কোবিদ-১৯ লাইনা-লাইচৎ লৈরবসু জে.জে.এম.গী মখাদা ফংলিবা প্রোগ্রেস অসি এম.পি. ১৮না থাগৎখ্রে; মখোয় মখোয়গী কন্সতিত্যুয়েন্সীশিং অসিদা অথুবা মতমদা চৎননবগীদমক সজেসনশিং পীখ্রে

জল শক্তিগী মন্ত্রী শ্রী গজেন্দ্র সিংহ সেখৱতকী লুচিং মখাদা ঙসি জল শক্তি মন্ত্রালয়গী কন্সল্তেতিব কম্মিতী মীফম অদু পাংথোকখ্রে৷ জল শক্তিগী রাজ্যগী মন্ত্রী শ্রী রতন লাল কতারিয়াসু শরুক য়াখি৷ মীফম অদুদা পার্লিয়ামেন্তগী মীহুৎ ১৮না জল শক্তি মিসনগী প্রোগ্রেস অদুগী মতাংদা পাংথোকপা খন্না নৈনবগী থৌরম অদুদা এক্তিব্লী শরুক য়াখি৷

প্রোগ্রেস অদুগী মতাংদা প্লানিং শেম্নবা, চৎননবা, য়েংশিন্নবা অমসুং রিপোর্তিং তৌনবগীদমক মোদর্ন ওনলাইন ‘জে.জে.এম.-ইন্তিগ্রেতেদ ইনফোর্মেসন মেনেজমেন্ত সিস্তেমশিং(আই.আই.এম.এস.)’ অমা শেমগৎখ্রে৷ মসিগী দেশবোর্দ অসি পব্লিক দোমেনদা থম্লগনি অমসুং নেস্নেল, রাজ্য/য়ু.তি., জিলা অমসুং খুঙ্গংগী থাক্তা ফংলিবা অপুনবা প্রোগ্রেস অদুগী মতাংদা মীওই অমনা য়েংবা য়ারগনি৷ হেন্না ত্রান্সপরেন্সী লৈহন্নবা অমসুং মোদর্ন ফন্দ মেনেজমেন্ত অসিগীদমক জে.জে.এম.গী মকাদা পব্লিক ফাইনান্স মেনেজমেন্ত সিস্তেম(পি.এফ.এম.এস.) শুংশোই শোইদনা শিজিন্নগদবনি৷

খুঙ্গংগী মফমশিং অসিদা লৈরিবা মীওইশিং অসিগী পুন্সি অসি হেন্না য়াইফনবা অমসুং য়াম্না লাইনা হিংবা য়ানবা ২০২৪ ফাওবগী মনুং অসিদা লৈবাক অসিদা লৈরিবা খুঙ্গংগী য়ুমথোং খুদিংদা তোতিগী ইশিং ফংহনবা হায়বা পান্দম অসিগা লোইননা রাজ্যশিং অসিগা খুৎশম্নদুনা চৎননবগীদমক ২০১৯গী ওগস্ত ১৫দা ইকাই খুম্নরবা প্রধান মন্ত্রীনা জল জীবন মিসন(জে.জে.এম.) অসি লাওথোকখি৷ ২০১৯গী ওগস্ত ১৫দা জে.জে.এম. অসি লাওথোরকপা মতমদা খুঙ্গংগী য়ুমথোং পুন্না কোতি ১৮.৯৩গী মনুংদা লৈবাক অসিগী খুঙ্গংগী য়ুমথোং কোতি ৩.২৩(১৭%) তোতিগী ইশিং ফংহনখ্রে৷ মদুদগী হৌদুনা খুঙ্গংগী মফমশিং অসিদা লৈরিবা ইমুং কোতি ৩.৪৭ হেনবদা মখোয় মখোয়গী ইমুংশিং অসিদা তোতিগী ইশিং ফংহনখ্রে৷ হৌজিক্তি খুঙ্গংগী য়ুমথোং পু্ন্না কোতি ১৯.১৮ অসিগী মনুংদা ১/৩(৩৫%) হায়বদি লৈবাক অসিদা লৈরিবা খুঙ্গংগী ইমুং কোতি ৬.৭০ মখোয় মখোয়গী ময়ুমশিং অসিদা অফবা তোতিগী ইশিং ফংহন্দুনা মখোয়গী পুন্সিগী ক্বালিতী অদু হেনগৎহনখ্রে অমসুং পুন্সি অদু হেন্না লাইনা হিংহনখ্রে৷

খুঙ্গংগী য়ুম খুদিংদা অফবা থকপা য়াবা ইশিং ফংহনবদা ইক্বুইতী অমসুং ইনক্লুসিবনেস্কী প্রিন্সিপল অসি মতুং ইন্দুনা ঙসি ফাওবদা লৈবাক অসিগী জিলা ৫২দা শন্দোকখ্রে৷ মনুং চিল্লিবা জিলাশিং অদু রাজ্যশিং গুজরাত(৫), তেলঙ্গনা(৩২), হিমাচল প্রদেশ(৩), জম্মু অমসুং কাশ্মীর(২), গোৱা(২), হরিয়ানা(৫) অমসুং পঞ্জাব(২), হরিয়ানা(৫) অমসুং পঞ্জাব(৩) লৈদুনা ‘হর ঘর দল জিলাশিং’ ওইখ্রে, হায়বদি খুঙ্গংগী য়ুমথোং খুদিংমক অফবা তোতিগী ইশিং ফংহনখ্রে৷ য়ুমথোং খুদিংদা তোতিগী ইশিং অসি ফংহনবগী মতাং অসিদা রাজ্যশিং অমসুং য়ু.তি.শিং অসিগী মনুংদা হেল্থদী কম্পিতিসন অমা লৈ৷ লৈবাক অসিদা গোৱানা রাজ্য অদুগী খুঙ্গংশিং অসিদা লৈরিবা য়ুমথোং খুদিংদা তোতিগী ইশিং ফংহনবা লৈবাক অসিগী ইহান হানবা রাজ্য ওইদুনা তেলঙ্গনানা মতুং ইল্লি৷ রিপোর্ত তৌরকপগী মতুং ইন্না জিলা ৫২, ব্লোক ৬৬৩ অমসুং খুঙ্গং লিশিং ৭৬রোমদা লৈরিবা য়ুমথোং পুম্নমক তোতিগী ইশিং ফংবা হৌখ্রে৷

জে.জে.এম.গী মখাদা সোসিয়ো-ইকোনোমিক কন্দিসন অমতা য়েংদনা ইমুং খুদিংদা মখোয় মখোয়গী ময়ুমদা পাইপকী ইশিং ফংহনবা অসিনা পান্দম ওইরি৷ মসিগী প্রিন্সিপল অসি ‘মী অমতা ৱাৎতনা ইশিং ফংহনবা’ অমসুং সোসাইতী অসিগী খ্বাইদগী লাইরবা, তোল্লা তারবা অমসুং মার্জিনেলাইজ সেক্সনশিং অসিগী ময়ুমশিং অসিদা অফবা থকপা য়াবা ইশিং ফংহনবা অসিনি৷

ইলেক্ত্রোনিক্স অমসুং ইনফোর্মেসন তেক্নোলোজী(মৈতী)গা খুৎশম্নরগা নেস্নেল জল জীবন মিসন্না খুঙ্গংগী মফমশিং অসিদা ইশিং সপ্লাই তৌননবগীদমক ‘স্মার্ত ৱাতর সপ্লাই মিজরমেন্ত অমসুং মোনিতরিং সিস্তেম’ লো়ঞ্চ তৌখ্রে৷

                                                                                      *******