রেলৱেজ, কম্মর্স অমসুং ইন্দস্ত্রী অমসুং কঞ্জুম্মর এফিয়রস, ফুদ অমসুং পব্লিক দিস্ত্রীব্যুসনগী য়ুনিয়ন মিনিস্তর শ্রী পিয়ুশ গোয়ালনা ভিদিও কনফরেন্সকী খুত্থাংদা মাউ-আনন্দ বিহার তর্মিনস্তগী চয়োলদা অনিরক চেনবা অখন্নবা ত্রেন অমা ঙসি লমথাখ্রে হায়রিবা থৌরম অসিদা অতৈ দিগিনতরিশিং য়াওখি।

থৌরম অসিদা ৱা ঙাংলদুনা, ইকাই খুম্নরবা শ্রী পিয়ুশ গোয়ালনা হায় মদুদি, “মসিগী মাউ অমদি আনন্দ বিহারগা অনৌবা ত্রেন শম্নবা অসিনা পুর্বনচলগী মীয়ামদা মতম কুইনদগী লৈরক্লবা অনিংবা অসি থুংলগনি। অনৌবা ত্রেনশিং অসিনা মফম অসিদা ইকোনোমী ফগৎহল্লগনি। প্রধান মন্ত্রী শ্রী নরেন্দ্র মোদীগী মখা হৌজিক লৈরিবা সরকার উত্তর প্রদেশ অসিদা পীরিবা রেলগী প্রোজেক্ত অসি ২০০৯-১৪পীখিবা অদুগা য়েংনবদা শরুক ১০ হেন্না পীরি। মসিনা উত্তর প্রদেশতা সরকার অসিনা ইনফ্রাস্ত্রকচর চাওখনবা হোৎনরি হায়বা অসি উৎলি”।

ত্রেন অসিনা মাউগা লৈবাক্কী কোনুংগা শম্নগনি অমসুং  পুর্বাচলগী মফমদা সোসিও-ইকোনোমিক্কী চাওখৎপা পুরক্কনি। মফম অসিগী ওইবা লোকেল ইন্দস্ত্রীশিং হেন্না ফবা শম্নবা অসিনা চাওখৎপা পুরক্লগনি।

ত্রেন ন. ০৫১৩৯ মাউ-আনন্দ বিহার তর্মিনস অসিনা মাউদগী লৈবাকপোকপা অমসুং ইরাই খুদিংগী পুং ২০.৫০ থাদোক্কনি অমসুং আনন্দ বিহার তর্মিনস্তা মথং নুমিৎকী পুং ১১.৩০দা থুংগনি।

ত্রেন ন. ০৫১৪০ আনন্দ বিহার-মাউ তর্মিনস অসিনা আনন্দ বিহারদগী য়ুমশাকৈশা অমসুং থাংজ খুদিংগী পুং ১৬:৪৫ থাদোক্কনি অমসুং মাউ তর্মিনস্তা মথং নুমিৎকী পুং ০৬:২০দা থুংগনি।

মসিগী ত্রেন অসি কোচেস অপুনবা এল.ঐচ.বি.২১নি। মসিনা ঔনরিহার, জাউনপুর, সুল্তানপুর, লখনৌ অমসুং কানপুরদা নাকন অনিমক্তগী খামফম লৈগনি।

ঙসিগী ওইনা মসিগী ত্রেন অসি “অখন্নবা ত্রেন হৌদোকপা” ওইনা চেনগনি।

*****