ঙসি ন্যু দিল্লীগী দবল্যু.ঐচ.ও.-এস.ই.এ.আর.ও.তা ভারতকা শহি পীনবগী থৌরম পাংথোকখ্রে অমসুং অয়ুশ এক্সপর্ত অমা দবল্যু.ঐচ.ও.গী রিজনেল ত্রেদিস্নেল মেদিসিন প্রোগ্রামদা থানবগীদমক ভারত সরকারগী অয়ুশ মন্ত্রালয় অমসুং ৱাল্দ হেল্থ ওর্গনাইজেসন সাউথ ইস্ত রিজনেল ওফিস(দবল্যু.ঐচ.ও. এস.ই.এ.আর.ও.)কা লেত্তর ওফ একচেঞ্জ(এল.ও.ই) অমা ন্যু দিল্লীদা শহি পীনখ্রে৷

ভারত সরকারগী অয়ুশ মন্ত্রালয়গী সেক্রেতরী বাইদ্য রাজেশ কোতিচা অমসুং দবল্যু.ঐচ.ও. সাউথ-ইস্ত এসিয়াগী রিজনেল দাইরেক্তর দা. পূনন খেত্রিপাল সিংহনা য়ানা ৱারোল অদু শহি পীনখি৷

অয়ুর্বেদ য়াওনা ত্রেদিস্নেল মেদিসিন সর্ভিস অসি সেফ ওইনা অমসুং ইফেক্তিব ওইনা শিজিন্ননবা অমসুং নেস্নেল হেল্থ কেয়র সিস্তেমশিং অসিদা মেদিসিনগী অতোপ্পা ইন্দিয়ন ত্রেদিস্নেল সিস্তেমশিং হাপচিন্নবা দবল্যু.ঐচ.ও. এস.ই.এ.আর.না চৎনরিবা রিজনেল ত্রেদিস্নেল মেদিসিন এক্সন প্লান অদু সপোর্ত তৌনবা খোঙথাং কয়া অমা লৌখৎখ্রে৷ হিদাক লাংথক্কী হিরমদা এস.ই.এ.আর. লৈবাকশিং অসিগী কেপাসিতী অসি হেনগৎনবা হোৎনরগনি৷

মসিগী পার্তনরশিপ অসি ত্রেদিস্নেল মেদিসিনগী থৌদাং অসি হেন্না মপাঙ্গল লৈহন্নবা পোলিসীশিং শেমগৎনবা অমসুং এক্সন প্লানশিং চৎননবা সাউথ-ইস্ত এসিয়া রিজনদা লৈরিবা লৈবাকশিং অসিদা মতেং পাংনবা দবল্যু.ঐচ.ও. অমসুং অয়ুশ মন্ত্রালয় অসিগী জোইন্ত ইফ্রতশিং ওইররগনি৷

পার্তনরশিপ অসি হৌদোকপগী থৌরম অসিদা দবল্যু.ঐচ.ও. সাউথ ইস্ত এসিয়া রিজনেলগী দাইরেক্তর দা. পুনম খেক্রিপাল সিংহনা অসুম্না ফোংদোকখ্রে, ‘ফ্রেন্দলী কোওপরেসন অমদা মুচুয়েল রেস্পেন্সিবিলিতীশিং অসি মপুং ফাহন্নবা ১৯৫২গী জুলাই ১৬তা দবল্যু.ঐচ.ও. অমসুং ভারত সরকার অনি অসিগী মরক্তা য়ানখিবা বেসিক এগ্রিমেন্ত অদুদগী হৌদুনা চহী খুজিং কয়া অমা পার্তী অনি অসিগী মরক্তা অচেৎপা কোলাবোরেসন তৌদুনা লাক্লি৷ ঙসিগী য়ানা ৱারোল অসিনা ত্রেদিস্নেল মেদিসিনগী হিরমদালৈরিবা মসিগী কোওপরেসন অসি মখাতানা চৎথরগনি৷’

থৌরম অসিদা অয়ুর্বেদ, য়োগ অমসুং মেদিসিনগী অতোপ্পা ইন্দিয়ন ত্রেদিস্নেল সিস্তেম(অয়ুশ)গী ফিল্দদা অয়ুশ মন্ত্রালয়না মাংজৌননা দবল্যু.ঐচ.ও.গা তোঙান তোঙানবা মওংদা পুন্না চৎমিন্নখ্রে অমসুং হায়রিবা ইন্দিয়ন সিস্তেমশিং অসি সাউথ-ইস্ত এসিয়ন লৈবাকশিং, অফ্রিকান লৈবাকশিং, য়ুরোপিয়ন লৈবাকশিং, লেতিন অমেরিকাদা হেন্না হেন্না মমিং চৎলক্লি অমসুং মেদিসিনেল সিস্তেম ওইনা শিজিন্নরি হায়না ভারত সরকারগী অয়ুশ মন্ত্রালয়গী সেক্রেতরী বাইদ্য রাজেশ কোতিচানা ফোংদোকখ্রে৷

পার্তনরশিপ অসিগী মেজর আউতকম অমা ওইনা মরী লৈনবা লৈবাকশিং অসিদা মেদিসিনগী ত্রেদিস্নেল সিস্তেমশিং অসি চৎনবদা, পুনশিনবদা অমসুং হেন্না য়োকখৎপদা এস.ই.এ.আর.(রিজন)গী মেম্বর স্তেতশিং অসিনা থেংনরিবা তোঙান তোঙানবা চেলেঞ্জশিং অসি খন্দোক্নবা দবল্যু.ঐচ.ও. অমসুং অয়ুশ মন্ত্রালয়না হোৎনরগনি৷ মখাতানা কম্ম্যুনিতী অসিদা তি.এম. অসিগী মতাংদা লৈরিবা ই-পাউ অসি খঙহন্নবা, পব্লিক হেল্থদা তি.এম. অসি হাপচিন্নবগীদমক পাংথোক্লিবা থবক থৌরমশিং/ই-পাউশিং এগচে়ঞ্জ তৌননবা, রিগুলেসন ফ্রেমৱার্ক/চান্নবা পোলিসী শেমগৎনবা অয়ুশ মন্ত্রালয় অমসুং দবল্যু.ঐচ.ও.না মেম্বর স্তেতশিং অসিদা মতেং পাংলগনি হায়না অয়ুশ সেক্রেতরীনা ফোংদোকখ্রে৷

থৌরম অসিদা কোবিদকী মতাংদা পব্লিক হেল্থ রিসর্চ প্রোজেক্ত অমা লোঞ্চ তৌনবা ভারত সরকারগী অয়ুশ মন্ত্রালয় অমসুং দবল্যু.ঐচ.ও. এস.ই.এ.আর. ওফিসনসু য়ানখ্রে৷ প্রোজেক্ত অসি অয়ুশ মন্ত্রালয় অমসুং দবল্যু.ঐচ.ও. এস.ই.এ.আর.ওনা পু্ন্না সপোর্ত তৌই৷

                                                                                       *******