ভারত সরকারনা শীন্দুনা ভর্চুএল ওইনা ফেব্রুৱারি ২৭, ২০২১দগী মার্চ ২, ২০২১ ফাওবা ‘ইন্দিয়া তোই ফিয়ার,২০২১’ পাংথোক্লগনি। ভারত মালেমগী শানপোৎ শাবগী উদোগকী মফম অমা ওইনা শেমগৎনবা প্রধান মন্ত্রীগী পান্দম ফংনবা মেলা অসি পাংথোক্কদবনি।  

লৈবাক অসিগী ইন্দস্ত্রিশিং য়োকখৎনবা সরকারনা হৌদোকখিবা “অত্মানির্ভর ভারত” অমসুং “ভোকেল ফোর লোকেল”গী পান্দমশিংদা ইথিল অমা পীনবা মেলা অসিনা পান্দম থম্লি। লাইরিক-লাইশু তম্বদা চহি মতাং খুদিংমক্কী অঙাংশিং হরাওনা তম্নবা শানপোৎ মখল কয়া শীজিন্ননবা মেলা অসিনা পান্দম থম্লি।

মালেমগী ওইনা চাংদম্নবা ঙম্নবা ভারতকী শানপোৎকী উদোগ চাউখৎনবা থৌরাং অমা ওইনা, থৌশিল শেম্বশিং, শানপোৎ শাবশিং অমসুং য়োনবশিং, ইনভেস্তরশিং, উদোগকী অখঙ-অহৈশিং, এম.এস.এম.ইশিং, খুৎহৈবশিং, স্তার্দ-অপশিং, অঙাংশিং, মমা-মপাশিং অমসুং ওজাশিং মফম অমদা পুন্নবা ইন্দিয়া তোই ফিয়ার ২০২১না পান্দম থম্লি।

মেলা অসিদা ভর্চুএল স্তোল ১০০০ হেন্না, রাজ্য সরকারশিংগী ৱেবিনারশিং, শানপোৎ শীজিন্নদুনা লাইরিক তম্বগী মতাংদা অখঙ-অহৈশিংগী ৱেবিনারশিং, শানপোৎ শাবা উৎপা, চাংদম্নবশিং, কুইজশিং, ভর্চুএল তুরশিং, শানপোৎ হৌদোকপা য়াওনা মরুওইবা থৌরম কয়া পাংথোক্কনি। নেসনেল ইজুকেসন পোলিসি ২০২০দা য়ুম্ফম ওইদুনা অহাংবা মফম অমসুং কা মনুংদা শানবা য়াবা শানপোৎশিং অমসুং কমদৌনা নুংঙাইনা লাইরিক তমগনি হায়বগী মতাংদা খন্ন-নৈনবা কয়া পাংথোক্কনি।

মেলা অসিদা এন.সি.ই.আর.তি, এস.সি.ই.আর.তি, সি.বি.এস.ই অমসুং মখোয়গী স্কুলশিং অমসুং ওজাশিং, আই.আই.তি গান্ধীনগর, এন.আই.দি অমসুং চিন্দ্রেন য়ুনিভর্সিতি অহমেদবাদ শরুক য়াগনি। ভারতকী তোঙান-তোঙানবা মফমশিংদগী মীওই মিল্লিয়ন কয়া শরুক য়ারবা য়ারি অমসুং শানপোৎ কয়া লৈবগী খুদোংচাবা পীগনি।

ইন্দিয়া তোই ফিয়ারগী ওফিসিএল ৱেবসাইত অমসুং ওনলাইন রেজিস্ত্রেসন ঙসি হৌদোকখ্রে। শানপোৎকী মেলা অসি য়েংনবা https://theindiatoyfair.in/.দা রেজিস্তার তৌদুনা ফেব্রুৱারি ২৭, ২০২১দগী মার্চ ২, ২০২১ ফাওবা ভর্চুএল ওইনা য়েংবা য়াগনি।

******