কোতি ৩.২৩ (১৭%) তোতিগী ঈশিং শমখ্রে৷ রাজ্যশিং/য়ু.তি.শিং অসিনা লেপ্পা লৈতনা হোৎনবা অসিনা জল জীবন মিসননা তোতিগী ঈশিং কোতি ৩.৫৩ শমহনবদা মতেং পাংবা ঙম্লিবনি৷ মখাতানা জিলা ৫২ অমসুং খুঙ্গং লিশিং ৭৭তা লৈরিবা ইমুং খুদিংমক্না মখোয় মখোয়গী ময়ুমদা তোতিগী ঈশিং ফংলগনি৷ হৌজিক্তি কোতি ৬.৭৬ (৩৫.২৪%) হায়বদি খুঙ্গংদা লৈরিবা ইমুংশিং অসিগী ১/৩ হেন্না তোতিগী খুৎথাংদা অফবা থকপা য়াবা ঈশিং ফংলগনি৷ তেলঙ্গনানা মতুং ইন্দুনা গোৱা রাজ্য অসি লৈবাক অসিদা লৈরিবা রাজ্যশিংগী মনুংদা ১০০% মপুং ফানা তোতিগী ঈশিং শমহনবা ঙম্বা অহানবা রাজ্য ওইরে৷ রাজ্যশিং/য়ু.তি.শিং অসি অমগা অমগা অথোই-অহেন তানদুনা চৎলি অমসুং লৈবাক অসিদা লৈরিবা য়ুমথোং খুদিংদা অফবা তোতিগী ঈশিং ফংহন্নবা পান্দম থম্লি৷

অফবা থকপা য়াবা ঈশিং মরাং কাইনা, চাং নাইনা অমসুং মতম কুইবা মওং অমদা ফংহন্নবা পান্দমদা রাজ্যশিং অসিগা খুৎশম্নদুনা জল জীবন মিসন অসিনা হোৎনরি৷ ‘বত্তম-অপ এপ্রোচ’ অসি মতুং ইন্দুনা রাজ্যশিং/য়ু.তি.শিং অসিনা এক্সতেন্সিব প্লানিং এক্সর্সাইজ পাংথোক্লি৷ মসিগী মতুং ইন্না খুঙ্গংগী য়ুমথোং খুদিংদা তোতিগী ঈশিং ফংহন্নবা মখোয়না এক্সন প্লান লৌখৎখ্রে৷ এক্সন প্লান অসি চৎনরদুনা রাজ্যশিংনা ঈশিংগী ফিভম কা হেন্না শোক্লবা মফমশিং, ইকং য়াম্না তোইনা থোকপা মফমশিং অমসুং দেজার্তকী মফমশিং, সেদ্যুল কাস্ত/সেদ্যুল ত্রাইবনা হেন্না খুন্দারিবা মফমশিং, এস্পিরেস্নেল জিলাশিং অমসুং সন্সদ অদার্শ গ্রাম য়োজনা খুঙ্গংশিং অসিদনা হেন্না খুদোংচাবা পীরি৷

ঈশিংগী ফিভম কা হেন্না শোক্লবা মফমশিং অসিদা অফবা থকপা য়াবা ঈশিং ফংহনবা অসিনা জল জীবন মিসন অসিগী খ্বাইদগী ইহান হান্না তৌদ্রবা য়াদ্রবা থবক্নি৷ মরু ওইনা আর্সিনিক অমসুং ফ্লোরাইদনা শোকহল্লিবা খুঙ্গংগী মফমশিং অসিদা অফবা তেক্তা কাইদবা থকপা য়াবা ঈশিং ফংহন্নবা য়াম্না কন্না হোৎনরি৷ জে.জে.এম.না অফবা থকপা য়াবা ঈশিং ফংহনবদা হেন্না মীৎয়েং থম্লি অমসুং মসিনা ঈশিংদগী থোকপা লাইনাশিং হন্থহল্লগনি অমসুং মীয়ামশিং অসিগী হকশেলগী ফিভম অসি ফহল্লগনি৷ রাজ্যশিং/য়ু.তি.শিং অসিনা ঈশিংগী ক্বালিতী তেস্ত তৌনবা লেবোরেতরীশিং অপগ্রেদ তৌরি অমসুং মখোয় মখোয়গী ঈশিং অদু নোমিনেল রেততা তেস্ত তৌহন্দুনা মীয়ামশিং অসিদা লেবোরেতরীশিং অদু হাংথোকই৷

                                                                                  *****