বঙ্গলাদেশ নেভী জহাজ প্রোত্তোইনা ২০২১গী ফেব্রুৱারীগী ১৪দগী ১৫ ফাওবা মুম্বাইদা নুমিৎ নিনিগী লাকখ্রে। জহাজ অসি কেপ্তেন অহমদ অমিন আব্দুলাহনা ক্রিয়ু পর্সোনেল ১৩৭ কা লোয়ননা লুচিংদুনা মুম্বাই পোর্ত থর্সতা য়ৌরকখি।
কোবিদ-১৯না মরম্না অথিংবা লৈখিবনা, নুংতিগী চৎপা, মীয়াম পুনবা, অমগা অমগী চৎথোক-চৎশিন তৌবা অমসুং শান্ন-খোৎনবগী য়াৎতুনা থমখিবা পুম্বা অথিংবা লৈখিবনি।

বি.এন.এস. প্রোত্তোইনা মুম্বাইদা লাক্লিবা অসি হন্দক্তা বঙ্গলাদেশকী চহি ৫০শুবা ইন্দিপেন্দেন্সকী থৌরম পাংথোকখিবা অসিগী মশক থোকপা তুংইনবনি।  থৌরম অসিগী নিংশিং থৌরম পাংথোক্নবা অহানবা ওইনা বঙ্গলাদেশতগী মার্চিং কন্তিজেন্ত অমসুং মিলিতরী বেন্দ অমা ইন্দিয়াগী রিপব্লিক নুমিৎ পেরেদতা শরুক য়াখি। বঙ্গলাদেশ অসি হেক শেম্লকপদগী ইন্দিয়া অমসুং বঙ্গলাদেশ অনিমক্না লালোং অমসুং দিফেন্সকী মরী কয়া অমা কাইহন্দনা থমদুনা লাক্লি অমসুং মসিগী মরী অসি লৈবাক অনি অসিদা থাজবা হেনগৎলক্লি।

-----