ਭਾਰਤ ਸਰਕਾਰ ਵਰਚੂਅਲ ਪਲੇਟਫਾਰਮ 'ਤੇ 27 ਫਰਵਰੀ 2021 ਤੋਂ 2 ਮਾਰਚ 2021 ਤੱਕ 'ਭਾਰਤੀ ਖਿਡੌਣਾ ਮੇਲਾ, 2021’ ਦਾ ਆਯੋਜਨ ਕਰ ਰਹੀ ਹੈ। ਇਹ ਪਹਿਲ ਪ੍ਰਧਾਨ ਮੰਤਰੀ ਦੇ ਖਿਡੌਣਾ ਉਦਯੋਗ ਦੇ ਖੇਤਰ ਵਿੱਚ ਭਾਰਤ ਨੂੰ ਇੱਕ ਵਿਸ਼ਵਵਿਆਪੀ ਕੇਂਦਰ ਬਣਾਉਣ ਦੇ ਵਿਜ਼ਨ ਦੇ ਅਨੁਸਾਰ ਹੈ।

ਇਸ ਮੇਲੇ ਦਾ ਉਦੇਸ਼ ਸਰਕਾਰ ਵਲੋਂ ਸਵਦੇਸ਼ੀ ਉਦਯੋਗਾਂ ਨੂੰ ਉਤਸ਼ਾਹਿਤ ਕਰਨ ਲਈ ਸ਼ੁਰੂ ਕੀਤੀਆਂ ਗਈਆਂ “ਆਤਮਨਿਰਭਰ ਭਾਰਤ” ਅਤੇ “ਲੋਕਲ ਲਈ ਵੋਕਲ” ਮੁਹਿੰਮਾਂ ਦੇ ਵਿਸ਼ੇ ਨੂੰ ਹੁਲਾਰਾ ਦੇਣਾ ਹੈ। ਇਸ ਦਾ ਉਦੇਸ਼ ਸਿੱਖਿਆ ਵਿੱਚ ਹਰ ਉਮਰ ਵਿੱਚ ਸਿਖਲਾਈ ਨੂੰ ਅਨੰਦਮਈ ਬਣਾਉਣ ਵਿੱਚ ਖਿਡੌਣਿਆਂ ਦੀ ਸੰਭਾਵਨਾ ਦਾ ਲਾਭ ਉਠਾਉਣਾ ਹੈ। 

'ਭਾਰਤੀ ਖਿਡੌਣਾ ਮੇਲਾ, 2021’ ਨੀਤੀ ਨਿਰਮਾਤਾ, ਖਿਡੌਣਿਆਂ ਦੇ ਨਿਰਮਾਤਾ ਅਤੇ ਵਿਤਰਕ, ਨਿਵੇਸ਼ਕ, ਉਦਯੋਗ ਮਾਹਰ, ਐੱਮਐੱਸਐੱਮਈ, ਕਾਰੀਗਰਾਂ, ਸਟਾਰਟ ਅੱਪ, ਬੱਚਿਆਂ, ਮਾਪਿਆਂ ਅਤੇ ਅਧਿਆਪਕਾਂ ਨੂੰ ਇੱਕ ਸਾਂਝੇ ਪਲੇਟਫਾਰਮ 'ਤੇ ਲਿਆਉਣ ਦਾ ਇਰਾਦਾ ਰੱਖਦਾ ਹੈ ਤਾਂ ਜੋ ਵਿਸ਼ਵਵਿਆਪੀ ਮੁਕਾਬਲੇਬਾਜ਼ੀ ਦੀ ਸਮਰੱਥਾ ਨਾਲ ਭਾਰਤੀ ਦੀ ਖਿਡੌਣਾ ਸਨਅਤ ਨੂੰ ਅੱਗੇ ਵਧਾਇਆ ਜਾ ਸਕੇ। 

ਮੇਲੇ ਦੇ ਮੁੱਖ ਆਕਰਸ਼ਣ ਵਿੱਚ 1000 ਤੋਂ ਵੱਧ ਵਰਚੁਅਲ ਸਟਾਲਾਂ ਵਾਲੀ ਇੱਕ ਵਰਚੁਅਲ ਪ੍ਰਦਰਸ਼ਨੀ, ਰਾਜ ਸਰਕਾਰਾਂ ਦੁਆਰਾ ਵੈਬਿਨਾਰ, ਖਿਡੌਣੇ-ਅਧਾਰਤ ਸਿਖਲਾਈ, ਕਰਾਫਟ ਪ੍ਰਦਰਸ਼ਨ, ਮੁਕਾਬਲੇ, ਕੁਇਜ਼, ਵਰਚੁਅਲ ਟੂਰ ਅਤੇ ਉਤਪਾਦ ਲਾਂਚ ਆਦਿ ਸਮੇਤ ਵੱਖ-ਵੱਖ ਖੇਤਰਾਂ ਦੇ ਮਾਹਰਾਂ ਦੁਆਰਾ ਵਿਭਿੰਨ ਵਿਸ਼ਿਆਂ 'ਤੇ ਰੁਝੇਵੇਂ ਵਾਲੇ ਪੈਨਲ ਵਿਚਾਰ ਵਟਾਂਦਰੇ / ਵੈਬਿਨਾਰ ਸ਼ਾਮਲ ਹਨ। ਵਿਸ਼ੇਸ਼ ਤੌਰ 'ਤੇ ਸਿੱਖਿਆ ਦੇ ਖੇਤਰ ਲਈ, ਵੱਖ-ਵੱਖ ਮਾਹਰਾਂ ਨੂੰ ਸ਼ਾਮਲ ਕਰਨ ਵਾਲੇ ਗਿਆਨ ਸੈਸ਼ਨ ਐੱਨਈਪੀ 2020 ਵਿੱਚ ਜ਼ੋਰ ਦਿੱਤੇ ਖੇਤਰਾਂ ਜਿਵੇਂ ਖੇਡ ਅਧਾਰਤ ਅਤੇ ਗਤੀਵਿਧੀ ਅਧਾਰਤ ਸਿਖਲਾਈ, ਇਨਡੋਰ ਅਤੇ ਆਊਟਡੋਰ ਖੇਡ, ਬੁਝਾਰਤਾਂ ਅਤੇ ਖੇਡਾਂ ਦੀ ਵਰਤੋਂ, ਆਲੋਚਨਾਤਮਕ ਸੋਚ ਨੂੰ ਉਤਸ਼ਾਹਤ ਕਰਨ ਅਤੇ ਸਮੁੱਚੇ ਤੌਰ 'ਤੇ ਸਿੱਖਣ ਨੂੰ ਵਧੇਰੇ ਰੁਝੇਵੇਂ ਅਤੇ ਅਨੰਦਮਈ ਬਣਾਉਣ ਦੇ ਤਰੀਕਿਆਂ 'ਤੇ ਕੇਂਦ੍ਰਤ ਹੋਣਗੇ। 

ਪ੍ਰਦਰਸ਼ਕਾਂ ਵਿੱਚ ਖੁਸ਼ਹਾਲ ਬਚਪਨ ਅਤੇ ਬੱਚਿਆਂ ਨੂੰ ਖੇਡਾਂ ਰਾਹੀਂ ਸਿਖਲਾਈ ਦੇਣ ਵਿੱਚ ਲੱਗੇ ਭਾਰਤੀ ਕਾਰੋਬਾਰਾਂ ਦੇ ਨਾਲ ਨਾਲ ਐਨਸੀਈਆਰਟੀ, ਐਸਸੀਈਆਰਟੀਜ਼, ਸੀਬੀਐਸਈ ਦੇ ਨਾਲ-ਨਾਲ ਉਨ੍ਹਾਂ ਦੇ ਸਕੂਲ ਅਤੇ ਅਧਿਆਪਕ, ਆਈਆਈਟੀ ਗਾਂਧੀਨਗਰ, ਐਨਆਈਡੀ ਅਤੇ ਚਿਲਡਰਨ ਯੂਨੀਵਰਸਿਟੀ ਅਹਿਮਦਾਬਾਦ ਸ਼ਾਮਲ ਹਨ। ਮੇਲੇ ਵਿੱਚ ਭਾਰਤ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਲੱਖਾਂ ਲੋਕਾਂ ਦੇ ਸ਼ਾਮਿਲ ਹੋਣ ਦੀ ਉਮੀਦ ਹੈ ਅਤੇ ਉਨ੍ਹਾਂ ਨੂੰ ਵੱਖ-ਵੱਖ ਪ੍ਰਦਰਸ਼ਕਾਂ ਤੋਂ ਉਤਪਾਦ ਖਰੀਦਣ ਦਾ ਮੌਕਾ ਵੀ ਮਿਲੇਗਾ। 

'ਭਾਰਤੀ ਖਿਡੌਣਾ ਮੇਲਾ, 2021’ ਲਈ ਅਧਿਕਾਰਤ ਵੈਬਸਾਈਟ ਅਤੇ ਔਨਲਾਈਨ ਰਜਿਸਟ੍ਰੇਸ਼ਨ ਅੱਜ ਅਰੰਭ ਕੀਤੀ ਗਈ ਹੈ। ਖਿਡੌਣਾ ਮੇਲਾ 27 ਫਰਵਰੀ ਤੋਂ 2 ਮਾਰਚ 2021 ਤੱਕ https://theindiatoyfair.in/ 'ਤੇ ਰਜਿਸਟਰੇਸ਼ਨ ਕਰਕੇ ਵਰਚੂਅਲ ਢੰਗ ਰਾਹੀਂ ਵੇਖਿਆ ਜਾ ਸਕਦਾ ਹੈ। 

*****

ਐਮਸੀ / ਕੇਪੀ / ਏਕੇ