ভারত সরকারগী এপ্রুব তৌরবা পোৎলমশিং অমসুং কাংলোনশিংগী মতুং ইন্না রাজ্য সরকারশিংনা মখোয়গী শিজিন্ননবা হান্নদগী থম্লবা স্তেৎ দিজাস্তর রেস্পোন্স ফন্দ (এস.দি.আর.এফ.)তগী মহৌশাগী ওইবা খুদোংথিবশিং নকবা অসিদা তেংবাং পীনবা খোঙথাংশিং লৌখৎখি। ইস্তাব্লিশমেন্তগী লৈরিবা পথাপকী মতুং ইন্না নেস্নেল দিজাস্তর রেস্পোন্স ফন্দ (এন.দি.আর.এফ.)দগী অহেনবা তেংবাংসু পীখি। এস.দি.আর.এফ./এন.দি.আর.এফ.কী কাংলোনশিংগী মখাদা অয়াবা পীখুবা তেংবাং অসি রিলিফকী মওংদা ওইনা ফংহনখি।

পন্থা নত্তনা অইং-অশাগী ওইবা অহোংবা লাকপা অসি গৃহ মন্ত্রালয়না নোতিফাইদ তৌখিবা কেলামিতী অমা নত্তে। অদুম ওইনমক রাজ্য অদুগী লোকেল কন্তেক্সতকী মনুংদা ‘দিজাস্তরস’ অমনি হায়না লৌবা অমসুং ভারত সরকারগী গৃহ মন্ত্রালয়গী নোতিফাইদ তৌখিবা দিজাস্তরশিংগী লিস্ততা য়াওদবা অদুগুম্বা মহৌশাগী ওইবা খুদোংথিবা অদুগী অৱাবা নংলবা মীওইশিংদা খক্তকী ওইবা তেংবাং পীনবা এস.দি.আর.এফ.কী মখাদা লৈরিবা ফন্দশিংগী চাদা ১০ শিজিন্নবা য়াবগী শক্তি রাজ্য সরকারশিংদা পীখি। ০৮.০৪.২০১৫দা ভারত সরকারনা (গৃহ মন্ত্রালয়) থোকখিবা এস.দি.আর.এফ./এন.দি.আর.এফ.কী গাইদলাইনশিংগী মতুং ইন্না রাজ্যশিংনা চাদিং তৌবা য়াই।

ভারত সরকারনা মহৌশাগী ওইবা খুদোংথিবশিং থোরকপদগী, নোংজু নুংশাগী চৈথেংদগী মহৈ-মরোংদা অমাং-অতা থোকপদা শেলগী তেংবাং ফংহন্নবা অমসুং লৌমীশিংগী শেন্থোক লেপহনদনবা খারিফ ২০১৬দগী পোত্থোক্তা য়ুম্ফম ওইবা প্রধান মন্ত্রী ফসল বিমা য়োজনা (পি.এম.এফ.বি.ৱাই.) অমসুং নোংজু-নুংশাদা য়ুম্ফম ওইবা রিস্ত্রকচর্দ ৱেদর বেজ ক্রোপ ইন্সুরেন্স স্কীম (দবল্যু.বি.সি.আই.এস.) চৎনহনখি। মরু হুনবদগী হৌনা লোকবা ফাওবদা থোকপা অমাং-অতাশিং অদুগীদমক স্কীম অসিগী মখাদা কম্প্রিহেনসিব রিস্ক ইন্সুরেন্স ফংহনখি।

ৱাফম অসি লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী মন্ত্রী শ্রী নরেন্দ্র সিংহ তোমরনা রাজ্য সভাদা অইবা ওইনা পীবা পাউখুমদা ফোঙদোকখিবনি।

***