ਆਯੂਸ਼
ਭਾਰਤ ਸਰਕਾਰ ਦੇ ਆਯੂਸ਼ ਮੰਤਰਾਲੇ ਅਤੇ ਰਵਾਇਤੀ ਚਕਿਤਸਾ ਖ਼ੇਤਰ ਦੇ ਸਹਿਯੋਗੀਆਂ ਵਿਚਾਲੇ ਵਟਾਂਦਰਾ ਪੱਤਰ ਹਸਤਾਖਰੀ ਸਮਾਗਮ
Posted On:
15 FEB 2021 5:42PM by PIB Chandigarh
ਭਾਰਤ ਸਰਕਾਰ ਦੇ ਆਯੂਸ਼ ਮੰਤਰਾਲੇ ਅਤੇ ਵਿਸ਼ਵ ਸਿਹਤ ਸੰਗਠਨ ਦੇ ਦੱਖਣੀ ਪੂਰਬੀ ਖੇਤਰੀ ਦਫਤਰ (ਡਬਲਯੂਐਚਓ ਸੀਰੋ) ਨੇ ਡਬਲਯੂਐਚਓ-ਸੀਰੋ ਵਲੋਂ ਨਵੀਂ ਦਿੱਲੀ, ਭਾਰਤ ਵਿੱਚ ਕਰਵਾਏ ਗਏ ਵਿਸ਼ਵ ਸਿਹਤ ਸੰਗਠਨ ਦੇ ਖੇਤਰੀ ਰਵਾਇਤੀ ਚਕਿਤਸਾ ਪ੍ਰੋਗਰਾਮ ਲਈ ਇੱਕ ਆਯੂਸ਼ ਮਾਹਰ ਦੀ ਅਸਥਾਈ ਨਿਯੁਕਤੀ / ਡੈਪੂਟੇਸ਼ਨ ਲਈ ਵਟਾਂਦਰਾ ਪੱਤਰ (ਐਲਓਈ) ਉੱਤੇ ਹਸਤਾਖਰ ਕੀਤੇ।
ਭਾਰਤ ਸਰਕਾਰ ਦੇ ਆਯੂਸ਼ ਮੰਤਰਾਲੇ ਦੇ ਸਕੱਤਰ ਵੈਦ ਰਾਜੇਸ਼ ਕੋਟੇਚਾ ਅਤੇ ਡਬਲਯੂਐਚਓ ਦੇ ਦੱਖਣੀ-ਪੂਰਬੀ ਏਸ਼ੀਆ ਖੇਤਰ ਦੇ ਖੇਤਰੀ ਡਾਇਰੈਕਟਰ ਡਾ. ਪੂਨਮ ਖੇਤਰਪਾਲ ਸਿੰਘ ਨੇ ਇਸ ਸਮਝੌਤੇ 'ਤੇ ਦਸਤਖਤ ਕੀਤੇ।
ਖੇਤਰੀ ਰਵਾਇਤੀ ਚਕਿਤਸਾ ਐਕਸ਼ਨ ਪਲਾਨ ਨੂੰ ਲਾਗੂ ਕਰਨ ਲਈ ਡਬਲਯੂਐਚਓ ਸੀਰੋ ਦੀ ਸਹਾਇਤਾ ਲਈ ਪਹਿਲ ਕੀਤੀ ਗਈ ਹੈ, ਖਾਸ ਤੌਰ 'ਤੇ ਆਯੁਰਵੇਦ ਅਤੇ ਹੋਰ ਭਾਰਤੀ ਰਵਾਇਤੀ ਚਕਿਤਸਾ ਪ੍ਰਣਾਲੀਆਂ ਅਤੇ ਰਾਸ਼ਟਰੀ ਸਿਹਤ ਸੰਭਾਲ ਪ੍ਰਣਾਲੀਆਂ ਵਿੱਚ ਇਸ ਦੇ ਢੁਕਵੇਂ ਤਾਲਮੇਲ ਸਮੇਤ ਰਵਾਇਤੀ ਚਕਿਤਸਾ ਸੇਵਾ ਦੀ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਵਰਤੋਂ 'ਤੇ ਜ਼ੋਰ ਦਿੱਤਾ ਗਿਆ ਹੈ। ਰਵਾਇਤੀ ਦਵਾਈ ਦੇ ਖੇਤਰ ਵਿੱਚ ਦੱਖਣ-ਪੂਰਬੀ ਏਸ਼ੀਆਈ ਦੇਸ਼ਾਂ ਦੀਆਂ ਸਮਰੱਥਾਵਾਂ ਨੂੰ ਮਜ਼ਬੂਤ ਕਰਨ ਦੇ ਯਤਨ ਵੀ ਕੀਤੇ ਜਾਣਗੇ।
ਇਹ ਭਾਈਵਾਲੀ ਦੱਖਣ-ਪੂਰਬੀ ਏਸ਼ੀਆ ਖੇਤਰ ਦੇ ਦੇਸ਼ਾਂ ਨੂੰ ਨੀਤੀਆਂ ਵਿਕਸਤ ਕਰਨ ਅਤੇ ਰਵਾਇਤੀ ਚਕਿਤਸਾ ਦੀ ਭੂਮਿਕਾ ਨੂੰ ਮਜ਼ਬੂਤ ਕਰਨ ਲਈ ਕਾਰਜ ਯੋਜਨਾਵਾਂ ਨੂੰ ਲਾਗੂ ਕਰਨ ਵਿੱਚ ਸਹਾਇਤਾ ਕਰਨ ਲਈ ਆਯੂਸ਼ ਅਤੇ ਸਿਹਤ ਸੰਗਠਨ ਦੇ ਸਾਂਝੇ ਯਤਨਾਂ ਦੀ ਵੀ ਹੋਵੇਗੀ।
ਇਸ ਸਾਂਝੇਦਾਰੀ ਦੀ ਸ਼ੁਰੂਆਤ ਦੇ ਸਮਾਰੋਹ ਵਿੱਚ, ਡਬਲਯੂਐਚਓ ਦੱਖਣ ਪੂਰਬੀ ਏਸ਼ੀਆ ਦੇ ਖੇਤਰੀ ਨਿਦੇਸ਼ਕ ਡਾ. ਪੂਨਮ ਖੇਤਰਪਾਲ ਸਿੰਘ ਨੇ ਕਿਹਾ, 'ਡਬਲਯੂਐਚਓ ਅਤੇ ਭਾਰਤ ਸਰਕਾਰ ਦਾ ਨੇੜਲਾ ਸਹਿਯੋਗ ਕਈ ਦਹਾਕਿਆਂ ਤੋਂ ਚੱਲ ਰਿਹਾ ਹੈ, ਇਸ ਦੋਸਤਾਨਾ ਸਹਿਯੋਗ ਦੀ ਭਾਵਨਾ ਵਿੱਚ ਆਪਸੀ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਲਈ ਦੋਵੇਂ ਧਿਰਾਂ ਨੇ 16 ਜੁਲਾਈ,1952 ਨੂੰ ਬੁਨਿਆਦੀ ਸਮਝੌਤੇ 'ਤੇ ਹਸਤਾਖ਼ਰ ਕੀਤੇ ਸਨ। ਅੱਜ ਦਾ ਸਮਝੌਤਾ ਰਵਾਇਤੀ ਤੌਰ 'ਤੇ ਇਸ ਸਹਿਯੋਗ ਨੂੰ ਰਵਾਇਤੀ ਦਵਾਈ ਦੇ ਖੇਤਰ ਵਿੱਚ ਅੱਗੇ ਵਧਾਏਗਾ, ਜੋ ਵਿਸ਼ਵਵਿਆਪੀ ਸਿਹਤ ਦੇ ਦਾਇਰੇ ਨੂੰ ਪ੍ਰਾਪਤ ਕਰਨ ਲਈ ਸਾਡੀ ਸਾਂਝੀ ਖੋਜ ਵਿੱਚ ਇੱਕ ਮਹੱਤਵਪੂਰਣ ਸਾਧਨ ਹੈ। '
ਇਸ ਮੌਕੇ, ਆਯੂਸ਼ ਮੰਤਰਾਲੇ ਦੇ ਸਕੱਤਰ ਵੈਦ ਰਾਜੇਸ਼ ਕੋਟੇਚਾ ਨੇ ਕਿਹਾ ਕਿ ਆਯੁਰਵੈਦ, ਯੋਗ ਅਤੇ ਹੋਰ ਭਾਰਤੀ ਰਵਾਇਤੀ ਪ੍ਰਣਾਲੀਆਂ (ਆਯੂਸ਼) ਦੇ ਖੇਤਰ ਵਿੱਚ ਮੰਤਰਾਲੇ ਦੀ ਪਹਿਲਾਂ ਹੀ ਡਬਲਯੂਐਚਓ ਨਾਲ ਗੱਲਬਾਤ ਹੋਈ ਹੈ ਅਤੇ ਇਹ ਭਾਰਤੀ ਪ੍ਰਣਾਲੀਆਂ ਵਧੇਰੇ ਪ੍ਰਸਿੱਧ ਹੋ ਰਹੀਆਂ ਹਨ ਅਤੇ ਦੱਖਣ-ਪੂਰਬੀ ਏਸ਼ੀਆਈ ਦੇਸ਼, ਅਫਰੀਕੀ ਦੇਸ਼, ਯੂਰਪੀਅਨ ਦੇਸ਼, ਲਾਤੀਨੀ ਅਮਰੀਕਾ ਆਦਿ ਵਿੱਚ ਚਕਿਤਸਾ ਪ੍ਰਣਾਲੀ ਵਜੋਂ ਸਵੀਕਾਰੀਆਂ ਜਾ ਰਹੀਆਂ ਹਨ।
ਇਸ ਸਾਂਝੇਦਾਰੀ ਦੇ ਨਤੀਜੇ ਵਜੋਂ, ਆਯੂਸ਼ ਅਤੇ ਡਬਲਯੂਐਚਓ ਸਬੰਧਤ ਦੇਸ਼ਾਂ ਵਿੱਚ ਚਕਿਤਸਾ ਦੀਆਂ ਰਵਾਇਤੀ ਪ੍ਰਣਾਲੀਆਂ ਨੂੰ ਨਿਯਮਤ ਕਰਨ, ਏਕੀਕ੍ਰਿਤ ਕਰਨ ਅਤੇ ਅੱਗੇ ਵਧਾਉਣ ਵਿੱਚ ਦੱਖਣ-ਪੂਰਬੀ ਏਸ਼ੀਆਈ (ਖੇਤਰ) ਦੇਸ਼ਾਂ ਦੁਆਰਾ ਦਰਪੇਸ਼ ਵੱਖ-ਵੱਖ ਚੁਣੌਤੀਆਂ ਦੀ ਪਛਾਣ ਕਰਨ ਲਈ ਕੰਮ ਕਰੇਗਾ। ਇਸ ਤੋਂ ਇਲਾਵਾ, ਆਯੂਸ਼ ਅਤੇ ਵਿਸ਼ਵ ਸਿਹਤ ਸੰਗਠਨ, ਮੈਂਬਰ ਦੇਸ਼ਾਂ ਨੂੰ ਜਨਤਕ ਸਿਹਤ ਵਿੱਚ ਟੀਐੱਮ ਏਕੀਕਰਣ ਅਤੇ ਕਮਿਊਨਿਟੀ ਨੂੰ ਟੀਐੱਮ ਬਾਰੇ ਜਾਣਕਾਰੀ ਦੇ ਪ੍ਰਸਾਰ ਲਈ ਕੀਤੀ ਗਈ ਢੁਕਵੀਂ ਨੀਤੀ / ਨਿਯਮ ਦਾ ਢਾਂਚਾ ਵਿਕਸਿਤ ਕਰਨ ਵਿੱਚ ਸਹਾਇਤਾ ਕਰੇਗਾ।
ਇਸ ਮੌਕੇ ਸਰਕਾਰ ਭਾਰਤ ਦੇ ਆਯੂਸ਼ ਮੰਤਰਾਲੇ ਅਤੇ ਡਬਲਯੂਐਚਓ ਦੇ ਸੀਰੋ ਦਫਤਰ ਨੇ ਕੋਵਿਡ 'ਤੇ ਜਨਤਕ ਸਿਹਤ ਖੋਜ ਪ੍ਰਾਜੈਕਟ ਸ਼ੁਰੂ ਕਰਨ ਲਈ ਸਹਿਮਤੀ ਦਿੱਤੀ। ਇਹ ਪ੍ਰਾਜੈਕਟ ਨੂੰ ਵਿਸ਼ਵ ਪੱਧਰੀ ਸੰਗ੍ਰਹਿ ਅਤੇ ਆਯੂਸ਼ ਮੰਤਰਾਲੇ ਦੁਆਰਾ ਸਾਂਝੇ ਤੌਰ 'ਤੇ ਸਹਾਇਤਾ ਪ੍ਰਾਪਤ ਹੈ।
***
ਐਮਵੀ / ਐਸਜੇ
(Release ID: 1698299)
Visitor Counter : 139