বিঞ্জানগ্রান্থ – দি পিঐচ.দি. থেসিস রিপোজিতরী অসি লোঞ্চ তৌখি মসি ভারতকী একাদেমী ওফ সাইন্তিফিক এন্দ ইন্নোবেসন রিসর্চ (এ.সি.এস.আই.আর.) অমসুং ভারতকী কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)গী অপুনবা থৌরাং অমনি। সাইন্সতা তৌরিবা দীপ দিস্কভরীশিং অমসুং তেক্নোলোজিকেল স্পেসতা মাংজিল থানা মাইপাক্লিবশিং অসিগী মথক্তা (i) রিসর্চকী ব্রোদ হেদশিং(খুন্নাইদা মথৌ তারিবশিং অসিগী তার্গেৎশিং), (ii) য়ুনাইতেদ নেসন্সনা থম্বা সস্তেনেবল দিবেলপমেন্ত গোল্স, (iii) রিসর্চকী নেস্নেল থ্রস্ত এরিয়াশিং, (iv) দিস্সিপ্লিনশিং অসিগা মরী লৈনননা আর এন্দ দিনা হৌদোকপা অমদি সাইন্স, তেক্নোলোজী, ইঞ্জিনীয়রিং অমসুং মেথমেতিক্স (এস.তি.ই.এম.)কী লমদা ভারতকী রিসর্চ স্কোলরশিং অসিনা পাঙথোকখিবা অপুনবদা কান্নবা ফংহনগদবা ৱাখল্লোন অমা পীনবা পোর্তেল অসিনা পান্দম থমখি।

পোর্তেল অসি অথোইবা মীথুংলেন লেফতনেন্ত জেনরেল (দা.) মাধুরি কনিৎকর, ইন্তিগ্রেতেদ দিফেন্স স্তাফ (মেদিকেল)গী দিপুতী চীফনা লোঞ্চ তৌখি। য়ুনাইতেদ নেসন্সকী সাইন্সকী লমদা নপীশিং অমসুং নুপীমচাশিংগী মালেমগী নুমিৎ পাল্লন তৌনবা সি.এস.আই.আর.না পাঙথোকখিবা ওনলাইনী থৌরমদা দা. কনিৎকরনা হায় মসিগী রিপোজিতরী অসি মালেম পুম্বদা ই-পাউ অমসুং লৌশিং ফংহন্নবা মমল য়াম্লবা থৌরাং অমনি অমসুং নুপী সাইন্তিস্তশিংদা মখোয়না সাইন্সকী লমদা পামজরিবা  অদুদা চংশিন্নবসু ফোঙদোকখি।

বিঞ্জানগ্রান্থকী মতাংদা ৱা ঙাংলদুনা এ.সি.এস.আই.আর.গী দিরেক্তর দা. আর.এস. সঙ্গৱাননা হায় ২০২০দা সি.এস.আই.আর.গী সোসাইতী মীতিংদা ময়াই তাংবল লৌখিবা পি.এম.না লৈবাক অসিদা পিঐচ.দি. তৌরিবা রিসর্চরশিংনা অচৌবা দেতাবেঙ্ক অমা অমসুং লৈবাক অসিগী সমস্যাশিং, তঙাই ফদবশিং অমসুং দিমান্দশিংগা হকথেংননা মরী লৈনবা রিসর্চ ৱার্ক অমসুং তোপিকশিং তাক্লিবা পোর্তেল অমা মথৌ তাই হায়না পীখিবা পাউতাক্কী  মতুং ইন্না পোর্তেল অসি দিবেলপ তৌখিবনি। মহাক্না হায় হৌজিক কী ৱার্দশিং অমসুং দিস্সিপ্লিনগী খুত্থাংদা সর্চ তৌবা য়াবা থেসিস এবস্ত্রেক্ত ৭০০০গী ময়াদা লৈরে।

মমাংদা তিল্লিবা মীয়ামবু তরাম্না ওক্লদুনা সি.এস.আই.আর.গী দিরেক্তর-জেনরেল দা. শেখর সি. মান্দেনা হায় চহি খরা অসিদা সি.এস.আই.আর.না সিস্তেমফা নুপীশিংগী মীহুৎ মশিং য়ামহন্নবা থ্ররাংশিং পাইখৎখি।

থৌরম অদুদা “সি.এস.আই.আর. ৱুমেন রিসর্চরস এৎ দি ফোরফ্রন্ত ওফ দি ফাইৎ অগেনস্ত কোবিদ-১৯”দা ৱেবিনার অমা পাঙথোকখি। তোঙান তোঙানবা সি.এস.আই.আর. লেবোরেতরীশিংগী রিসর্চ তৌরিবা নুপী মহৈরোই মঙানা পি.পি.ই.শিং, কোবিদ-১৯ দ্রগশিং, ভাইরেল সিক্বেন্সিং, দিসিনফেক্সন সিস্তেমশিং অমসুং কোবিদ-১৯গী মায়োক্তা পাইখৎখিবা থৌরাংগী শরুক ওইরিবা অতোপ্পা কয়াগা মরী লৈনবা মখোয়গী রিসর্চ ৱার্ক অদু সিয়র তৌখি।

******