ফুদ প্রোসেসিং ইন্দস্ত্রীজকী রাজ্য মন্ত্রী শ্রী রামেস্বর তেলীনা ঙসি ফুদ প্রোসেসিং ইন্দস্ত্রীজ মন্ত্রালয়গা অসাম সরকারগা চুংশিন্নদুনা অসামগী গুৱাহাতিদা পাঙথোকখিবা ফুদ প্রোসেসিংগী ওইবা স্তেকহোল্দরশিংগী মীফমদা শরুক য়াখ্রে।

শ্রী রামেস্বরনা মহাক্কী ৱারোলদা ফুদ প্রোসেসিং ইন্দস্ত্রীজ মন্ত্রালয়না ভারত সরকারগী পোলিসীগী মতুং ইন্না অমসুং সেক্তর অসিগী প্রাইওরিতীশিংগা লোইননা অৱাং নোংপোক থংবা লমদমদা ফুদ প্রোসেসিং সেক্তর চাউখৎহন্নবা মাগী স্কীমশিং অমসুং প্রোগ্রামশিং ইমপ্লিমেন্ত তৌনবা মাগী বজেৎকী ১০% এল্লোকেৎ তৌখি হায়না ফোঙদোকখ্রে।

মন্ত্রীনা হায় ঙসি ফাওবদা লুপা করোর ২০০রোম চংবা প্রোজেক্ত অমগা লোইননা ফুদ প্রোসেসিং য়ুনিৎ ১৫ চল্লাইরি। মহাক্না মখা তারদুনা হায় লুপা করোর ৬০রোমগী এগ্রো প্রোসেসিং ক্লস্তর প্রোজেক্তশিং অসামদা সেঙ্কসন তৌখ্রে অমসুং হায়রিবা শেনফম অসিগা চপ মান্নবা এ.পি.সি. প্রোজেক্ত সেঙ্কসন তৌনবা পাইপলাইনদা লৈরি। মহাক্না হায় অসামগী নালবারীদা লৈবা মেগা ফুদ পার্ক্কী খুত্থাংদা লমদম অসিগী শেন্মীৎলোন অমসুং থবক্কী খুদোংচাবশিং হেনগৎহনখ্রে।

শ্রী তেলীনা মখা তারদুনা হায় এম.ও.এফ.পি.আই.গী মরু ওইবা স্কীম অমা ওইরিবা প্রধান মন্ত্রী কিসন সম্পদা য়োজনা (পি.এম.কে.এস.ৱাই.)গী মখাদা সবসিদী ৱাংবা রেৎতা অমসুং অতোপ্পা কোমথোকপা কয়াগা লোইননা অৱাং নোংপোক রাজ্যশিংদা অখন্নবা কান্নবশিং ফংহনখ্রে। খুদম ওইনা, অৱাং নোংপোক লমদমগী সবসিদীগী রেৎ অসি জেনরেল এরিয়াদা ৩৫%দগী ৫০% ওইখিবা অদুগা চাংদম্নবদা ৫০%দগী ৭৫% ফাওবা ওইখি। হৌজিক্কী ওইনা প্রোজেক্ত ২৮ অসামদা পি.এম.কে.এস.ৱাই.গী মখাদা সেঙ্কসন তৌখ্রে মসিগী মনুংদা ৭তি চল্লাইখ্রে। এম.ও.এস.না হায় ক্রিশি উরান য়োজনা অসি এন.ই.আর. য়েংলগা অখন্ননা দিজাইন তৌখি।

মন্ত্রীনা হায় এন.ই.আর.দা অয়াম্বনা ফুদ প্রোসেসিং য়ুনিৎশিং লিংখৎপগী মতাংদা অচুম্বা গাইদলাইনশিং লৈতে। সমস্যা অসি কোকহন্নবা এম.ও.এফ.পি.আই.দা প্রোজেক্ত দিবেলপমেন্ত সেল অমা শেমখ্রে মসিনা কাউসেলিং পাম্বা ওন্তোপ্রিনোরদা অমসুং দি.পি.আর. শেম্বদা মতেং ফংহল্লি।

শ্রী রামেস্বর তেলীনা অসাম সরকারদা মীয়ামদা পি.এম.কে.এস.ৱাই. অমসুং পি.এম.এফ.এম.ই. ফংহন্নবা হায়খ্রে। মহাক্না হায় ফুদ প্রোসেসিং সেক্তর চাউখৎহনবগী খুত্থাংদা লৌমীশিংনা মখোয়গী পোত্থোক অদুগী মতিক চাবা মমল ফংগনি, পোস্ত-হর্বেস্ত ৱেস্ত হন্থহনগনি অমসুং ইনবেস্তমেন্ত অমসুং থবক্কী অনৌবা খুদোংচাবশিং ফংহনগনি হায়না মহাক্না আশা তৌখ্রে।

****