ভারত সরকারগী অয়ুশ মন্ত্রালয়গী সেন্ত্রেল কাউন্সিল ফোর রিসর্চ ইন উনানি মেদিসিন(সি.সি.আর.য়ু.এম.) অসিনা উনানি মেদিসিনগী মতাংদা হাইব্রিদ ভর্চুয়েল নেস্নেল কনফরেন্স অমা শিনখ্রে৷

‘উনানি মেদিসিন: কোবিদ-১৯গী মতমদা লৈরিবা খুদোংচাবশিং অমসুং চেলেঞ্জশিং’ হায়না থীম ওইদুনা পাংথোক্লিবা কনফরেন্স অসি য়ুথ এফিয়র্স অমসুং স্পোর্তস, অয়ুর্বেদ, য়োগ অমসুং মেচরোপেথী, উনানি, সিধা, সোৱা-রিগ অমসুং হোমিয়োপেথী(অয়ুশ)গী রাজ্যগী মন্ত্রী অমসুং ভারত সরকারগী মাইনোরিতী এফিয়র্স্কী ইকাই খুম্নরবা রাজ্যগী মন্ত্রী শ্রী কিরেন রিজিজুনা অয়ুশ মন্ত্রালয়গী সেক্রেতরী শ্রী ভাইদ্য রাজেশ কোতিচা, অয়ুশ মন্ত্রালয়গী এদিস্নেব সেক্রেতরী শ্রী প্রমোদ কুমার পথক, সি.সি.আর.য়ু.এম.গী দাইরেক্তর জেনেরেল প্রোফেসর অসিম অলি খান অমসুং অয়ুশ মন্ত্রালয়গী জোইন্ত এদভাইজর (উনানি)দা. এম.এ.কাস্মিগা লোইননা থৌরম অসি হৌদোকখি৷

কনফরেন্স অসি হৌদোক্লদুনা তোঙান তোঙানবা সিবিলাইজেসনশিং অসিগী খ্বাইদগী ফরবা লৌশিংশিং অদু নিংথীনা য়াওরবা উনানি মেদিসিন অসি মীয়ামশিং ফিজিকেল, মেন্তেল মপুং ফানা লৈহনবদা অমসুং সমাজকা তোৎনা-তিন্নদুনা লৈহনবগী খ্বাইদগী ফরবা সিস্তেম ওই হায়না শ্রী কিরেন রিজিজুনা ফোংদোকখ্রে৷ ইকাই খুম্নরবা প্রধান মন্ত্রী শ্রী নরেন্দ্র মোদী জিগী মখাদা শেমখিবা অয়ুশ মন্ত্রালয় অসিনা মেদিকেল রিসর্চ অমসুং হেল্থকেয়র দেলিভরীদা মরু ওইনা কোবিদ-১৯ লাইনা-লাইচৎ অসিগী মতমদা লৌখিবা থৌদাং অসি ময়ামগা মান্নদবা তোঙানবা থৌদাং ওই হায়না মহাক্না মখাতানা ফোংদোকখ্রে৷

কোবিদ-১৯ অসি লান্থেংনবা মতমদা অয়ুশ স্তেকহোল্দরশিং অসিনা লৌখিবা থৌদাং অদু ইকাই খুম্নরবা মন্ত্রী শ্রী শ্রীপদ য়েসো নাইয়কনা মহাক্কী রেকোর্দেদ ভিদিয়ো মেসেজ অমগী খুৎথাংদা থাগৎখ্রে৷

কনফরেন্স অসিদা ৱা ঙাংলদুনা কোবিদ-১৯ লাইনা-লাইচৎ অসি লান্থেংনবা মতমদা উনানি মেদিসিন অমসুং সি.সি.আর.য়ু.এম.না য়াম্না মরু ওইবা থৌদাং অমা লৌখ্রে হায়না ভাইদ্য রাজেশ কোতিচানা ফোংদোকখ্রে৷ অয়ুশ হেল্থকেয়র দেলিভরীদা খুদম ওইনা নমস্তে পোর্তেল, এ-ঐচ.এম.আই.এস.শিং অসিদা আই.তি. হাপচিন্নবা অয়ুশ মন্ত্রালয় অসিনা লৌখৎখিবা ইনিসিয়েতিবশিং অমসুং আই.সি.দি.-১১দা য়াওহন্নবগীদমক অয়ুশ তর্মিনোলোজীশিং অসি স্তেন্দর্দাইজেসন তৌননবা ৱাল্দ হেল্থ ওর্গনাইজেসনগা শহি পীনখিবা য়ানা ৱারোল অদুগী মতাংদা মহাক্না পনখ্রে অমসুং হায়রিবা ইনিসিয়েতিবশিং অসিদা সি.সি.আর.য়ু.এম.না লৌরিবা থৌদাং অদু মহাক্না থাগৎখ্রে৷

মরু ওইনা কোবিদ-১৯গী মতমদা সি.সি.আর.য়ু.এম.না তৌরিবা রিসর্চ ৱার্কশিং অসি অয়ুশ মন্ত্রালয়গী এদিস্নেল সেক্রেতরী শ্রী প্রমুদ কুমার পথকনা থাগৎখ্রে৷ কনফরেন্স অসিদা খন্না নৈনখিবশিং অদু মহাক্না য়ানিংই অমসুং থবক থৌরমশিং অদু মখাতানা পাংথোক্নবা মহাক্না হায়খ্রে৷

থৌরম অসি হৌরকপদা দিগনিতরীশিং অসিনা  কনফরেন্স সোভেনির ‘উনানি মেদিসিন্দা কম্মন রেমেদীশিংগী হেন্দবুক অমা’ অমসুং ‘উনানি মেদিসিনগী ফন্দামেন্তেলশিং অসিদা পাংথোকপা রিসর্চ- সি.সি.আর.য়ু.এম.না পাংথোকপা স্তদীশিংগী সম্মরী অমা’ থাদোকখ্রে অমসুং লোইশিল্লকপগী সেসন্দা সি.সি.আর.য়ু.এম.না ‘উনানি ফোর্মুলেসন অমগী ক্লিনিকেল স্তদী-মা ʿনিস্যান(এম্নেসিয়া)দা জুন নিসয়ান’, ‘সি.সি.আর.য়ু.এম.দা পীরিবা পেতেন্তশিংগী কম্পেন্দিয়ম’ অমসুং ‘মতম কুইনা হিংননবা মেদিসিনেল পাম্বীশিং’ ফোংখ্রে৷

******