ইকায়খুম্নরবা, গুয়ানাগী রাস্ত্রপতি দোক্তর মোহমদ ইরফান অলি

ইকায়খুম্নরবা, পাপুৱা নিউ গুইনিয়াগী প্রধান মন্ত্রী জেমস মারাপে

ইকায়খুম্নরবা, ঐগী মরুপ, মালদিবসকী পিপলস মাজিলিসকী স্পিকর মোহমদ নাসিদ

ইকায়খুম্নরবা, য়ুনাইতেদ নেসন্সকী দিপুতি সেক্রেতরি জেনেরেল অমিনা জে মোহমদ

ভারত সরকারগী ইনভাইরোনমেন্ত, ফোরেস্ত অমসুং ক্লাইমেত চেঞ্জগী মিনিস্তর শ্রী প্রকাস জাবরেকার,

শক্নাইরবশিং,

খুরুমজরি!

ৱার্ল্দ সস্তেনেবল সমিত্তা ৱা ঙাংবদা ঐ হরাওই। ফোরম অসি চহি ২০ মপুংফারে। ঐখোয়গী হৌজিক অমসুং তুংগী য়াইফনবগীদমক অসিগুম্বা মরুওইবা মালেমগী পুনফম অমা শেমগৎলকপগীদমক ঐনা তেরি থাগৎলি।

মরুপশিং,

লাক্কদৌরিবা মতমদা মীওইবা খুন্নাইগী চাউখৎপা অসি পোৎশক অনিনা মশক তাক্কনি। অহানবা পোৎশক্না ঐখোয়গী মীয়াম হকচাং ফনা লৈবনি । অনিশুবনা ঐখোয়গী মালেম অসিগী অফবা হকশেলনি অমসুং অনিমক মরি লৈনৈ। মীওইবগী শকশেলগী ফিবম ফগৎনবা মমাঙদা খন্ন-নৈনবা কয়া পাংথোকখ্রে। মালেম অসি মশা ফনা লৈহন্নবা ৱা খন্ননবা মফম অসিদা ঐখোয় পুনবনি। ঐখোয়না মায়োক্নরিবা শিংনবা অসি পাক-চাউরে। ঐখোয়না থেংনরিবা অৱাবশিং অসি মহৌশাদগী লৈরক্লবা পাম্বৈশিংনা কোকহনবা ঙম্লোই। হৌজিক য়াম্না দরকার ওইরিবা অসি ঐখোয়গী নহারোলশিংগীদমক অমসুং তুংকোইনা চৎনগদবা চাউখৎ-থৌরাংগী থবক পায়খৎনবা অনৌবা ৱাখল্লোন পুথোকপা অসিনি।

মরুপশিং,

অইং-অশাগী খল হোংলকপা থেংন্নবা লম্বীদি ক্লাইমেত জজতিসনি। ক্লাইমেত জজতিসকী লম্বী অসি পুকচেল চাউবনি। ক্লাইমেত জজতিস অসি য়াম্না চাউনা অমসুং তুংগী খনবনি। অকোয়বগী ফিবম হোংলকপা অমসুং মহৌশানা থোকহনবা অমাঙ-অতাশিংনা লায়রবশিংদা হেন্না শোকহল্লি। লায়রবশিংদা মীনুংশিগী মিৎয়েং য়েংবগা লোয়ন্না চাউখৎপা পুরকপগী পান্দম্না ক্লাইমেত জজতিসকী ইথিল পীরি। ক্লাইমেত জজতিসকী ৱাহন্থোক্তি চাউখৎলক্লিবা লৈবাকশিং চাউখৎনবা মফম অমা পীবনি। ঐখোয় খুদিংমক্না ঐখোয় অমমমগী অমসুং অপুনবগী থৌদাং মশক খঙলবদি ক্লাইমেত জজতিসকী অচুম্বা ফংবা ঙমগনি।

মরুপশিং,

ভারতকী পান্দমদি থবক ওইনা পাংথোকপনি। মীয়ামগী থবকশিংগী থৌনা অসিনা ঐখোয়না পীখিবা থাজবশিং পাংথোক্নবা অমসুং পেরিসকী পান্দমশিং ফংনবা লম্বীদা ঐখোয় চঙশিল্লে। জি.দি.পিগী মৈখু থাদোকপগী চাং ২০০৫গী চাং চাদা ৩৫দগী চাদা ৩৩দা হন্থহন্নবা ঐখোয়না থাজবা পীরে। মৈখু থাদোকপগী চাং চাদা ২৪ হন্থহনবা ঙম্লে হায়বা খঙবদা অদোম হরাওগনি।

অপুনবগী ওইনা পুথোকলিবা ইলেকত্রিসিতিগী চাদা ৪০ নন-ফোসিল ফুয়েলশিংদগী পুথোকপা ঙম্নবা থাজবা অমা পীরি। ঙসিদি নন-ফোসিল ফুয়েলশিংদগী পুথোকপা ইলেকত্রিসিতিগী চাং চাদা ৩৩ য়ৌবা ঙম্লে। মসিগী মনুংদা নিউক্লিয়ার অমসুং অচৌবা হায়দ্রো প্রোজেকশিং য়াওরি। লেন্দ দিগ্রেদেসন নিউত্রেলিতি(এল দি এন)দা ভারতনা পীখিবা থাজবশিং তপ্না তপ্না খুমাঙচাউশিল্লে। ভারত্তা রিনিউএবল ইনর্জিগী থবকশু ফিবম ফগৎলক্লি। ২০৩০ ফাওবগী মনুংদা গিগা ৱাত ৪৫০গী রিনিউএবল ইনর্জি পুথোক্নবা পান্দম ফংনবা লম্বীদা ঐখোয় চঙশিল্লি। মসিদা মতেং পাংখিবা ঐখোয়গী প্রাইভেদ সেক্তর অমসুং লনাই মীওইশিং ঐনা থাগৎলি। ভারতনা ইথানোল শীজিন্নবশু হেনগৎলে।

মরুপশিং,

মী খুদিংমক খুদোংচাবা ফংহন্দ্রবদি সস্তেনেবল দিবলপমেন্ত মপুংফাদে। মাইকৈ অসিদশু ভারত খুমাঙচাউশিল্লে। মার্চ ২০১৯দা ভারতনা চাদা ১০০ মৈ ফংহনবা ঙমখ্রে। মসি সস্তেনেবল তেক্নোলোজিশিং অমসুং অনৌবা নমুনাশিংগী খুৎথাংদা পাংথোকখিবনি। উজালা য়োজনাগী মখাদা মীয়ামদা এল.ই.দি ব্লব মিল্লিয়ন ৩৬০ ফংহনখ্রে। মসিনা চহি অমদা কার্বোদাইওক্সাইদ তন মিল্লিয়ন ৩৮ হন্থহল্লে। জল জিবন মিসন্না থা ১৮গী মনুংদা য়ুমথোঙ মিল্লিয়ন ৩৮ তোতি ঈশিং ফংহনখ্রে। প্রধান মন্ত্রী উজৱালা য়োজনাগী মখাদা লায়রবগী পনখৈ মখাদা লৈবা ইমুং মিল্লিয়ন ৮০ হেন্না চাক থোঙনবা গ্যাস ফংখ্রে। ভারতকী ইনর্জি শীজিন্নবদা নেচরেল গ্যাসগী চাকথুং হৌজিক চাদা ৬ ওইরিবা অসি চাদা ১৫দা হেনগৎহন্নবা ঐখোয় থবক পায়খৎলি।

লৈবাক অসিগী গ্যাসকী মচাক-মথুমশিং শেমগৎনবা দোল্লর বিল্লিয়ন ৬০ থাদনবা থৌরাং ঙাইদুনা লৈরে। সিতি গ্যাস দিস্ত্রিবুসন নেতৱার্ক পাকথোক-চাউথোক্নবা থবক পায়খৎলি। মথং চহি অহুমদা নেতৱার্ক অসিদা অতোপ্পা জিলা ১০০ হাপচিল্লগনি। ২০২২ ফাওবদা পি.এম-কুসুম স্কিমগী মখাদা, লৌউ-শিংউগী থবক্তা শীজিন্ননবা গিগা ৱাত ৩০ হেনবগী সোলার পৱার পুথোক্লগনি।

মরুপশিং,

তুংকোইনা চাউখৎপা হায়বা অসি ফংনবা মৈখু চেন্দবা ইনর্জি অসি খক্তনা পাম্বৈ ওইরি। ঐখোয়না পাম্লিবা অসি হেন্না লু-নানবা মালেম অমনি। উমংশিং অমসুং অশং-অমানগী মফমশিং ইকায়খুম্নবা উৎপা ঐখোয়গী চৎনবী অসিনা মশক থোকপা ফলশিং উবা ফংলে। এফ.এ.ওগী গ্লোবেল ফোরেস্ত রিছোর্সেস এসেসমেন্ত ২০২০গী মতুংইন্না হৌখিবা চহি ১০ অসিদা উমংগী শরুক হেনগৎলকপা মকোক থোংবা লৈবাক ৩গী মনুংদা ভারত য়াওরে।

লৈবাক অসিদা উমংগী শরুক অসি অপুনবা পাক-চাউবা লমগী শরুক মরি থোকপগী শরুক অমা য়ৌরে। লৈবাক অমা চাউখৎলকপা মতমদা, উমংগী শরুক হন্থরকই হায়না মীওই খরনা খনবা য়াই। অদুবু, মসিগী ফিবম অসি থোক্তবা লৈবাকশিংগী মনুংদা ভারত অমনি।

তুংকোইনা চৎনগদবা চাউখৎ-থৌরাংগী ঐখোয়গী পান্দম অসিদা শা-ষনশিং ঙাকশেনবা য়াওরি। হৌখিবা চহি ৫-৭ অসিদা নোংশাশিং, কৈশিং, কবো কৈশিং অমসুং গঙ্গা তুরেলগী দোলফিন মশিং হেনগৎলকপা অসি ভারত শীনবা থুংনা মীয়াম্না চাউথোকচবা পোক্লি।

মরুপশিং,

মীফম অসিনা সস্তেনেবল দিবলপমেন্তগী থবক পাংথোক্নবা খ্বাইদগী ফবা মীওইশিং মফম অমদা পুনহল্লে। ৱাফম অনিদা পুক্নিং চঙবা ঐনা পাম্মি: পুন্না থবক তৌমিন্নবা অমসুং অনৌবা থবক। অপুনবা থবকশিং খক্তনা তুংকোইনা চৎনগদবা চাউখৎপা পুরকপা ঙমগনি।

মীওই অমনা লৈবাক্কী ফনবা খল্লবা, লৈবাক খুদিংমক্না মালেমগী ফনবা খল্লবা, অদু ওইরবদি তুংকোইনা চৎনগদবা চাউখৎপা পুরকপা ঙমগনি। ইন্তরনেসনেল সোলার এল্লাইন্সকী খুৎথাংদা মাইকৈ অসিদা ভারতনা থবক অমা পায়খৎলে। মালেম পুম্নমক্কী খ্বাইদগী ফবা থবকশিং পাংথোক্নবা শরুক য়ারিবশিং অমসুং লৈবাকশিংনা পুকচেল শেংবা দরকার ওই। অনিসুবনা ইন্নোবেসন্নি। রিনিউএবল ইনর্জি অমসুং অকোয়বগী ফিবম শোকহন্দবা তেক্নোলোজিগী লমদা স্তার্দ-অপ কয়া থবক পায়খৎলি। মখোয়গী থবকশিং অসি ঐখোয়না মতেং পাংগদবনি। ঐখোয়গী লৈবাক্কী নহারোলশিংগী থৌনা অসিনা অফবা ফলশিং ফংবা ঙমগনি।

মরুপশিং,

মহৌশানা থোকহনবা অমাঙ-অতাশিং শেন্নবা ঙম্বগী ঐখোয়গী থৌনা হেনগৎহন্নবগী দরকার ওইবা অদু মসিগী মীফম অসিদা ঐনা পনবা পাম্মী। মহৌশানা থোকহনবা অৱা-অনা থেংন্নবা মীওইবগী পাঙ্গল-লৌশিং অমসুং তেক্নোলোজি দরকার ওই। মাইকৈ অসিদা ঐখোয়না কোলিএসন ফোর দিজাস্তার রিসিলিয়েন্ত ইনফ্রাস্ত্রকচরগী শরুক অমা ওইনা থবক পায়খৎলি।

মরুপশিং,

মখা তানা তুংকোইনা চৎনগদবা চাউখৎ-থৌরাংগী থবকশিংগী পাংথোকপা য়াবা থবকশিং পাংথোক্নবা ভারতনা থৌরাং তৌদুনা লৈরি। মীওইবা খুন্নাইগী খনবা ঐখোয়গী থবক অসি মালেমগী অফবা অমা ওইগনি। হায়রিবা থবকশিং অসিদা তেরিগুম্বা রিছর্স ইন্সতিতুৎকী মতেং য়াম্না মরুওই।

মীফম অসি অমসুং ময়াম পুম্নমক ঐনা য়াইফ-পাউজেল পীজরি।

অদোম থাগৎচরি!

অদোম য়াম্না থাগৎচরি!

*****