ভারতকী রাস্ত্রপতিনা ভারতকী সম্বিধানগী আর্তিকল ২১৭গী ক্লোস (১)না পীবা শক্তি শিজিন্নদুনা পঞ্জাব অমসুং হরিয়ানা হায় কোর্তকী জজ শ্রী জস্তিস পুলিগোরু বেঙ্কতা সঞ্জয় কুমারবু মনিপুর হায় কোর্তকী চীফ জস্তিস ওইনা এপোইন্ত তৌখ্রে। হিরম অসিদা লো অমসুং জস্তিস মন্ত্রালয়গী দিপার্তমেন্ত ওফ জস্তিসনা ঙরাং নোতিফিকেসন অমা থোকখিবনি। শ্রী জস্তিস পুলিগোরু বেঙ্কতা সঞ্জয় অসি ১৯৮৮কী অগস্ত ২৫দগী এদভোকেৎ ওইনা এনরোল তৌদুনা সিবিল কন্সতিত্যুসনেল অমসুং সর্ভিসেসকী হিরমশিংদা অন্ধ্র প্রদেশকী হায় কোর্ত্তা প্রেক্তিস তৌদুনা লাকখিবনি। মহাক অসি ২০০৮কী অগস্ত ৮দা অন্ধ্র প্রদেশ হায় কোর্ততা এদিস্নেল জজ ওইনা অমসুং ২০১০গী জনুআরী ২০দা পর্মিনেন্ত জজ এপোইন্ত তৌখি। মহাক অসি ১৪.১০.২০১৯দা পঞ্জাব অমসুং হরিয়ানা হায় কোর্ত্তা ত্রান্সফর তৌখি।

***