এপ্রিল ২০২০দা শাথৎনা হন্থখিবা মতুংদগী কোর ইন্দস্ত্রী নিপানগী ইন্দস্ত্রিএল পোত্থোক পুথোকপগী চাং ফগৎলকপগী খুদমশিং উবা হৌরক্লি‍। মার্চ ২০২০দগী সেক্তর-সেক্তরগী ওইনা অমদি থা-থাগী ওইনা কোর ইন্দস্ত্রী নিপানসিদা ফীভম খগৎলকপগী চাং হাপ্লি‍। কোবিদ-১৯ খঙহৌদনা শন্দোরকপনা য়ু.এস.এ. য়ুরোবিয়ন য়ুনিয়ন, য়ু.কে. অমসুং জাপাননচিংবা মালেমগী অচৌবা শেন্মিৎলোনশিংদা শাথিনা ফীভম শোকহনখি‍। ভারত্তসু লৈবাক পুম্বগী ওইবা লোকদাউন্না তোঙান তোঙানবা সেক্তরশিংদা শোকহনখি‍। অদুম ওইনমক লোকদাউন কোমথোক্লবা মতুংদা শেন্মিৎলোনগী সেক্তর কয়াদা ফগৎলকপগী ফীভম উবা ফংলি‍।

ইন্দস্ত্রিএল পোত্থোক পুথোকপদা ইনোৎ হাপ্নবা অমসুং জি.দি.পি. ফগৎলক্নবা লৈঙাক্না হৌখিবা চহী খরদা অতৌবা রিফোর্ম কয়া পায়খৎখি‍। লৈঙাক্না ইন্সোল্ভেন্সী এন্দ বেঙ্করপ্তসী কোদ (আই.বি.সি.) চৎনহনখি অমদি বেঙ্কশিং রিকেপিতেলাইজ তৌখি‍। অতোপ্পা মশক থোকপা থৌরাংশিংগী মনুংদা ইন্দাইরেক্ত তেক্স রেজিম লায়থোকহন্নবা গুদ্স এন্দ সর্ভিস তেক্স (জি.এস.তি.), লমদমসিগী মেনুফেকচরিং কেপাসিতী ফগৎহন্নবা মেক-ইন-ইন্দিয়া প্রোগ্রাম, ফোরেন দাইরেক্ত ইনভেস্তমেন্ত মনীং তমহনবা অমসুং হেন্না লৌথুপ লৌকোই লৈতবা, ইফিসিএন্সী অমসুং ফাইনান্সিএল ইনক্লুজন পুরক্নবা জন ধন-আধশর-মোবাইল (জে.এ.এম.) অসিনচিংবশিং য়াওরি‍। সেপ্তেম্বর, ২০১৯দা লমদমসিগী মেনুফেকচরিং কম্পেনীশিংগী কোর্পোরেত তেক্স রেত চাদা ১৫দা হন্থহন্দুনা মালেমগী খ্বাইদগী নেম্বশিংগী মরক্তা থমখি‍। দিসেম্বর ২০১৯দা, ইনফ্রাস্ত্রকচর নীংথিনা ফগৎহনগদবা অমসুং শেন্মিৎলোন্দা চাউখৎপা ফীভম পুরক্কপদা লুপা করোর লাখ ১০৩গী নেসনেল ইনফ্রাস্ত্রকচর পাইপলাইন লৈঙাক্না লাউথোকখি‍। কেন্দ্রগী বদজেত ২০২১-২২দা মেক ইন ইন্দিয়াদা কান্নহন্নবা কস্তম দ্যুতী হেনগৎহনবা, ইনফ্রাস্ত্রকচর, ইনোভেসন অমসুং আর. এন্দ দি.দা ইনোৎ হাপ্নবা মরুওইবা থৌরাংশিং, অমসুং “মিনিমম গভর্নমেন্ত অমসুং মেক্সিমম গভর্নেন্স” অসিনচিংবা চাউখৎপদা ঙাক্লৌ ওইগদবা থৌরাং কয়া লাউথোকখি‍।

ভারত্তা কোবিদ-১৯ লাইচৎনা শোকহনবা থেংননবগীদমক লৈঙাক্না লুপা করোর লাখ ২৭.১গী ভারতকী জি.দি.পি.গী চাদা ১৩গা মান্নবা অখন্নবা ইকনমিক অমসুং কম্প্রিহেন্সিব পেকেজ লাউথোকখি‍। পেকেজ অসিদা য়ুমথোঙশিংদা ইন-কাইন্দ অমসুং কেস ত্রান্সফর রিলিফকী থৌরাং, প্রধান মন্ত্রী গরিব কল্য়ান রোজগার অভিয়ানগী মখাদা থবক পীননবগী থৌরাং অমসুং এম.জি.এন.আর.জি.এস.কী মখাদা এলোকেসন হেনগৎহনবা, এম.এস.এম.ই.শিং অমসুং এন.বি.এফ.সি.শিংগী ক্রেদিত গরেন্তী অমসুং ইকুইতী ইনফ্যুজন্দা য়ুম্ফম ওইবা তেংবাং থৌরাং অমসুং তেক্স-ফাইলিংগা মরী লৈনবা রিগুলেতরী অমদি কম্প্লাইএন্স থৌরাংশিং, আই.বি.সি. অমসুং প্রোকরমেন্তনচিংবা থৌরাংশিং য়াওরি‍। আত্মনিরভর ভারত পেকেজকী শরুক অমা ওইনা স্ত্রকচরেল রিফোর্মশিং লাউথোকখি অমদি মসিদা লৌউ-শিংউ সেক্তর দিরিগুলেত তৌবা, এম.এস.এম.ই.শিংগী মশক হোংদোকপা, অনৌবা পি.এস.য়ু. পোলিসী, কোইলা পেকপা কম্মর্সিএলাজ তৌবা, দিফেন্স অমসুং স্পেস সেক্তরদা এফ.দি.আই. লিমিত হেনগৎহনবা, ইন্দস্ত্রিএল লেন্দ/লেন্দ বেঙ্ক শেমগৎপা অমদি ইন্দস্ত্রিএল ইনফোর্মেসন সিস্তেম, সোসিএল ইনফ্রাস্ত্রকচরগী ভাইএবিলিতী গেপ ফন্দিং স্কিম, অনৌবা পৱার তারিফ পোলিসী অমসুং সেক্তর রিফোর্মশিং পায়খৎনবা স্তেতশিংদা ইন্সেন্তিভাইজ তৌবনচিংবা য়াওরি‍। পেকেজ অসি পায়খৎপগী ফীভম চাং নাইনা নৈনদুনা য়েংশিল্লি‍।

হন্দক্তা, ভারত লৈঙাক্না প্রদক্সন লিঙ্ক ইন্সেন্তিব (পি.এল.আই.) স্কিমগী মখাদা ইন্সেন্তিব পীননবা তোঙান তোঙানবা পোত্থোক কাঙলুপ মরি য়াওরগা ‘স্পিসিএল্তী স্তীল’ হাপচিনবা; দি.জি.এফ.তি.গী  দ্যুতী দ্রো বেক স্কিমগী মখাদা ইঞ্জিনিয়রিং এক্সপোর্ত প্রমোসন কাউন্সিলগী মেম্বর ওইবা এম.এস.এম.ই.শিংদা এক্সপোর্ত পেরিতী মমলদা স্তীল ফংহনবা; য়োৎ অমসুং স্তীলগী এগ্রিগেত এস্তিমেত লুপা করোর ২৫দগী হেনবা লৈঙাক্কী প্রোকরমেন্ততা লমদমসিদা পুথোকপা য়োৎ অমসুং স্তীলদা প্রিফরেন্স পীনবা থৌরাং; অতোপ্পা লৈবাকশিংনা অনফেয়র ত্রেদ প্রাক্তিস তৌবা পোত্থোকশিংদা এন্তি-দম্পিং দ্যুতী অমসুং কাউন্তরভেলিং দ্যুতী লৈহনবা য়াওনা মতি চাবা রিমিদিএল থৌরাংশিংগী খুত্থাঙদা ইন্দস্ত্রীশিংবু অনফেয়র ত্রেদতগী ঙাকথোকপনচিংবা অসিনচিংবা য়াওনা লমদমসিদা স্তীল পুথোকপা হেনগৎহন্নবা আত্মনিরভর অভিয়ানগী মখাতা তোঙান তোঙানবা থৌরাংশিং পায়খৎলে‍।

শেন্মিৎলোন মনীং তমহনবগী থৌরাং মখাদা সিমেন্ত ইন্দস্ত্রী ১৯৮৯দা দি-কন্ত্রোল্দ অমসুং ১৯৯১দা দি-লাইসেন্স তৌখি‍। সিমেন্ত (ক্বালিতী কন্ত্রোল) ওর্দর, ২০০৩না ভারত্তা পুথোকপা অমদি য়োল্লিবা সিমেন্তশিংগী ক্বালিতী অকক্নবা সিমেন্ত মখলশিংগী বি.আই.এস.না পীরিবা স্তেন্দর্দকা চুনহন্নবা ৱাফম থম্লি‍। নেসনেল ইনফ্রাস্ত্রকচর পাইপলাইন, মেক ইন ইন্দিয়া, প্রধান মন্ত্রী গ্রাম সরক য়োজনা, প্রধান মন্ত্রী অৱাস য়োজনা – গ্রামিন, পি.এম. অৱাস য়োজনা (অর্বান), স্বচ্চ ভারত মিসন, ‘হর ঘর জল’ পীননবা জল জীবন মিসন, অতৈ ইনফ্রাস্ত্রকচর অমসুং হাউজিং স্কিম্না সিমেন্ত, স্তীল অমসুং অতৌ কন্সত্রক্সন মচাকশিং পুথোকপা অমদি য়োনবগী ফীভম ফগৎহন্দুনা শেন্মিৎলোন্দা মল্তিপ্লাইয়র ইফেক্ত পুরক্কনি‍।

 

এনেক্সচর

 

কোর ইন্দস্ত্রী নিপানগী (চহী চহীগী বেসিস্তা) পোত্থোক পুথোকপদা হেনগৎলকপগী চাং (চাদা)

থা/চহী	অপুনবা গ্রোথ রেত	কোইলা	শুংদোক্ত্রিবা থাউ	নেচরেল গ্যাস	পেত্রোলিয়ম রিফাইনরি পোত্থোকশিং	হার	স্তীল	সিমেন্ত	মৈ
ৱেত (%)		১০.৩৩	৮.৯৮	৬.৮৮	২৮.০৪	২.৬৩	১৭.৯২	৫.৩৭	১৯.৮৫
মার্চ-২০	-৮.৬	৪.০	-৫.৫	-১৫.১	-০.৫	-১১.৯	-২১.৯	-২৫.১	-৮.২
এপ্রিল-২০	-৩৭.৯	-১৫.৫	-৬.৪	-১৯.৯	-২৪.২	-৪.৫	-৮২.৮	-৮৫.২	-২২.৯
মে-২০	-২১.৪	-১৪.০	-৭.১	-১৬.৮	-২১.৩	৭.৫	-৪০.৪	-২১.৪	-১৪.৮
জুন-২০	-১২.৪	-১৫.৫	-৬.০	-১২.০	-৮.৯	৪.২	-২৩.২	-৬.৮	-১০.০
জুলাই-২০	-৭.৬	-৫.৭	-৪.৯	-১০.২	-১৩.৯	৬.৯	-৬.৫	-১৩.৫	-২.৪
ওগস্ত-২০	-৬.৯	৩.৬	-৬.৩	-৯.৫	-১৯.১	৭.৩	০.৫	-১৪.৫	-১.৮
সেপ্তেম্বর-২০	০.৬	২১.০	-৬.০	-১০.৬	-৯.৫	-০.৩	৬.২	-৩.৪	৪.৮
ওক্তোবর-২০*	-০.৯	১১.৭	-৬.২	-৮.৬	-১৭.০	৬.৩	৪.০	৩.২	১১.২
নবেম্বর-২০*	-১.৪	৩.৩	-৪.৯	-৯.৩	-৪.৮	১.৬	-০.৫	-৭.৩	৩.৫
দিসেম্বর-২০*	-১.৩	২.২	-৩.৬	-৭.২	-২.৮	-২.৯	-২.৭	-৯.৭	৪.২
২০২০-২১ (এপ্রিল-দিসেম্বর) *	-১০.১	-১.৯	-৫.৭	-১১.৬	-১৩.৫	৩.০	-১৬.৭	-১৮.৩	-৩.৭

* প্রোভিজনেল

কোর ইন্দস্ত্রী নিপান্দা কোইলা, শুংদোক্ত্রিপা থাউ, নেচরেল গ্যাস, পেত্রোলিয়ম রিফাইনরী, হার, স্তীল, সিমেন্ত অমসুং মৈ য়াওরি‍।

ৱাফম অসি ঙসি রাজ্য সভাদা কম্মর্স অমসুং ইন্দস্ত্রীগী রাজ্য মন্ত্রী শ্রী সোম প্রকাসনা অইবা পাউখুম ওইনা পীখিবনি‍।

***

(Release ID: 1697354) Visitor Counter : 134