শেন-থুমগী মন্ত্রালয়গী দিপার্তমেন্ত ওফ এক্সপেন্দিচরনা থোকখিবা ৱান নেসন ৱান রেসন কার্দ সিস্তেম” রিফোর্ম মাই পাক্না পাঙথোকখিবা লৈবাক অসিগী ১৩শুবা রাজ্য পঞ্জাবনা ওইরে। অসুম্না রাজ্য অসিনা ওপন মার্কেৎ বোরোৱিংগী খুত্থাংদা লুপা করোর ১,৫১৬কী অহেনবা ফাইনান্সিএল রিসোর্সশিং শীজিন্নবগী ইলিজিবল ওইখ্রে। হায়রিবা অসিগী অয়াবা অসি দিপার্তমেন্ত ওফ এক্সপেন্দিচরনা পীখি।

হৌজিক পঞ্জাবনা হায়রিবা অহোংবা অসি পুরক্লবা অতোপ্পা রাজ্য ১২ মমিং ওইনা পল্লবদা অন্ধ্র প্রদেশ, গোৱা, গুজরাত, হরিয়ানা, কর্নাতকা, কেরলা, মধ্য প্রদেশ, তেলঙ্গনা, তামিল নাদু, ত্রিপুরা অমসুং উত্তর প্রদেশকী মরক্তা চল্লে‍। ৱান নেসন ৱান রেসন কার্দ সিস্তেমগী অহোংবা পুরক্লবা মতুংদা হায়রিবা স্তেত ১৩ অসিদা লুপা করোর ৩৪,৯৫৬কী অহেনবা শেন্ফম পুবগী অয়াবা দিপার্তমেন্ত ওফ এক্সপেন্দিচরনা পীখ্রে‍। রাজ্য রাজ্যগী অহেনবা শেন্ফম পুবগী অয়াবা পীখ্রবা শেম্ফম মখাদা পীরি‍:

ৱান নেসন ৱান রেসন কার্দ সিস্তেম অসি লৈবাক মীয়ামগী য়াইফনবা পায়খৎপা মরুওইবা রিফোর্ম অমনি‍। মসি পায়খৎপনা নেসনেল ফুদ সিক্যুরিতী এক্ত (এন.এফ.এস.এ.) অমসুং অতৈ য়াইফ থৌরাংশিংগী মখাদা খুদোংচাবা ফংলিবা মীওইশিং, মরুওইনা লংফৈ চত্তুনা থবক শুরিবা শিন্মীশিং অমদি মখোয়গী ইমুং মনুংশিংদা লৈবাক্কী মফম অমা হেক্তদা লৈবা ফেয়র প্রাইস সোপ অমা হেক্তদগী চেং হৱাই ফংহল্লি‍।

অহোংবা পুরক্লিবা অসিনা মরুওইনা লংফৈ চৎপা মীওইশিং অয়াম্বনা শিন্মী, নুংতিগী চরা তানবা মী, সহরগী মফমশিংদা ফত্ত হৌদি খুনবা মী, ময়ুম মকৈ লৈতবা মীওইশিং, ওর্গনাইজ অমসুং অনওর্গনাইজ সেক্তরদা মতম খরগী নেকপা শিন্মীশিং, য়ুমগী থবক ইন্খাঙ শুবা মীওইনচিংবা লৈফম তোয়না হোংবা মীওইশিংবু চাননবা চীঞ্জাক্তা মীপান তাংহন্দে‍। তেক্নোলোজীনা থৌবা অহোংবা অসিনা লংফৈবা লৈবা কান্নবা ফংলিবা মীওইশিংদা লৈবাক্ক মফম অমা হেক্তদা লৈবা মখোয়না পামবা ইলেক্ত্রোনিক পোইন্ত ওফ সেল (ই-পি.ও.এস.)কী খুদোংচাবা লৈবা ফেয়র প্রাইস সোপশিংদগী মখোয়গী ফংফম থোকপা চীঞ্জাক ফংহল্লি‍।

অহোংবা পুরক্লিবা অসিনা স্তেতশিংবুসু কান্নবা ফংলিবা মীওইশিং মওং তানা তার্গেত তৌবদা, শাজিন্নবা/হঞ্জিনবা/ফংফম থোক্তবা কার্দ হোল্দরশিং খন্দোক্পা ঙমহন্দুনা হেন্না নীংথিবা চাকথুং ফংহল্লি অমদি মাঙবা হন্থহল্লি‍। মখা তানা অপনবা লৈতনা রেসন কার্দ স্তেতশিংগী মরক্তা হোংদোক হোংজিন তৌবা য়াননবা রেসন কার্দ খুদিংমক আধার সীদিং তৌবগা লোয়ননা ফেয়র প্রাইস সোপশিংদা ইলেক্ত্রোনিক পোইন্ত ওফ সেল (ই-পি.ও.এস.) থমদুনা ওতোমেসন তৌরগা কান্নবা ফংগদৌরিবা মীওইশিংগী বাইওমেত্রিক ওথেন্তিফিকেসন তৌবা মথৌ তাই‍। মরম অসিনা স্তেতশিংগী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ০.২৫কী অহেনবা শেন্ফম পুবগী অয়াবা মখাদা পীরিবা থবকশিং অসি পায়খৎলবা মতমদতা পী:

(১) স্তেত অদুদা লৈরিবা রেসন কার্দ অমসুং কান্নবা ফংলিবা মীওই খুদিংমক্কী আধার সীদিং তৌবা

(২) স্তেত অদুদা লৈরিবা এফ.পি.এস. খুদিংমক ওতোমেসন তৌবা

কোবিদ-১৯ লাইচৎনা পীরিবা শীংনবশিং অসি থেংননবা রিসোর্সকী তঙাই ফদবা মখল কয়া অসি য়েংলগা ভারত সরকারনা মে ১৭, ২০২০দা রাজ্যশিংগী বোরোৱিং লিমিৎ অসি মখোয়গী গ্রোস স্তেৎস দোমেস্তিক প্রদক্ত (জি.এস.দি.পি.)কী চাদা ২দা হেনগৎহনখি। অখন্নবা কাইথোকপা অসিগী তঙ্খাইদি হায়বদি জি.এস.দি.পি.গী চাদা ১দি রাজ্যশিংনা প্রজাগী য়াইফনবা রিফোর্মশিং পাইখৎপগা লিঙ্ক তৌগনি। প্রজাগী য়াইফনবা রিফোর্মশিং পুরক্নবা খঙদোকখিবা লম মরি অদুদি (১) ৱান নেসন ৱান রেসন কার্দ সিস্তেম ইমপ্লিমেন্ত তৌবা, (২) ‌ইজ ওফ দুইং বিজিনেজ রিফোর্ম, (৩) অর্বান লোকেল বোদী/ য়ুতিলিতী রোফোর্মশিং ,অমসুং (৪) পাৱর সেক্তর রিফোর্মশিং।

হৌজিক ফাওবদা রাজ্য ১৭তা পীরিবা রিফোর্ম মরি অসিগী মনুংদা য়ামদ্রবদা অমদি পাঙথোকখএ অমসুং  রিফোর্মগা লিঙ্ক তৌবা বোরোৱিংগী অয়াবশিং পীখ্রে। মসিগী মনুংদা রাজ্য ১৩না ৱান নেসন ৱান রেসন কার্দ সিস্তেম ইমপ্লিমেন্ত তৌখ্রে, রাজ্য ১২না ‌ইজ ওফ দুইং বিজিনেজ রিফোর্মশিং চৎনহনখ্রে, অমসুং রাজ্য ৬না লোকেল বোদী রিফোর্মশিং পাঙথোকখ্রে অমসুং রাজ্য ২না পাৱর সেক্তরগী রিফোর্মশিং পাঙথোকখ্রে।  হৌজিক ফাওবদা রিফোর্মশিং পাঙথোকখ্রবা রাজ্যশিংদা অহেনবা বোরোৱিংগী অয়াবা পীখ্রবা শেনফম অসি পুন্না লুপা করোর ৭৬,৫১২ শুখ্রে।

****